Filipenses 2:16 - Tüpä Ñe'ëngagwer

¹⁶ peyemovɨräkwä katu ñe'ësa avɨye va'e tekovesa ombou va'e rese. Akoi ouse Cristo kuri avɨ'aretera pe rese, esepia pe rese che poravɨkɨsa egwë nde'i tëi va'erä.

Tũpa Ñehengagüer

¹⁶ Pemombehuse ñehesa tecovesa resendar yuvɨreco chupe, acoi ouse Cristo curi, avɨharetera pe rese. Esepia, pe rese che poravɨquɨsa ẽgüe ndehi tẽi vaherã.

Filipenses 2:16 Iomraidhean Croise

San Mateo 10:27

Akoi che amombe'u va'e pɨ̇tümimbisave peü, pe rumo pemombe'ura arɨ pɨpe ite; iyavei akoi peüñomi amombe'u va'e, perosapukai pe rëtä arɨve imombe'u opakatu upe.

San Lucas 12:8

“Amombe'ura aipo oimese ava che reroyasar opakatu ava rovake, iyavei ni'ä yande Yar Ra'ɨrɨ oyemombe'ura saɨsusa pɨpe opakatu mbigwai ɨva pendar Tüpä suindar rovai;

San Juan 6:63

Espíritu ni'ä omondo tekovesa; yande retekwer rumo egwë e'i tëi va'e. Iyavei ko amombe'u va'e peü a'e espíritu iyavei tekovesa.

San Juan 6:68

Simón Pedro omboyevɨ chupe: –Che Yar, ¿ava upe vo oroso irira? Nde gweraño ite ni'ä erereko ñe'ësa tekovesa apɨre'ɨ̇ va'e.

Los Hechos 13:26

“Che mu eta pe Abraham suindar iyavei nda'ei va'e Abraham suindar Tüpä mboeteisar: opakatu yandeu narä ombou ko ñe'ësa pɨsɨrösa resendar.

1 Corintios 1:8

Tüpä pe movɨräkwä ñoitera pe rereko oyepotase arɨ kañɨ kuri, a'ese ndipoi chietera ava oikatu va'e pemondo agwä mba'e-mba'e tëi pɨpe yande Yar Jesucristo yevɨse kuri.

1 Corintios 9:26

Evokoiyase che avei, nda'ei ava oya'uva-uva tëi va'e nungar aiko Tüpä remimbotar apo agwä iyavei che ndaikoi ava igwayɨ tëi va'e nungar.

2 Corintios 1:14

kurïtëi rumo peikwa ite chi'ïmi ore porombo'esa, akoi yande Yar Jesús yevɨse kuri, a'ese peyembovɨ'ara ore rese, inungar avei ore oroyembovɨ'ara pe rese.

Gálatas 2:2

Esepia Tüpä omombe'u ite a'eve che so agwä. A'eve amombe'u ñe'ësa Poropɨsɨrösa resendar ava nda'ei va'e judío upe yuvɨreko. Amombe'u avei kokotɨ mborerekwar ikwaprɨ yuvɨrekoi va'e upe, mba'e che rembiapokwer oikwa tuprɨ va'erä mboravɨkɨ nda'ei che rembiapo egwë e'i tëi va'e.

Gálatas 4:11

¡Che ayembosɨkɨye pe rese, che porombo'esa revo egwë e'i tëi va'e ipa'üve yuvɨreko chupe a'e peü!

Filipenses 1:10

ipɨpe sui peikwara mba'e avɨye katu va'e poravo agwä yepi. Egwë peye aveira pe rekokwer moatɨrö agwä peiko, evokoiyase ndipoi chira angaipa pe rese akoi Jesucristo ouse kuri,

Filipenses 1:6

Che aikwa ko Tüpä omboɨpɨ mba'e avɨye va'e gwemimbotar apo pe rese, a'e omboavɨye tuprɨ itera akoi arɨ pɨpe oyevɨse yande Yar Jesucristo.

1 Tesalonicenses 2:19

Evokoiyase ¿uma pi'ä orosäröra ore vɨ'asa pɨpe ore reko mboɨvate katu agwä akoi yande Yar Jesús oyevɨse kuri? Esepia nda'ei chira pe, nda'ei chira avei ambuae ava.

1 Tesalonicenses 3:5

Evokoiyase che nañemosa irise, amondo Timoteo pe rekokwer rese porandu agwä, che asɨkɨye tëi avɨyeteramo karugwar omondora mba'e tëi pɨpe, ore poravɨkɨ agwer evokoiyase okañɨ tëira che e'save.

Hebreos 4:12

Esepia Tüpä ñe'ëngagwer vɨreko tekovesa iyavei pirätäsa. A'e inungar kɨse saimbe katu va'e ambuae kɨse puku saimbe yoya va'e sui, a'e oike va'e ite yande avɨterve egwë e'i avei iñe'ëngagwer oñatoi ete yande ä yande espíritu avei; omboyekwa tuprɨ avei yande pɨ'añemoñeta mba'e rese porandu agwä yandeu.

1 San Pedro 1:23

Pe ni'ä pereko tekovesa pɨasu, nda'ei pe yesupa omano tëi va'e suindar, a'e rumo Tüpä ñe'ëngagwer supi tuprɨ apɨre'ɨ̇ va'e reroya pɨpe.

1 San Juan 1:1

Ko kwachiar pɨpe oromombe'u peü yɨpɨsuive sekoi va'e, a'e orosendu orosepia avei ore resa pɨpe. Esepia orosepia iyavei oropoko sese. A'e ni'ä Tüpä Ñe'ë tekovesa resendar.

Apocalipsis 22:17

Espíritu Maräne'ɨ̇ iyavei Ovesami a'e Cristo sekoi va'e rembireko aipo e'i: “¡Perio!” Iyavei akoi osendu va'e ko ñe'ësa, aipo e'ira: “¡Perio!” Iyavei akoi ava i'usei va'e, toyugweruño; akoi ava oipota va'e toipɨsɨ ɨ tekovesa resendar ndasepɨi va'e yuvɨreko.