Filipenses 1:5 - Tüpä Ñe'ëngagwer

⁵ esepia che pɨtɨ̇vɨï ete peye Jesucristo ñe'ësa ikatuprɨ va'e mombe'usa rese, yɨpɨsuive ite egwë peye, kurïtëi peikove.

Tũpa Ñehengagüer

⁵ Esepia, oyoya yañepɨtɨvɨi Jesucristo resendar ñehesa icatuprɨ vahe rese, acoi pe seroya ramo suive.

Filipenses 1:5 Iomraidhean Croise

Los Hechos 2:42

Opakatu vɨroya tuprɨ ite Jesús ñe'ë mombe'usar porombo'esa, opakatu gwasu avei oyeaɨsu tuprɨ yuvɨreko, oyerure iyavei oñemonu'ä oyeupe mboyape mboya'o-ya'o agwä yuvɨreko yepi.

Romanos 11:17

Judío eta inungar olivo räkä yasɨaprɨ tëi, pe evokoiyase nda'ei va'e judío ɨvɨra ka'a pɨpendar räkä nungar peiko va'e, peso yasɨaprɨ rendagwerve. Ipɨpe sui peipɨsɨ vɨrawäsa pe rekove agwä.

Romanos 12:13

Peipɨtɨ̇vɨïra ava tekwa pendar iporeroya va'e ipanese mba'e chupe; pemo'äpɨsɨra ava oyepota va'e pe pɨri.

Romanos 15:26

Esepia ɨvɨ Macedonia pendar iyavei Acaya pendar Jesús reroyasar, a'e omonu'ä gwarepochi yuvɨreko Jerusalén ve yande rɨvrɨ iparaɨsu va'e pɨtɨ̇vɨï agwä.

1 Corintios 1:9

Tüpä omboavɨye va'e ite oñe'ëngagwer yepi, ipɨpe sui yande yaiko sembiporavo Ta'ɨrɨ yande Yar Jesucristo rupi yagwata va'erä.

2 Corintios 8:1

Che rɨvrɨ eta, kurïtëi oromombe'u potami peü marä e'i mba'e tuprɨ apo Tüpä ava vɨroyasar upe ɨvɨ Macedonia rupi.

Efesios 3:6

Ko ñe'ësa ndikwasai va'e pɨpe: Tüpä oñe'ë opakatu ava ɨvɨ pɨpendar upe yaiko va'erä Cristo Jesús rese, yaipɨsɨ va'erä avei iporovasasa oyoya tuprɨra tekwa Israel pendar rese kuri.

Filipenses 1:12

Che rɨvrɨ eta, aipota peikwara ko mba'e tëi oyapo va'e yuvɨreko cheu, a'e ichui seta katu ava osendura Jesucristo resendar ñe'ësa yuvɨreko.

Filipenses 1:16

Oime ava oñe'ë tuprɨ Cristo rese oporoaɨsusa pɨpe, a'e oikwa Tüpä che mbouse ko'ave che rokendase yuvɨreko ko ñe'ësa poropɨsɨrösa resendar sui;

Filipenses 1:27

Ko katu toyoya tuprɨ: pe rekokwer ko ñe'ësa avɨye va'e Jesucristo rese. Evokoiyase asose pe repia, anise amombrɨ aikose pe sui, asendu pota pe resendar ñe'ësa avɨye va'e, pe yemovɨräkwäsa resendar, pe pɨ'a ñemoñetasa yoyasa resendar iyavei pe poravɨkɨ pirätäsa resendar pe poreroyasave ko ñe'ësa poropɨsɨrösa rese,

Filipenses 1:7

Avɨye ite aipo rupi che pɨ'añemoñeta areko opakatu pe rese, esepia che opoaɨsu ite, opakatu ni'ä oyoya yaipɨsɨ Tüpä porovasasa yepe ko che rokendasave aï, anise kokotɨ rupi aiko mborerekwar rovai ko ñe'ësa pɨsɨrösa resendar repɨ agwä iyavei amboyekwa va'erä ñe'ësa supi tuprɨ va'e yuvɨreko chupe.

Filipenses 2:12

Sese, che rɨvrɨ eta che rembiaɨsu, inungar pe che mboreroyaño ite peye yepi, nda'ei rumo aiko vɨteseño pe pa'üve, kurïtëi iya che mboyeroya katu peye amombrɨ aikose pesui. Peyapo mba'e avɨye va'e peiko va'erä pɨsɨrösa pɨpe, Tüpä mboeteisave ichui pe sɨkɨyesa pɨpe avei;

Filipenses 2:22

Pe ni'ä peikwa Timoteo reko tuprɨsa opakatu upe, iyavei che pɨtɨ̇vɨï Tüpä ñe'ëngagwer mombe'u agwä, inungar chi'ïvä'e oipɨtɨ̇vɨï oyesupa, egwë e'i che pɨtɨ̇vɨï oiko.

Filipenses 4:3

Nde ni'ä che pɨtɨ̇vɨï tuprɨ va'ekwer che poravɨkɨsa rese eve, eipɨtɨ̇vɨï evokoi kuña, esepia a'e ni'ä oyembopɨ'avɨräkwä ite che pɨtɨ̇vɨïse Tüpä ñe'ëngagwer pɨsɨrösa resendar mombe'u agwä yuvɨreko, oyoya Clemente rese iyavei ambuae oporavɨkɨ va'e rese che rupi yuvɨreko. A'e serer opa ikwachiaprɨ Tüpä kwachiar tekovesa apɨre'ɨ̇ va'e resendar pɨpe.

Filemón 1:17

Che rerekose, nde rɨvrɨ nungar eve nde pɨ'a ñemoñetasa pɨpe, eipɨsɨ katu inungar che itera viña.

Hebreos 3:14

Esepia yayemovɨräkwä tuprɨse Cristo rese, yande yeroyasa yɨpɨsuive yareko va'e pɨpe yande mano agwä rupi ete, a'ese yaiko itera sese.

2 San Pedro 1:1

Che, Simón Pedro, Jesucristo ñe'ë mombe'usar iyavei sembigwai aiko, ko aikwachia che ñe'ë peü narä, peipɨsɨ va'e yande Yar rese pe yeroyasa avɨye va'e inungar ore, esepia yande Yar Tüpä, yande Pɨsɨrösar Jesucristo seko ɨ̇vi va'e yuvɨrekoi.

1 San Juan 1:3

Oromombe'u ñe'ësa orosepia va'e orosendu va'e avei peü, ipɨpe sui peiko va'erä orerese, inungar ore oroiko yande Ru Tüpä rese, Ta'ɨrɨ Jesucristo rese avei.

1 San Juan 1:7

Yaikose rumo tesapesa pɨpe inungar yande Ru Tüpä sekoi tesapesa, evokoiyase yaiko tuprɨra yande yeupe. Iyavei suvɨ yande moatɨrö opakatu angaipa sui.