Efesios 6:19 - Tüpä Ñe'ëngagwer

¹⁹ Peyerure avei che rese, evokoiyase Tüpä tombou che ñe'ë agwä cheu, che sɨkɨye e'ɨ̇sa pɨpe ñe'ësa ñepɨsɨrösa Tüpä suindar ikwapɨ ramo va'e kwa uka agwä ava eta upe.

Tũpa Ñehengagüer

¹⁹ Peyeroquɨ avei che rese. Evocoiyase Tũpa tombou che ñehe ãgua cheu che sɨquɨyeẽhɨsa pɨpe ñehesa ñepɨsɨrosa icuapɨ ramo vahe cua uca ãgua ava eta upe.

Efesios 6:19 Iomraidhean Croise

Los Hechos 13:46

Evokoiyase Pablo iyavei Bernabé, oñe'ë sɨkɨye e'ɨ̇sa pɨpe, ipare omboyevɨ yuvɨreko chupe: –Ore ikwaiprɨ ite oromombe'u va'erä Tüpä ñe'ëngagwer peü ranegätu, judío peiko va'e; pe rumo ndapeyapɨsaka potai sese iyavei ndapei potai peiko va'erä tekovesa apɨre'ɨ̇ pɨpe, evokoiyase orosora, oroñe'ë ava nda'ei va'e judío upe.

Los Hechos 14:3

Ipare rumo, Jesús ñe'ë mombe'usar a'eve opɨta puku yuvɨreko, iyavei oyeroyasa pɨpe Tüpä rese omombe'u mba'e supiete va'e yuvɨreko; iyavei yande Yar oikwa ite omombe'use Tüpä poroaɨsusa yuvɨreko, omondo avei pirätäsa mba'e poromondɨisa apo agwä chupe.

Los Hechos 18:26

Apolo osɨkɨye e'ɨ̇sa pɨpe omombe'u ñe'ësa avɨye va'e oɨ judío ñemonu'äsave; osenduse iñe'ë Áquila iyavei Priscila vɨraso kokotɨ omombe'u tuprɨ va'erä Tüpä ñe'ëngagwer yuvɨreko chupe.

Los Hechos 19:8

Mbosapɨ yasɨ rupi, Pablo oso oɨ judío ñemonu'äsave oiko, a'eve omombe'u ñe'ësa avɨye va'e osɨkɨye e'ɨ̇sa pɨpe, iyavei oñe'ë ava upe oikwa va'erä Tüpä mborerekwasa yuvɨreko.

Los Hechos 2:4

A'ese avei Tüpä omoinge evokoi ava pɨ'a pɨpe Espíritu Maräne'ɨ̇, ichui a'e Espíritu omoñe'ë uka ambuae ñe'ësa pɨpe yuvɨreko.

Los Hechos 28:31

Omombe'u Tüpä mborerekwasa resendar iyavei oporombo'e opakatu yande Yar Jesucristo rekokwer resendar osɨkɨye e'ɨ̇sa pɨpe, ndipoi ete ñepëi ava omombɨtu'u va'e Pablo ñe'ëse.

Los Hechos 4:13

Mborerekwar osepiase iyembosɨkɨye e'ɨ̇sa yuvɨreko, marä e'i pi'ä ko mbɨa ava tëi ndoyembo'ei va'e ni'ä e'i yuvɨreko chupe, ichui oikwa Jesús remimbo'egwer sekose yuvɨreko.

Los Hechos 4:29

Iyavei kurïtëi, ore Yar, ema'e ore amotare'ɨ̇sar rese embou nde pirätäsa nde rembigwai oroiko va'e upe sɨkɨye e'ɨ̇sa pɨpe nde ñe'ëngagwer mombe'u vɨte agwä.

Los Hechos 4:31

Iyerure pare, Tüpä omborɨrɨi opakatu mba'e iñemonu'äsave yuvɨreko chupe; a'ese Espíritu Maräne'ɨ̇ opa oike yuvɨreko sese, sese osɨkɨye e'ɨ̇sa pɨpe omombe'u tuprɨ Tüpä ñe'ëngagwer yuvɨreko.

Los Hechos 9:27

Ipare rumo, Bernabé vɨraso Saulo Jesús ñe'ë mombe'usar yuvɨrekoi va'e upe. A'eve Bernabé omombe'upa chupe aipo e'i ko mbɨa Saulo osepia yande Yar perɨ rupi, iyavei yande Yar oñe'ë chupe, ichui ko Saulo oñe'ë osɨkɨye e'ɨ̇sa pɨpe Damasco ve, Jesús rekokwer rese.

Los Hechos 9:29

Oiñe'ëpoepɨ avei sekokwer rese judío griego pɨpe oñe'ë va'e yuvɨreko; ichui rumo oyuka potaño yuvɨreko.

Romanos 15:30

Che rɨvrɨ eta, yande Yar Jesucristo rer pɨpe iyavei yeaɨsusa Espíritu ombou va'e pɨpe avei, aporandu peü opakatu che rese peyerure pirätä va'erä Tüpä upe che pɨtɨ̇vɨï agwä ko mboravɨkɨ rese.

