Efesios 6:10 - Tüpä Ñe'ëngagwer

¹⁰ Sese peyemovɨräkwä katu yande Yar rese, ipirätäsa rese avei.

Tũpa Ñehengagüer

¹⁰ Sese peyemovɨracua catu yande Yar rese, ipĩratasa rese avei.

Efesios 6:10 Iomraidhean Croise

1 Corintios 16:13

Pema'emo'ä peyese, peyemovɨräkwä avei Jesús rese pe yeroyasa pɨpe, peñemosaño katu pe kwaita upe, peikoveño itera Tüpä pirätäsa pɨpe.

2 Corintios 13:11

Imomba agwä, che rɨvrɨ eta, aipota pevɨ'aretera peiko. Peseka avei pereko tuprɨ katu agwä peyeupe, peyemongere'ɨ̇ katu, oyoya gwasu peiko tuprɨ avei peyese mba'e tuprɨ pɨpe. Evokoiyase Tüpä oporoaɨsusa pɨpe, gweko tuprɨsa pɨpe avei sekoira pe rese.

Efesios 1:19

iyavei seko pirätäsa ndopai va'e, a'e ni'ä yande pɨtɨ̇vɨï oiko yayeroyase sese. Ko gweko porañetesa omboyekwa va'e Tüpä gweko pirätäsa ɨvate katu va'e avei

Efesios 3:16

Che aporandu yande Ru Tüpä upe ombou va'erä gweko porañetesa peü peipɨsɨ agwä pe pɨ'a pɨpe, Tüpä Espíritu pirätäsa sui.

Filipenses 3:1

Iyavei che rɨvrɨ eta, peyembovɨ'año yande Yar rese peikose. Ndachekwerai ete ñe'ësa aikwachia va'ekwer kwachia iri agwä peü, iyavei avɨye katu ite peü narä.

Filipenses 4:13

Aikatu opakatu mba'e uve che yemovɨräkwä agwä, esepia Cristo ombou che pirätä agwä.

Filipenses 4:8

Ko ipa, che rɨvrɨ eta, yande pɨ'añemoñetara opakatu mba'e supi tuprɨ va'e rese, poromboetei agwä rese, mba'e i'ɨ̇vi va'e rese, mba'e maräne'ɨ̇ rese, mba'e yande mbovɨ'a va'e rese, opakatu mba'e avɨye va'e ikwaprɨ va'e rese. Iyavei yande pɨ'añemoñetara ambuae mba'e avɨye va'e rese, imboeteiprɨ va'e rese avei.

Colosenses 1:11

Iyavei tombou katu pe momirätä agwä gwekokwer pirätäsa pɨpe sui; evokoiyase oimese mba'e tëi peü, peñemosañora pe reko mbegwesa pɨpe, pevɨ'asa pɨpe avei,

2 Timoteo 2:1

Iyavei nde no, che ra'ɨrɨ, eyemovɨräkwä mba'ekwasa Tüpä ombou va'e rese Cristo Jesús rupi ndeu.

2 Timoteo 4:17

Yande Yar Jesucristo rumo che pɨtɨ̇vɨï, che momirätä ko ñe'ësa pɨsɨrösa resendar mombe'u tuprɨ agwä opakatu ava nda'ei va'e judío upe. Egwë e'i avei che renose mba'e-mba'e tëi povɨvrɨ sui,

1 San Pedro 3:8

Iyavei peikora opakatu teko katuprɨsa pɨpe, perekora ñepëi pɨ'a ñemoñetasa, iyavei peyeaɨsu katura Jesús reroyasar pe rekosa pɨpe. Peyemboava aveira oyeupe pe reko mbegwesa pɨpe.

1 San Pedro 4:11

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.

1 San Pedro 5:10

Koiye peparaɨsu pare rumo, Tüpä teiete pe reko mo'ɨ̇vi tuprɨra, iyavei pe reko movɨräkwära, pe momirätä aveira pe yepepɨ irie'ɨ̇ agwä ichui. Tüpä ni'ä oporoaɨsusa pɨpe yande poravo oyeupe narä, yande yaso va'erä supi teko orɨ ndopai va'esave yaiko va'erä Jesucristo rese yande rekosa pɨpe.

1 San Juan 2:14

Iyavei pe che ra'ɨreta aikwachia opakatu peü, esepia peikwa ni'ä yande Ru Tüpä. Aikwachia avei peü, pe iyesupa, esepia peikwa yɨpɨsuive ite oikove va'e. Aikwachia avei peü mbɨa chi'ïvä'e, esepia peyemovɨräkwä eteprɨ, peipɨsɨ avei Tüpä ñe'ëngagwer pe pɨ'a pɨpe, esepia ni'ä pesekopɨ avei karugwar.