Filipenses 1:9 - Tüpä Ñe'ëngagwer

⁹ Che aporandu vɨte Tüpä upe che yeruresa pɨpe, toikwa tuprɨ oarakwasa pɨpe oyeaɨsu katu-katu iri agwä yuvɨreko a'e peü,

Tũpa Ñehengagüer

⁹ Che aporandu vɨte Tũpa upe che yeruresa pɨpe: “Toicua tuprɨ oaracuasa pɨpe oyeaɨsu catu-catu iri ãgua yuvɨreco” ahe pẽu.

Filipenses 1:9 Iomraidhean Croise

1 Corintios 14:20

Che rɨvrɨ eta, pepɨ'añemoñeta eme chi'ïvä'emi pɨ'añemoñeta nungar pɨpe. Iyakatu rumo peikora kwakwa va'e pɨ'añemoñeta nungar pɨpe, peyemochi'ïvä'e katuñora rumo peiko mba'e naporäi va'e apoe'ɨ̇ agwä.

2 Corintios 8:7

Supiete aikwa peyapo tuprɨse opakatu ko ambuae mba'e: peyeroya tuprɨ ite yande Yar rese, pemombe'u tuprɨai Tüpä ñe'ësa, pereko ite Tüpä suindar mba'ekwasa, pekere'ɨ̇ Tüpä upe mba'e apo agwä iyavei ore raɨsu ite peye evokoiyase egwë peye aveira ko nungar poroaɨsusa apo.

Efesios 5:17

Sese peikoi rene ava ndoyemboarakwai va'e nungar; iya rumo peyembo'e katu yande Yar remimbotar apo agwä.

Colosenses 1:9

Sese avei ore aipo nungar rendu ramoseve ndoroyerurepai ete pe rese, oroporandu pe rese toikwa tuprɨ opakatu Tüpä remimbotar omba'ekwasa Espíritu suindar pɨpe, sendukwa tuprɨsa pɨpe avei yuvɨreko ore yapave peü.

Colosenses 3:10

iyavei peipɨsɨ tekokwer pɨasu avɨye va'e: ipɨpe peyembo'e arɨ yakatu yande Aposar Tüpä rekokwer rese peiko, ikwa tuprɨ katu agwä.

1 Tesalonicenses 3:12

Evokoiyase yande Yar tape movɨräkwä katu, tombou katu avei pe yeaɨsu agwä, iyavei opakatu raɨsu agwä, inungar ore orovɨreko pe raɨsusa.

1 Tesalonicenses 4:1

Che rɨvrɨ eta, kurïtëi oroñe'ë pota peü pe kwaitarä rese yande Yar Jesús rer pɨpe: inungar kurïtëi pe rekokwer pereko, egwë peyeño ite katu peiko ore pe mbo'e agwer rupi Tüpä mboetei agwä.

2 Tesalonicenses 1:3

Che rɨvrɨ eta, avɨye ndeu oro'e itera Tüpä upe pe rekokwer rese yepi, esepia Tüpä rese pe yeroyasa tuvicha-vicha iri avei, pe yeaɨsusa opakatu peyeupe pereko va'e.

Filemón 1:6

Iyavei aporandu Tüpä upe nde rese ereyeroyase yande Yar rese, inungar ore orovɨroya a'e ndererasora mba'e avɨye va'e apo agwä ore rupi yande Yar Cristo raɨsupave yepi.

Hebreos 5:14

Ko tembi'u säta va'e rumo a'e ava okwakwa va'e upe narä, esepia a'e oyembo'e tuprɨ katu iñe'ëngagwer rese gweko tuprɨ agwä yepi, ipɨpe sui oikwa ite mba'e avɨye va'e poravo mba'e naporäi va'e sui.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.