Efesios 5:3 - Tüpä Ñe'ëngagwer

³ Pe ni'ä Tüpä upendar ite peiko: sese ndapeyemboagwasai chietera iyavei ndapeikoi chira ambuae mba'e naporäi va'e pɨpe, yemombotasa opakatu mba'e rese.

Tũpa Ñehengagüer

³ Pe niha Tũpa upendar ité peico. Sese ndapeyemboaguasai chietera iyavei ndapeicoi chira ambuae mbahe naporai vahe pɨpe, que yemombotasa opacatu mbahe rese.

Efesios 5:3 Iomraidhean Croise

San Mateo 15:19

Esepia ava avɨter sui osë pɨ'a ñemoñeta raisa, porapichisa, mendasa sui yemboagwasasa, nomendai va'e yemboagwasa tëisa, mondasa, temirä iyavei ava rese ñemoñeta tëisa.

San Lucas 12:15

Aipo e'i avei chupe: –Peñearö tuprɨ opakatu mba'e pota raisa sui; esepia ni'ä nda'ei mba'e rereko atɨ agwä perekokwer.

San Lucas 16:14

Esepia fariseo eta, aipo gwarepochi potaraisa yuvɨrekoi va'e, osenduse opakatu mba'e vɨroɨrö tëi Jesús yuvɨreko.

Los Hechos 15:20

Avɨye ite ikwachiasa opoi va'erä ko opakatu naporäi va'e seropove'ëprɨ mba'e ra'anga upe tëi yuvɨreko, ndoyuvɨrekoi chira yemboagwasasa ndipotasai va'e pɨpe iyavei ndoyuvɨro'ui chira mba'e mɨmba ro'o yukaprɨ tëi, anichira pe'ɨu suvɨ.

Los Hechos 20:33

Nda'ei gwarepochi iyavei pe turukwar potasave egwë a'e vichiko;

Romanos 1:29

A'e evokoiyase yuvɨrekoi opakatu mba'e-mba'e tëi pɨpe, oyemboagwasa-gwasa tëi va'e kuimba'e, kuña avei, ambuae ava mba'e oipotarai iyavei oyapo mba'e-mba'e tëi ava upe. A'e oñemoɨrö ambuae ava mba'e potaraisave tëi, oporapichi, ivava serai, iporombopa serai, ipɨ'añemoñeta ava reko momarä agwä tëi iyavei ima'echiröiai ipɨpe yuvɨreko.

Romanos 16:2

Peipɨsɨ tuprɨ katu yande Yar rer pɨpe, a'e ni'ä yande kwaita Cristo reroyasar yande rekose, iyavei peipɨtɨ̇vɨïño mba'e chupe ipane va'e rese, esepia a'e seta ite oporopɨtɨ̇vɨï che avei ete che pɨtɨ̇vɨï no.

Romanos 6:13

Ani peyemondo angaipa upe, mba'e tëi apo agwä. Peyemondo katu Tüpä upe, esepia pe inungar ava okwerayevɨ iri va'e peiko, sese peyemondo tuprɨ ite chupe mba'e tuprɨ apo agwä.

1 Corintios 10:8

Ndayayemboagwasa-gwasa tëi chira inungar amove a'e egwë e'i yuvɨreko, ipɨpe sui tëi ñepëi arɨ pɨpe a'e opa omano veintitrés mil tuprɨ yuvɨreko araka'e.

1 Corintios 5:1

Yandusa avei ñepëi pe pa'ü pendar vɨrekose gwembirekorä osɨ rekoyar. Evokoi oyapo va'e yemboagwasasa naporäi ete, Tüpä reroyasare'ɨ̇ ite ndoyapoi evokoi nungar mba'e tëi yuvɨreko.

1 Corintios 6:13

Aipo e'i avei yuvɨreko: “Tembi'u yande avɨter upe narä, iyavei yande avɨter evokoiyase yande rembi'u upe narä.” Evokoi spiete, Tüpä opara omokañɨ ñuvɨrïo mba'e evokoi nungar. Yande retekwer rumo ndikwaitai yagwasa tëi va'erä, a'e rumo yande Yar upe narä. Esepia yande retekwer nda'ei yemboagwasasa angaipa upe narä tëi, a'e yande Yar upe narä ite, iyavei yande Yar sekoi yande rete upe narä.

1 Corintios 6:18

Peyepepɨ voiño katu ava yemboagwasa-gwasa tëisa sui. Opakatu ambuae angaipa nda'ei yande retekwer rese narä ite. Akoi ava oyapo tëi va'e mba'e kuña rese, gwetekwer ae evokoiyase omomarä katu gwembiapo pɨpe sui tëi.

2 Corintios 12:21

Asɨkɨye avei aso irise pe repia, esepia omboura Tüpä che chï agwä pe sui, che mboyase'o uka tiëtera peye yɨpɨsuive angaipa pereko va'e pɨpe, iyavei ndapemboasɨi etese mba'e tëi, yemboagwasa-gwasa tëisa iyavei mba'e pe remimbotarai peyapo va'ekwer.

Efesios 5:12

Esepia a'e sembiapo yemochisa ñomiprɨ tëi vɨreko yuvɨreko;

Efesios 5:5

Peikwa ni'ä akoi oyemboagwasa va'e, oyapo va'e mba'e naporäi va'e, yemombotasa (esepia a'e inungar mba'e ra'anga mboeteisa), evokoi nungar ndoyuvɨrekoi chira Tüpä povrɨve iyavei Cristo povrɨve.

