Filipenses 2:1 - Tüpä Ñe'ëngagwer

¹ Iyavei Cristo pe mongere'ɨ̇, pe mbovɨ'a oporoaɨsusa pɨpe oiko, Espíritu avei sekoi pe rese. Peyeaɨsu tuprɨ iyavei pe yeaɨsusa pɨpe peñepɨtɨ̇vɨï,

Tũpa Ñehengagüer

¹ Iyavei Cristo pe monguerẽhɨ, pe mbovɨha oporoaɨsusa pɨpe oico, Espíritu avei secoi pe rese. Peyeaɨsu tuprɨ iyavei pe yeaɨsusa pɨpe peñepɨtɨvɨi.

Filipenses 2:1 Iomraidhean Croise

San Lucas 2:25

A'e arɨ pɨpe araka'e ñepëi mbɨa sekoi va'e Jerusalén ve Simeón serer va'e. A'e mbɨa avɨye eteprɨ va'e sekokwer, osärö va'e avei Pɨsɨrösar imombe'uprɨ. Espíritu Maräne'ɨ̇ rumo sekoi va'e ite Simeón rese,

San Juan 14:18

“Che rumo ndopoeyai chietera paraɨsusa nungar pɨpe; ayevɨra vitu aiko va'erä pe rese.

San Juan 14:27

Aseyara teko tuprɨsa peü. Ko amondo va'e che reko tuprɨsa che yesuindar ite, namondoi chira rumo peü inungar omondo va'e ko ɨvɨ pɨpendar yuvɨreko yepi. Anichira rumo peiko vɨ'are'ɨ̇sa pɨpe ndape sɨkɨyei chietera no.

San Juan 17:13

“Kurïtëi asora nde rekosave; che rumo amombe'u mba'e aikove vɨte seve ko ɨvɨ pɨpe, a'e avei vɨreko va'erä vɨ'aretesa oyese inungar che areko va'e yepi.

Los Hechos 2:46

Arɨ yakatu rupi tüpärove oñemonu'ä yuvɨreko, iyavei oɨ yakatu rupi avei oñemonu'ä oyoya gwasu mboyape mboya'o agwä ipare oyoya gwasu okaru yuvɨreko oyembovɨ'asa pɨpe opɨ'añemoñeta tuprɨsa pɨpe avei.

Los Hechos 4:32

Seta iteanga Jesús reroyasar yuvɨreko, opakatu oyoya tuprɨ ipɨ'añemoñeta yuvɨreko, ndipoi ete ko gweraño ko che mba'e e'i va'e, opakatu seroyasar mba'e rumo opakatu mba'e.

Romanos 5:5

Iyavei a'e yande remiarö ndayambo'a chira mba'e tëi pɨpe sereko, esepia Tüpä ombou ite oporoaɨsusa yandeu Espíritu Maräne'ɨ̇ yandeu ombou va'e pɨpe.

Romanos 8:26

Egwë e'i avei, Espíritu yande pɨtɨ̇vɨï ndayaikatu irise. Esepia ndayaikwai ete marä ya'era yayerure, ko Espíritu rumo oporandu ite Tüpä upe yande rese, oyemopoäsesa pɨpe.

1 Corintios 12:13

Egwë ya'e avei opakatu, yepe yande pa'üve oime judío, nda'ei va'e judío, mbigwai nda'ei va'e avei mbigwai, yande rumo opakatu ñapirämombrɨ yaiko ñepëi va'e nungar yande reko agwä Espíritu ñepëi va'e pɨpe; a'e ñepëi Espíritu avei opa yaipɨsɨ.

1 Corintios 15:31

Esepia che rɨvrɨ eta, arɨ yakatu rupi aiko manosa rägwer pɨpe. Ko supiete areko va'e che vɨ'aretesa pe rese yande Yar Cristo Jesús rese che rekosa pɨpe amombe'u peü.

1 Corintios 3:16

¿Ndapeikwai vo Tüpä rëtä peikose, iyavei Tüpä Espíritu sekoise pe rese?