Romanos 16:25

Yamboetei Tüpä sereko, a'e ni'ä oikatu pe movɨräkwä ko ñe'ësa ñepɨsɨrösa resendar amombe'u va'e rupi iyavei ko porombo'esa Jesucristo rekokwer resendar rupi avei. A'e oyoya tuprɨ ite Tüpä omboyekwa ramo va'e cheu ko ɨvɨ apoe'ɨ̇ suive mba'e ndikwasai va'e rese,

1 Corintios 1:5

Egwë e'i sekokwer pɨpe sui Tüpä ombou opakatu pe reko tuprɨ katu agwä pemombe'u tuprɨ va'erä imba'ekwasa, opakatu mba'e supiete va'e kwa tuprɨ agwä avei,

1 Corintios 2:7

Oroñe'ë katu arakwasa Tüpä suindar ndikwasai va'e rese, a'e yɨpɨve vɨreko va'e ɨvɨ apoe'ɨ̇ vɨteseve, a'e ko omboyekwa ramo va'e yandeu yaiko va'erä teko orɨ apɨre'ɨ̇ va'esave.

1 Corintios 4:1

Pe rumo iya orekwa ukaño ite peye inungar Cristo pɨtɨ̇vɨïsar, iyavei orekwaita ite ni'ä Tüpä suindar ñe'ësa oyekwa ramo va'e rese oreporombo'e agwä.

2 Corintios 1:11

pe yerure ore rese ore pɨtɨ̇vɨï agwä. Akoi seta oyerure va'e ore rese, seta aveira avɨye ndeu e'i va'e Tüpä upe yuvɨreko iyavei iporovasa yaipɨsɨ va'e rese ichui.

2 Corintios 3:12

Ore oroyeroya ite ko ñe'ësa ipokopɨ va'e rese, sese oroñe'ë ava upe ore sɨkɨye e'ɨ̇sa pɨpe ite.

2 Corintios 6:11

Che rɨvrɨ eta Corinto pendar, ore ñe'ësa pɨpe opakatu mba'e oromboyekwa peü; iyavei pe raɨsu agwä orovɨreko ore pɨ'a pɨpe tuvicha va'e pe rese.

2 Corintios 7:4

Añe'ë pota ite pe rese iyavei che yembovɨ'asa pɨpe. Opakatu yande paraɨsusa pa'üve, ayemongere'ɨ̇ katuño ite vɨ'aretesa pɨpe vichiko.

2 Corintios 8:7

Supiete aikwa peyapo tuprɨse opakatu ko ambuae mba'e: peyeroya tuprɨ ite yande Yar rese, pemombe'u tuprɨai Tüpä ñe'ësa, pereko ite Tüpä suindar mba'ekwasa, pekere'ɨ̇ Tüpä upe mba'e apo agwä iyavei ore raɨsu ite peye evokoiyase egwë peye aveira ko nungar poroaɨsusa apo.

Efesios 1:9

iyavei oikwa uka gwemimbotar yɨpɨsuive ndikwasai va'e yandeu. Ko gwembiaporä mboavɨye agwä Cristo rese,

Efesios 3:9

Iyavei ombou che kwaitarä amombe'u tuprɨ va'erä opakatu ava upe, ko Tüpä pɨ'a ñemoñetasa yɨpɨndar ndikwasai va'e, esepia a'e opakatu mba'e aposar sekoi yɨpɨ suive ite nomombe'ui omba'ekwasa sereko.

Colosenses 2:2

Toyemongere'ɨ̇ katu, toyemboyoya gwasu oyeaɨsusa pɨpe yuvɨreko viya, iyavei sendukwa tuprɨsa pɨpe toyuvɨrekoi mba'e tuprɨ pɨpe viya opakatu peü, esepia Tüpä sui ndikwasai va'e mba'e peikwa tuprɨra ko mba'e imboyekwapɨ ramo, a'e ni'ä Cristo sekoi;

Colosenses 4:3

Peyerure avei ore rese, tore pɨtɨ̇vɨï Tüpä oñe'ëngagwer mombe'u vɨte agwä toroñe'ë vɨte avei ko ñe'ësa Cristo resendar Tüpä omboyekwa ramo va'e rese yandeu, sese tëi ni'ä ko che rokendasa.

1 Tesalonicenses 2:2

Peikwa tuprɨ avei ni'ä akoi yɨpɨndar marä-marä tëi ava ore rereko yuvɨreko tekwa Filipos ve, Tüpä rumo ore pɨtɨ̇vɨï oñe'ëngagwer pɨsɨrösa resendar mombe'u agwä opakatu ore sɨkɨye e'ɨ̇sa pɨpe ore amotare'ɨ̇mbar pa'üve.

1 Tesalonicenses 5:25

Che rɨvrɨ eta, peyerure avei ore rese.

2 Tesalonicenses 3:1

Che rɨvrɨ eta, ko mba'e ipa va'e amombe'u pota peü, peyerure katu ore rese, evokoiyase toyepota pɨ'aivi yande Yar ñe'ëngagwer opakatu rupi, tipɨsɨsa tuprɨ imboeteisa pɨpe inungar oyepota pe pa'üve.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Filemón 1:22

Iyavei aporandu ndeu eremoigätu va'erä oɨ che pɨtu'u agwä; esepia Tüpä osendura pe yeruresa, asë va'erä che rokendasa sui aso agwä perepia.

Hebreos 13:18

Peyerure Tüpä upe ore rese, supiete ore oroyandu mba'e avɨye va'e oroyapo ore pɨ'añemoñeta pɨpe yepi, esepia oroyapo pota mba'e avɨye va'e opakatu mba'e rese ava rembiepiave.