Filipenses 2:3 - Tüpä Ñe'ëngagwer

³ Ndapeyapoi chira mba'e peyeupe gweraño tëi, ndapeyapoi chiaveira mba'e pe yemboɨvate aisave, iyakatu rumo pe reko yemominisa pɨpe ambuae avɨye katu perekora peyesui.

Tũpa Ñehengagüer

³ Ndapeyapoi chira mbahe peyeupe güeraño tẽi. Ndapeyapoi chiaveira mbahe pe yemboɨvate aisave. Iyacatu rumo pe reco yemominisa pɨpe ambuae avɨye catu perecora peyesui.

Filipenses 2:3 Iomraidhean Croise

San Lucas 18:14

Sese aipo a'e peü ko gwarepochi rerokwasar oyevɨ tuprɨ gwëtäve oso, fariseo rumo ani ete. Esepia ni'ä, opakatu akoi oyemboɨvateai va'e, opara seko reroyɨsa; akoi seko mbegwe va'e, a'e rumo seko mboɨvate katusara.”

Romanos 12:10

Peyeaɨsu katu ñepëi-pëi oyeɨvrɨ nungar tuprɨ pe rekosa pɨpe, pe ae peyemboetei rägwer sui pemboetei katura ambuae ava.

Romanos 13:13

Yande katu yagwata yande reko ɨ̇vi tuprɨsa pɨpe, inungar yagwatase arɨ pɨpe. Ani yaikora kagwar pɨpe tëi iyavei pietasa rupi, ndayaikoi chira poropota raisa pɨpe, iyavei ndayayapoi chira mba'e naporäi va'e, ndayaikoi chiaveira yande pɨ'añemoñeta nda'oyoyai va'e pɨpe iyavei ndayaroɨröi chira ava imba'e rese sereko.

Romanos 2:8

ombou aveira oñemoɨrösa ava ndiporomboyeroyai va'e upe, a'e akoi, ko ñe'ësa supiete va'e reroya rägwer sui vɨroya va'e mba'e tëi.

1 Corintios 15:9

Esepia che seko ɨvɨ kotɨ katu va'e opakatu ambuae Jesús ñe'ë mombe'usar sui aiko, iyavei ndachearöi ete Jesús ñe'ë mombe'usar che reko agwä viña, esepia che yɨpɨndar Tüpä reroyasar aseka-seka katu va'e marä-marä tëi sereko agwä.

1 Corintios 3:3

esepia pegwata vɨteño ko ɨvɨ pɨpendar pɨ'a ñemoñetasa rupi! Peyemoekate'ɨ̇-te'ɨ̇ oyeupe, iyavei peñemoɨrö peyeupe pe pɨ'añemoñeta nda'oyoyai va'esa pɨpe, pe evokoiyase peyapo ava ndoikwai va'e rembiapo nungar tëi.

2 Corintios 12:20

Che asɨkɨye asose eipeve pe repia, avɨyeteramo nda'ei chira che pɨ'a rupi pe rekokwer, iyavei pe avɨyeteramo egwë peye aveira che repiase. Che asɨkɨye ite, oime revo pe pa'üve yepoepɨ-epɨsa, pe pɨ'añemoñeta raisa ava mba'e pota raisa pɨpe, pe ñemoɨrösa peyeupe. Iyavei avɨyeteramo oimerä pe pa'üve ava oyeupeño tëi mba'e oipota va'e, ima'echiröiai va'e iyavei oñe'ë-ñe'ë tëi va'e ambuae ava rese, seko ɨvateai va'e iyavei ndiporeroyai va'e.

Gálatas 5:15

Peikwa katu, esepia peyeupeae tëi peyapose mba'e-mba'e, a'ese peñemokañɨpa tëietera peae peiko.

Gálatas 5:26

Ndayayemboɨvateai chira, esepia ipɨpe sui yayeamotare'ɨ̇, yaipotarai avei yande mboetasa rekokwer nungar yande reko agwä.

Efesios 4:2

Peyemominira pe reko avɨyesa pɨpe; pe reko mbegwesa pɨpe iyavei peñemosaño pe yeaɨsusa pɨpe peyeupe;

Efesios 5:21

Peyemboyeroya katu ambuae ava rese Cristo mboeteisa pɨpe.

Filipenses 2:14

Peyapo opakatu mba'e peñe'ë ñe'ë tëi e'ɨ̇sa pɨpe, pe yepoepɨ-epɨe'ɨ̇sa pɨpe avei,

Colosenses 3:12

Esepia Tüpä pe raɨsu eteprɨ iyavei pe poravo toyuvɨrekoi cheu narä oyapave. Evokoiyase peyapora ko nungar mba'e, peporoaɨsura, peavara peyeupe, peñemominira, pe reko mbegwera iyavei peñemosañora.

Colosenses 3:8

Kurïtëi rumo peseya opakatu ko mba'e-mba'e tëi: pe ñemoɨrösa, pe poroyukai aisa, pe reko raisa, peñe'ë marä-marä tëisa iyavei peñe'ë sa ndayamombe'ui va'e.

1 Timoteo 6:4

egwë e'i va'e oyemboɨvateai tëi mba'e rendukwa e'ɨ̇save. Iyavei oporandu-randu tëi ñe'ësa rese sekoa'ä agwä inungar imba'easɨ va'e; ichui osë mba'e pota raisa, ñemoɨrösa, ñe'ë-ñe'ë tëisa, yemboyeroya e'ɨ̇sa

1 San Pedro 3:8

Iyavei peikora opakatu teko katuprɨsa pɨpe, perekora ñepëi pɨ'a ñemoñetasa, iyavei peyeaɨsu katura Jesús reroyasar pe rekosa pɨpe. Peyemboava aveira oyeupe pe reko mbegwesa pɨpe.

1 San Pedro 5:5

Iyavei pe mbɨa chi'ïvä'e peiko va'e, pemboyeroyara ava Jesús ñe'ë rärösar. Iyavei opakatu peyemboyeroyara pe reko mbegwesa pɨpe, esepia aipo e'i Ikwachiaprɨ pɨpe: “Tüpä ava oyeeko mboɨvateai va'e amotare'ɨ̇mbar sekoi, ava seko mbegwemi va'e upe rumo ombou oporovasasa.”