2 Corintios 2:14

Avɨye yande Ru Tüpä upe esepia yande Cristo rese yaiko va'e yande renose oamotare'ɨ̇mbar povrɨ sui opakatu ava rembiepiave iyavei yande rekokwer sui opakatu ava upe oikwa uka gwekokwer inungar mba'e sɨäkwä va'e yasëtu va'e opakatu rupi.

Gálatas 4:6

Esepia ta'ɨrɨ yaikose, Tüpä ombou Gwa'ɨrɨ Espíritu yande pɨ'a pɨpe; iyavei Espíritu aipo e'i: “¡Abbá! ¡Che Ru!”

Gálatas 5:22

Yayapose rumo Espíritu remimbotar, yande evokoiyase yayeaɨsura, yande rorɨvetera, yaikora mba'e tuprɨ pɨpe, yande reko mbegwera, yaporoaɨsura yande reko avɨyesa pɨpe, yamboyekwara yande kwaita mboavɨyesa,

Efesios 4:4

Yaiko ñepëi nungar Cristo rese iyavei yareko ñepëi Espíritu, egwë e'i avei Tüpä yande poravo ñepëi gwarösa rereko agwä.

Filipenses 1:8

Tüpä oikwa ite che opoaɨsu eteprɨse opakatu pe rereko, esepia Cristo Jesús ni'ä pe raɨsu uka cheu.

Filipenses 3:3

yande rumo imbocircuncidaprɨ nungar supiete va'e Tüpä mboyeroyasar yaiko, esepia yayerure Espíritu pɨpe Tüpä upe; yayembovɨ'a avei Jesucristo reroyasar yande rekosa rese. Nda'ei yande retekwer rese tëi yayeroya.

Colosenses 2:2

Toyemongere'ɨ̇ katu, toyemboyoya gwasu oyeaɨsusa pɨpe yuvɨreko viya, iyavei sendukwa tuprɨsa pɨpe toyuvɨrekoi mba'e tuprɨ pɨpe viya opakatu peü, esepia Tüpä sui ndikwasai va'e mba'e peikwa tuprɨra ko mba'e imboyekwapɨ ramo, a'e ni'ä Cristo sekoi;

Colosenses 3:12

Esepia Tüpä pe raɨsu eteprɨ iyavei pe poravo toyuvɨrekoi cheu narä oyapave. Evokoiyase peyapora ko nungar mba'e, peporoaɨsura, peavara peyeupe, peñemominira, pe reko mbegwera iyavei peñemosañora.

Hebreos 6:18

Egwë e'i oime ñuvɨrïo mba'e imboyepoepɨpɨre'ɨ̇: Tüpä ni'ä ndoporombopai va'e ite, ipɨpe avei yande mongere'ɨ̇ katu yande yaseka va'e Tüpä poropɨtɨ̇vɨïsa, iyavei yayeroya va'e ñearösa yandeu ombou va'e rese.

1 San Pedro 1:2

supiete pe yande Ru Tüpä rembiporavo yɨpɨsuive ite peiko semimbotar rupi. Iyavei Espíritu Maräne'ɨ̇ pɨpe perovasa pe rereko oyeupe narä imoatɨröprɨ toyuvɨrekoi Jesucristo ruvɨ pɨpe oangaipagwer sui oyapave. Peipɨsɨ katu Tüpä porovasasa pe reko tuprɨ agwä.

1 San Juan 3:24

Akoi vɨroya va'e Tüpä porokwaita, a'ese Tüpä sekoira opakatu rese. Ipɨpe sui yaikwara sekoise yande rese: ombou avei Espíritu yandeu.

1 San Juan 4:12

Ndipoi ete ava osepia va'e Tüpä; yayeaɨsuse rumo Tüpä sekoi yande rese, iporoaɨsusa evokoiyase oime ite yande rese.

1 San Juan 4:16

Egwë ya'e ikwa, seroya tuprɨ agwä ko Tüpä yande raɨsusa. Tüpä ni'ä yeaɨsusa, akoi vɨreko va'e oporoaɨsusa, sekoi Tüpä rese, Tüpä avei sekoi sese.