Efesios 6:21 - Tüpä Ñe'ëngagwer

²¹ Yande rɨvrɨ Tíquico, yande rembiaɨsu, che pɨtɨ̇vɨïsar omboavɨye va'e okwaita yande Yar upe mboravɨkɨsa rese, a'e omombe'ura opakatu che rekokwer mba'e che rembiapo avei peü.

Tũpa Ñehengagüer

²¹ Yande rɨvrɨ Tíquico, yande rembiaɨsu, che pɨ̃tɨvɨisar omboavɨye vahe ocuaita yande Yar upe mboravɨquɨsa rese, ahe omombehura opacatu che recocuer, mbahe che rembiapo avei pẽu.

Efesios 6:21 Iomraidhean Croise

Los Hechos 20:4

Yuvɨraso supi Sópatro Berea pendar, Pirro ra'ɨrɨ; Aristarco iyavei Segundo Tesalónica pendar, Gayo Derbe pendar, Timoteo, Tíquico Trófimo avei Asia pendar.

1 Corintios 4:17

Sese che amondo che rembiaɨsu Timoteo peü, che ra'ɨrɨ nungar omboavɨye va'e okwaita yande Yar suindar. A'e pe moma'endu'ara Cristo rupi che gwatasa rese. A'e oyoya che porombo'e agwer rese che sose opakatu Jesús reroyasar ñemonu'äsa rupi yepi.

Filipenses 1:12

Che rɨvrɨ eta, aipota peikwara ko mba'e tëi oyapo va'e yuvɨreko cheu, a'e ichui seta katu ava osendura Jesucristo resendar ñe'ësa yuvɨreko.

Colosenses 1:7

Ko ñe'ësa rese yande rembiaɨsu Epafras pe mbo'e, a'e mbɨa yande Yar Jesucristo rese oporavɨkɨ va'e ore rupi, okwaita vɨroya tuprɨ va'e pe pa'üve.

1 Timoteo 4:6

Akoi erembo'ese ko mba'e rese yande rɨvrɨ eta iyavei ereyemovɨräkwäse ñe'ësa poreroyasa rese iyavei porombo'esa avɨye va'e nde yese erereko va'e rese, a'ese Cristo Jesús rembigwai avɨye va'e ereikora.

2 Timoteo 4:12

Tíquico amondo tekwa Éfeso ve.

Tito 3:12

Che oromondose akoi Artemas ve anise Tíquico ve, eyemongere'ɨ̇ katu ereso va'erä Nicópolis ve che repia agwä, esepia asopota ite apɨtu'u a'eve so'ɨ̇sa va'e rärö.

Filemón 1:16

nda'e iri chira mbigwai tëi, a'e rumo avɨye katu itera mbigwai gweko agwer sui: inungar yande rɨvrɨ yande rembiaisu. Che asaɨsu eteprɨ, nde rumo eresaɨsu katura itera, anichira rumo inungar ava tëi iyavei inungar yande rɨvrɨ yande Yar upe narä.

1 San Pedro 5:12

Yande rɨvrɨ Silvano omboavɨye tuprɨ va'e ite okwaita yepi, a'e che pɨtɨ̇vɨïsa pɨpe ko ayapo imondo che rembikwachia ndipukuimi va'e pe mboarakwa katu agwä, ipɨpe toikwa tuprɨ katu yuvɨreko ko porovasasa oipɨsɨ va'e supiete omboyekwa va'e Tüpä poroaɨsusa che esave. ¡Peyemovɨräkwä tuprɨ evokoi poroaɨsusa rese!

2 San Pedro 3:15

Tapeikwa ko yande Yar seko mbegwe yandeu yande pɨsɨrö agwä. Egwë e'i avei yande rembiaɨsu Pablo ikwachia oyeupe Tüpä ombou va'e mba'ekwasa pɨpe peü.