Efesios 6:14 - Tüpä Ñe'ëngagwer

¹⁴ Egwë peye aveira peyemovɨräkwä katu ñe'ësa supi tuprɨ va'e pɨpe, iyavei peyoepɨra pe reko ɨ̇vi tuprɨsa pɨpe.

Tũpa Ñehengagüer

¹⁴ Ẽgüe peye aveira peyemovɨracua catu ñehesa supi tuprɨ vahe pɨpe. Iyavei peyoepɨra pe reco ɨ̃vi tuprɨsa pɨpe.

Efesios 6:14 Iomraidhean Croise

San Lucas 12:35

“Peikora mbigwai gwerekwar osärö va'e nungar mendasa sui iyevɨ agwä, oyemoigätu voi ete tataendɨ reseve imoendɨ senoï, okenda motase omboi voi etera chupe.

Romanos 13:12

Supiete osupitɨ senimi arɨ yandeu, sese iyakatu yapoi pɨ̇tümimbi va'e nungar mba'e-mba'e tëi aposa sui mba'e ikatuprɨ va'e pɨpe yande reko agwä; evokoiyase tayaiko sundao oyoepɨsa omonde va'e nungar pɨpe.

2 Corintios 6:7

Ore remimombe'u supiete va'e pɨpe iyavei Tüpä pirätäsa pɨpe avei oroiko. Ore ni'ä ore reko tuprɨ pɨpe orosekopɨ mba'e-mba'e tëi, ipɨpe avei oroyoepɨ.

Efesios 5:9

esepia poroesapesa pɨpe yande rekose, yayapo opakatu mba'e tuprɨ ava upe yande reko ɨ̇vi tuprɨsave, mba'e supi tuprɨ va'e pɨpe.

Efesios 6:13

Sese, peipɨsɨ opakatu mba'e Tüpä ombou va'e peü pe yoepɨ agwä, evokoiyase yepe oime tëira mba'e tëi peü viña, peyemovɨräkwäño itera rumo chupe.

1 Tesalonicenses 5:8

yande rumo yaiko va'e Tüpä poroesapesa pɨpe, evokoiyase yareko tuprɨra yande pɨ'a ñemoñetasa yande reko tuprɨ agwä yepi. Yayoepɨra yande yeroyasa pɨpe, poroaɨsusa pɨpe aveino, iyavei inungar akoi sundao vɨreko oakä ndɨru gwarepochi apoprɨ yuvɨreko oakä repɨ agwä, yande avei tayareko yande remiarö yande ñepɨsɨrö agwä

1 San Pedro 1:13

Sese pe pɨ'añemoñeta tuprɨsa pɨpe pema'emo'ä peyese Tüpä porovasasa peü ombou va'erä rese pe yeroya katu agwä akoi Jesucristo oyevɨse kuri.

Apocalipsis 9:17

Egwë e'i asepia kavayu re'ɨi che ker pɨpe, i'arɨ pendar evokoiyase vɨreko opochi'a rupi tuprɨ oyoepɨsa gwarepochi apoprɨ yuvɨreko, a'e iparagwer pirä va'e tata nungar, sovɨ va'e, iyu va'e aveino. Kavayu re'ɨi akä evokoiyase avɨye tuprɨ yagwa pɨ̇ta akä, iyuru sui evokoiyase yuvɨnose-nose tata, tatächi iyavei azufre.

Apocalipsis 9:9

Setekwer evokoiyase oyopɨ tuprɨ gwarepochi apoprɨ, iyavei ipepo rɨapugwer avɨye tuprɨ ite akoi karëto rɨapugwer kavayu vɨnoña va'e vavasave.