Filipenses 1:21 - Tüpä Ñe'ëngagwer

²¹ Esepia, Cristo che rekovesa ite sekoi, amanose rumo, avɨyeño itera cheu.

Tũpa Ñehengagüer

²¹ Esepia, Cristo che recovesa ité secoi; amanose rumo, avɨyeño itera cheu.

Filipenses 1:21 Iomraidhean Croise

1 Corintios 1:30

Tüpä ite ni'ä opa pe mboyemboya Cristo Jesús rese, iyavei Cristo vɨreko uka yande mba'ekwa agwä, yande reko tuprɨ agwä, yande rekokwer rovasa agwä iyavei ndayaiko iri va'erä mba'e-mba'e tëi pɨpe.

1 Corintios 3:22

Pablo, Apolo, Pedro avei, opakatu ɨvɨ pɨpendar mba'e oime va'e, tekovesa, manosa avei, yasepia va'e, iyavei mba'e oime va'erä, a'e ni'ä opakatu peü narä ite,

2 Corintios 5:1

Yaikwa ni'ä yande retekwer ndipokopɨi va'e, inungar oɨ ndipokopɨi va'e avei, ikwasa avei ni'ä ko oɨ opara imokañɨsa kuri, esepia Tüpä opa omoigätu ambuae oɨ ɨvave ndopai va'e yandeu, nda'ei a'e ava rembiapo tëi.

2 Corintios 5:6

Sese ni'ä yayeroyaño ite yepi. Iyavei yaikwaño yande yaikove vɨtese yande rete rese, iyavei ndayaiko vɨtei ete ɨvave yande Yar pɨri.

2 Corintios 5:8

yande rumo yayeroyaño ite sese, yaipota avei yande retekwer reya agwä yande Yar pɨri yandeso agwä ɨvave.

Gálatas 2:20

sese nda'e iri che ite aikove, esepia Cristo rumo che rese sekoi. Sese ite ayeroya che retekwer pɨpe che rekove agwä, a'e ni'ä oyemondo omano agwä che raɨsupave.

Gálatas 6:14

Che rumo ndayemboɨvate potai ete, yande Yar Jesucristo mano agwer kurusu reseaño ite ayembovɨ'a. Cristo mano agwer sui ko ɨvɨ pɨpendar opa ite omano yuvɨreko cheu, che evokoiyase inungar omano va'e aiko ko ɨvɨ pɨpendar upe.

Filipenses 1:20

Supiete asäro che ñemovɨräkwäsa pɨpe Tüpä, ndache mondoi e'ɨ̇ agwä ñemochisa pɨpe, a'e rumo oyemboyekwara opakatu ava rovake che rese Cristo pirätäsa, aikove vɨtese anise amanose avei.

Filipenses 1:22

Aikove vɨtese ko ɨvɨ pɨpe, aikatura aporavɨkɨ tuprɨ yande Yar rekokwer rese, evokoiyase ndaikwai uma revo avɨyera cheu.

Filipenses 1:23

Ndaikatui ko ñuvɨrïo che pɨ'a ñemoñetasa rereko: amove amano pota che so agwä ɨvave Cristo pɨri, a'e avɨye katura cheu viña;

Filipenses 2:21

esepia opakatu ava oseka gwemimbotar tëi apo agwä, ndosekai ete rumo Jesucristo remimbotar yuvɨreko.

Colosenses 3:4

Cristo ni'ä sekoi perekovesa. Sese a'e oyevɨ irise kuri, egwë peye aveira perekora ipɨri seko orɨ porañetesa.

Apocalipsis 14:13

A'ese asendu ñepëi ñe'ësa ɨva pendar aipo e'i va'e cheu: “Eikwachia ko ñe'ësa: ‘Ko pɨpe suive sorɨvete katura akoi ava omano va'e yande Yar rese yuvɨreko.’ ” “Egwë e'i ete–e'i Espíritu imombe'u–, a'e opɨtu'ura oporavɨkɨsa sui yuvɨreko, esepia ni'ä sembiapokwer avɨye ite Tüpä pɨ'ave.”