Efesios 6:11 - Tüpä Ñe'ëngagwer

¹¹ Peñearö tuprɨ katu Tüpä pirätäsa pɨpe pe yemovɨräkwä agwä Karugwar pe mbopa tëi e'ɨ̇ agwä.

Tũpa Ñehengagüer

¹¹ Peñearo tuprɨ catu Tũpa pĩratasa pɨpe pe yemovɨracua ãgua Caruguar pe mbopa tẽiẽhɨ ãgua.

Efesios 6:11 Iomraidhean Croise

San Marcos 13:22

Esepia yugwerura ava che Poropɨsɨrösar aiko e'i tëi va'e iyavei che amombe'u Tüpä ñe'ëngagwer e'i va'e; iyavei oyapora mba'e ava ndoyapoi va'e poromondɨisa gweko pirätäsa mboyekwa agwä yuvɨreko. Avɨyeteramo ombopa aveira ava Tüpä reroyasar.

Romanos 13:12

Supiete osupitɨ senimi arɨ yandeu, sese iyakatu yapoi pɨ̇tümimbi va'e nungar mba'e-mba'e tëi aposa sui mba'e ikatuprɨ va'e pɨpe yande reko agwä; evokoiyase tayaiko sundao oyoepɨsa omonde va'e nungar pɨpe.

Romanos 13:14

Iya rumo, perekora yande Yar Jesucristo rekokwer peyese, anichira pe pɨ'añemoñeta mba'e-mba'e tëi apo agwä pe remimbotarai pɨpe tëi.

1 Corintios 10:13

Pe rumo kurïtëi ndapeiko vɨtei ete tekoa'äsa yavai va'e pɨpe. Sese peyeroyaño itera Tüpä rese, a'e ni'ä oikwa pe yemovɨräkwäsa, noñokwai chira tekoa'äsa imbou peü. Akoi mba'e tëi oimese pe rekoa'äse, Tüpä ombou voiñora pirätäsa evokoi mba'e tëi sui pe së agwä, chupe pe ñemosa agwä.

2 Corintios 10:4

Esepia ore yoepɨsa nda'ei ava ko ɨvɨ pɨpendar yoepɨsa nungar, orovɨreko rumo Tüpä pirätäsa mba'e tëi seko pirätä va'e rekopɨ agwä. Ava arakwasa tëi rekopɨ agwä avei

2 Corintios 11:3

Che rumo asɨkɨye ko mba'e sui, inungar mboi ombopa Eva oporombopasa pɨpe, avɨyeteramo Karugwar pe mbopa aveira pe pɨ'a ñemoñetasa rerova agwä Cristo mboeteisa supiete va'e sui.

2 Corintios 2:11

Ko sui Karugwar ndoikatui chietera yande mbopa agwä, esepia yande yaikwa tuprɨ ite iporombopasa.

2 Corintios 4:4

Esepia a'e ndovɨroyai ete yuvɨreko, karugwar rerekwar ko ɨvɨ pɨpendar opa oyarakwa mokañɨ, ndosepiai va'erä tesapesa porañete va'e Cristo resendar yuvɨreko, esepia a'e Tüpä rekokwer mboyekwasar sekoi.

2 Corintios 6:7

Ore remimombe'u supiete va'e pɨpe iyavei Tüpä pirätäsa pɨpe avei oroiko. Ore ni'ä ore reko tuprɨ pɨpe orosekopɨ mba'e-mba'e tëi, ipɨpe avei oroyoepɨ.

Efesios 4:14

Evokoiyase nda'e iri chira chi'ïvä'emi nungar yaiko ova-ova tëi va'e inungar ɨvɨtu yande reraso va'e oyeupi ndayayembopa uka iri chira ava kokotɨ tëi oporombo'e va'e upe, iyavei yande rerova pota va'e upe mba'e tëi pɨpe.

Efesios 4:24

iyavei peikora tekokwer ipɨasu va'e pɨpe, sese ni'ä Tüpä yande apo yande reko ɨ̇vi tuprɨ agwä, yande reko maräne'ɨ̇ va'erä supi tuprɨ va'e pɨpe, inungar a'e sekoi.

Efesios 6:13

Sese, peipɨsɨ opakatu mba'e Tüpä ombou va'e peü pe yoepɨ agwä, evokoiyase yepe oime tëira mba'e tëi peü viña, peyemovɨräkwäño itera rumo chupe.

Colosenses 3:10

iyavei peipɨsɨ tekokwer pɨasu avɨye va'e: ipɨpe peyembo'e arɨ yakatu yande Aposar Tüpä rekokwer rese peiko, ikwa tuprɨ katu agwä.

1 Tesalonicenses 5:8

yande rumo yaiko va'e Tüpä poroesapesa pɨpe, evokoiyase yareko tuprɨra yande pɨ'a ñemoñetasa yande reko tuprɨ agwä yepi. Yayoepɨra yande yeroyasa pɨpe, poroaɨsusa pɨpe aveino, iyavei inungar akoi sundao vɨreko oakä ndɨru gwarepochi apoprɨ yuvɨreko oakä repɨ agwä, yande avei tayareko yande remiarö yande ñepɨsɨrö agwä

Hebreos 7:25

Sese Jesús oikatu ite ñepëi reseve Tüpä reroyasar pɨsɨrö agwä, esepia a'e oikove va'erä ite sekoi yepi, oporandu agwä avei mba'e avɨye va'e rese Tüpä upe.

Santiago 4:7

Sese pemboyeroya katu Tüpä. Peyemovɨräkwä karugwar remimbotar apoe'ɨ̇ agwä, a'ese a'e oyepepɨra pe sui.

1 San Pedro 5:8

Pearakwa kañɨi rene peyesui, pema'emo'ä arɨ rupi peyese, esepia pe amotare'ɨ̇mbar Karugwar pe reko momarä pota yepi inungar yagwar oñarö va'e ogwata tëi oporoeka tamomarä ava oyapave.

San Judas 1:24

Yande Ru Tüpä ñepëi, Pɨsɨrösar yandeundar, vɨreko pirätäsa pe rärö agwä angaipa pɨpe pe vɨapi e'ɨ̇ agwä, iyavei pemboyekwara perekokwer porañetesa perovapɨpo avei pevɨ'aretesa pɨpe opakatu rovake. A'e imboeteiprɨ tasekoi, egwë te'i timboyeroyasa seko pirätäsa iyavei imborerekwasa, yande Yar Jesucristo sui, yɨpɨsui, kurïtëi apɨre'ɨ̇ va'erä. Amén.

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 19:20

Ko mba'e ɨpɨ vai yɨpɨndar va'e sokendasa, oyoya evokoi Tüpä ñe'ë mombe'usar anga'u tëi va'e rese, a'e akoi oyapo va'e mba'e yavairai va'e yɨpɨndar mba'e ɨpɨ vai rovake. Evokoi mba'e yavairai va'e apo pɨpe ombopa-mbopa tëi ava, akoi seroyasar vɨreko va'e mba'e ɨpɨ vai rer oyese iyavei omboetei va'e sa'anga yuvɨreko. Evokoiyase ko mba'e ɨpɨ vai iyavei Tüpä ñe'ë mombe'usar anga'u tëi, opa imombosa sekove reseve ɨpa azufre okai va'e pɨpe yuvɨreko.

Apocalipsis 2:24

Pe rumo opakatu Tiatira pendar ndaperoyai va'e ko porombo'e raisa, iyavei ndapeyembo'ei Karugwar arakwasa rese ndikwasai va'e, sese namondo iri chira ambuae che porokwaita peü.