Efesios 5:5 - Tüpä Ñe'ëngagwer

⁵ Peikwa ni'ä akoi oyemboagwasa va'e, oyapo va'e mba'e naporäi va'e, yemombotasa (esepia a'e inungar mba'e ra'anga mboeteisa), evokoi nungar ndoyuvɨrekoi chira Tüpä povrɨve iyavei Cristo povrɨve.

Tũpa Ñehengagüer

⁵ Peicua niha acoi oyemboaguasa vahe, oyapo vahe mbahe naporai vahe, que yemombotasa (esepia, ahe inungar mbahe rahanga mboeteisa), evocoi nungar ndoyuvɨrecoi chira Tũpa povrɨve iyavei Tahɨr Cristo povrɨve.

Efesios 5:5 Iomraidhean Croise

Los Hechos 20:32

“Sese, che rɨvrɨ eta, opoeyara Tüpä povrɨve iyavei iñe'ësa iporovasasa resendar pɨpe. A'e pe movɨräkwä katura pe rereko iyavei omboura opakatu mba'e gwemimombe'u peü opakatu ambuae gwembiporavo reseve.

Los Hechos 8:21

Ndeu ndiyai ko nungar mba'e apo agwä, esepia nde pɨ'añemoñetasa nda'ei i'ɨ̇vi va'e Tüpä rovai.

Gálatas 5:19

Yande remimbotarai suindar yande rembiapoai ikwasa tuprɨ ite: a'e yemboagwasa tëisa, teko kɨ'asa, mba'e tëi aposa,

Gálatas 5:21

Iyavei ambuae ava mba'e pota raisa rese ñemoɨrösa, savaɨposa, yembopieta tëisa iyavei ambuae mba'e ko nungar tuprɨ aposa. Peikwa katu, esepia evokoi nungar mba'e aposar ndoyuvɨroikei chietera Tüpä mborerekwasave kuri.

Efesios 5:3

Pe ni'ä Tüpä upendar ite peiko: sese ndapeyemboagwasai chietera iyavei ndapeikoi chira ambuae mba'e naporäi va'e pɨpe, yemombotasa opakatu mba'e rese.

Colosenses 1:13

Tüpä ni'ä yande pɨsɨrö Karugwar povrɨ sui, egwë e'i yande reraso Gwa'ɨrɨ gwembiaɨsu povrɨve,

Colosenses 3:5

Evokoiyase pepoi opakatu ko mba'e naporäi va'e ko ɨvɨ pɨpendar tëi pe rese oime va'e sui: ndapeyemboagwasai chira, ndapeyapoi chira mba'e tëi pe rekokwer pɨpe, ndapeipotarai chira pɨ'añemoñeta raisa, ndapeipotarai chira ambuae ava mba'e (esepia, a'e ni'ä oyoya mba'e ra'anga tëi mboeteisa rese).

1 Timoteo 6:10

Esepia gwarepochi pota raisa sui osë opakatu mba'e naporäi va'e; amove ava ipota raisa pɨpe oyepepɨ Tüpä reroyasa sui iyavei omombaraɨsu gwekokwer ipɨpe a'e ae yuvɨreko.

1 Timoteo 6:17

Akoi imba'e eta va'e ko ɨvɨ pɨpe, eyokwai toyemboɨvateai eme, iyavei toyeroya rai eme omba'e eta rese tëi yuvɨreko, esepia a'e egwë e'i tëi va'e. Iyakatu rumo Tüpä rese oyeroyara yuvɨreko, a'e ni'ä opakatu mba'e ikatuprɨ va'e ombou yandeu narä yande rembiporugwä.

Hebreos 13:4

Pe opakatu pemboetei avei mendasa, iyavei peiko pe reko maräne'ɨ̇sa pɨpe mendasa rese; esepia Tüpä oikwara oyemboagwasa tëi va'e upe.

Apocalipsis 21:8

Akoi ava osɨkɨyeai va'e rumo che rekokwer sui, ndache reroyai va'e, ava ndiporoepia potai va'e, oporoyuka va'e, akoi ava oyemboagwasa tëi va'e, ipaye serai va'e, mba'e ra'anga mboeteisar tëi iyavei opakatu ava semirä-mirä tëi va'e, a'e opara yuvɨraso ɨpa nungar azufre okai pirätä va'e pɨpe, a'e ni'ä imoñuvɨrïo manosa.”

Apocalipsis 22:15

Ava re'ɨi ndiporeroyai va'e rumo opɨtapara okarve tëi yuvɨreko, iyavei ava ipaye serai va'e, oyemboagwasa-gwasa tëi va'e, oporoyuka va'e, mba'e ra'anga upe tëi oyerure va'e, iyavei opakatu ava oipotarai va'e oporombopa-mbopa tëi agwä yepi.”