Filipenses 2:25 - Tüpä Ñe'ëngagwer

²⁵ Iyavei revo avɨye katu ko yande rɨvrɨ Epafrodito, amboyevɨra pe pɨri a'e pembou va'e che pɨtɨ̇vɨï agwä mba'e cheu ipane va'e rese, a'e che ndugwer oporavɨkɨ pirätä va'e Tüpä upe.

Tũpa Ñehengagüer

²⁵ Iyavei revo avɨye catu co yande rɨvrɨ Epafrodito amboyevɨra pe pɨri ahe pembou vahe che pɨ́tɨvɨi ãgua mbahe cheu ipane vahe rese. Ahe che ndugüer oporavɨquɨ pĩrata vahe Tũpa upe.

Filipenses 2:25 Iomraidhean Croise

San Juan 13:16

Supiete aipo a'e ndipoi ete ñepëi mbigwai ɨvate katu va'e gwerekwar sui, egwë e'i avei imbouprɨ nda'ei chira ɨvate katu sekoira ombousar sui.

San Juan 17:18

Inungar nde che mbou eve ko ɨvɨ pɨpendar pa'üve, egwë a'e avei che imondo ko ɨvɨ pɨpendar pa'üve yuvɨreko.

Romanos 16:3

Pemombe'u che ma'endu'asa Prisca upe Áquila upe avei, a'e ni'ä che pɨtɨ̇vɨï mboravɨkɨ Jesucristo rekokwer rese yuvɨreko.

Romanos 16:9

Pemombe'u avei che ma'endu'asa Urbano upe, a'e ni'ä yande ndugwer oporavɨkɨ va'e Cristo rekokwer rese, che mborɨpar Estaquis upe avei.

1 Corintios 3:9

Ore oroporavɨkɨ va'e Tüpä upe, pe evokoiyase ɨvɨ nungar peiko Tüpä poravɨkɨ agwä iyavei pe inungar Tüpä omopü'a ramomi va'e oɨ.

2 Corintios 2:13

Nambo'e katui rumo che pɨ'a ñemoñetasa, esepia ndasepiai ete yande rɨvrɨ Tito. Sese che avɨye a'eño a'e pendar upe ichui aso ɨvɨ Macedonia rupi.

Filipenses 2:26

A'e pe repia pota ite opakatu, iyavei ndasesarai ete pesui esepia peikwapa ite imba'easɨse oiko.

Filipenses 4:18

Che opa aipɨsɨ pe porerekosa Epafrodito upe pembou va'e, evokoiyase oimeño ite iyavei sumbɨre vɨte cheu. A'e pembou va'e cheu avɨye ite, inungar itaɨsɨ sɨäkwä va'e, iyavei inungar mba'e seropove'ëprɨ avɨye va'e Tüpä upe.

Filipenses 4:3

Nde ni'ä che pɨtɨ̇vɨï tuprɨ va'ekwer che poravɨkɨsa rese eve, eipɨtɨ̇vɨï evokoi kuña, esepia a'e ni'ä oyembopɨ'avɨräkwä ite che pɨtɨ̇vɨïse Tüpä ñe'ëngagwer pɨsɨrösa resendar mombe'u agwä yuvɨreko, oyoya Clemente rese iyavei ambuae oporavɨkɨ va'e rese che rupi yuvɨreko. A'e serer opa ikwachiaprɨ Tüpä kwachiar tekovesa apɨre'ɨ̇ va'e resendar pɨpe.

Colosenses 1:7

Ko ñe'ësa rese yande rembiaɨsu Epafras pe mbo'e, a'e mbɨa yande Yar Jesucristo rese oporavɨkɨ va'e ore rupi, okwaita vɨroya tuprɨ va'e pe pa'üve.

Colosenses 4:11

Iyavei omondo Jesús oma'endu'asa peü, a'e serer akoi Justo. Ko gwerañomi Jesús reroyasar pa'üve judío oporavɨkɨ va'e che rupi yuvɨreko Tüpä mborerekwasave narä, a'e ni'ä che mbovɨ'a yuvɨreko yepi.

1 Tesalonicenses 3:2

iyavei yande rɨvrɨ Timoteo a'e oporavɨkɨ va'e Tüpä upe ore rupi, omombe'u va'e ko ñe'ësa pɨsɨrösa resendar Cristo suindar ou va'e. A'e amondo peü pe movɨräkwä katu agwä, pe mongere'ɨ̇ katu agwä avei peyeroya katu va'erä Cristo rese,

Filemón 1:24

iyavei Marcos, Aristarco, Demas, Lucas, che pɨtɨ̇vɨï va'e mboravɨkɨ rese yuvɨreko.

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.