Filipenses 1:27

Ko katu toyoya tuprɨ: pe rekokwer ko ñe'ësa avɨye va'e Jesucristo rese. Evokoiyase asose pe repia, anise amombrɨ aikose pe sui, asendu pota pe resendar ñe'ësa avɨye va'e, pe yemovɨräkwäsa resendar, pe pɨ'a ñemoñetasa yoyasa resendar iyavei pe poravɨkɨ pirätäsa resendar pe poreroyasave ko ñe'ësa poropɨsɨrösa rese,

Colosenses 3:5

Evokoiyase pepoi opakatu ko mba'e naporäi va'e ko ɨvɨ pɨpendar tëi pe rese oime va'e sui: ndapeyemboagwasai chira, ndapeyapoi chira mba'e tëi pe rekokwer pɨpe, ndapeipotarai chira pɨ'añemoñeta raisa, ndapeipotarai chira ambuae ava mba'e (esepia, a'e ni'ä oyoya mba'e ra'anga tëi mboeteisa rese).

1 Tesalonicenses 4:3

Esepia Tüpä oipota pe reko maräne'ɨ̇ agwä oyeupe, tipo eme ñepëi ava oyemboagwasa tëi va'e

1 Tesalonicenses 4:7

Esepia Tüpä ni'ä yande poravo yande reko maräne'ɨ̇ agwä, nda'ei angaipa pɨpe yande reko agwä tëi.

1 Timoteo 2:10

Iyakatu rumo yuvɨrekoi tuprɨra gwembiapo avɨye va'e pɨpe, inungar akoi kuña omboetei pota va'e Tüpä yuvɨreko yepi.

1 Timoteo 3:3

iyavei nda'ei chira kagwar tëi, ndosekai chiaveira ovava agwä iyakatu rumo seko mbegwera opakatu ava upe, ndoipotarai chiaveira gwarepochi.

1 Timoteo 6:10

Esepia gwarepochi pota raisa sui osë opakatu mba'e naporäi va'e; amove ava ipota raisa pɨpe oyepepɨ Tüpä reroyasa sui iyavei omombaraɨsu gwekokwer ipɨpe a'e ae yuvɨreko.

2 Timoteo 3:2

A'ese ava a'e ae tëi oyeaɨsura yuvɨreko, gwarepochi tëi oipotaraira, oyemboɨvateaira oyemboeteiai tëi aveira. Oñe'ë raira Tüpä rese yamotare'ɨ̇save, nomboyeroyai chira oyesupa yuvɨreko, seta avei avɨye ndeu nde'i va'e ava upe, iyavei nomboetei chira Tüpä rese pɨ'a ñemoñetasa yuvɨreko.

Tito 1:11

Evokoi nungar ava iyakatu pemongiriri, esepia a'e ni'ä seta ava oñemu va'e omboyepepɨ uka porombo'esa supi tuprɨ va'e sui yuvɨreko, oporombo'e mba'e kokotɨ tëi va'e rese gwarepochi rereko agwä tëi yuvɨreko.

Tito 1:7

Akoi oyapo tuprɨ va'e tekwa pɨpe mba'e a'e yuvɨrekoi Tüpä mba'e rese i'añeko va'e, sese evokoiyase vɨrasora gwekokwer avɨye va'e rupi. Anichira ndasekoporäi yuvɨreko, anichira ndasorɨi oiko; nda'ei chiaveira kagwar tëi, ndivava serai chiaveira, tigwarepochi potarai eme yuvɨreko.

Tito 2:3

Egwë e'i tuprɨ aveira, kuña otɨ̇arö va'e vɨrekora gweko katuprɨsa, ndosavaɨpoi chiaveira. Omboyekwara gwekokwer avɨye va'e

Hebreos 12:16

Tipo eme katu pe pa'ü pendar oyemboagwasa tëi va'e, tipo eme avei ava Tüpä upendar mba'e vɨroɨrö va'e pe pa'üve inungar Esaú araka'e, a'e omondo Tüpä porovasasa oyeupendar ta'ɨrɨ ɨpɨ gwekosa resendar mimoi repɨrä tëi vɨvrɨ upe.

1 San Pedro 5:2

Pesärö tuprɨ katu ava Tüpä upendar imondoprɨ va'e peü; peyapora pe kere'ɨ̇sa pɨpe ite, a'e ni'ä Tüpä oipota, nda'ei ambuae yande kwaisa pɨpe tëi, nda'ei avei gwarepochi pota raisa pɨpe, peyapora rumo mboravɨkɨ pe kere'ɨ̇sa pɨpe ite.

2 San Pedro 2:10

Tüpä omombaraɨsura akoi ava ndopoi potai va'e gwemimbotarai sui, iyavei vɨroɨrö va'e imborerekwasa. Oyeekomboɨvateai va'e gwemimbotar aposa pɨpe, ndosɨkɨyei avei oñe'ërai agwä seko ɨvate pirätä katu va'e rese;

2 San Pedro 2:14

Osepiase kuña, oipota voiño tëi; ndaporambai avei iyemboangaipasa chupe, yayapoño mba'e e'iño ndoyembo'e katui va'e upe. Evokoi nungar oyembo'e-mbo'e katu mba'e pota raisa reka agwä oyeupe yuvɨreko, ava okañɨ tëi va'erä yuvɨrekoi.

2 San Pedro 2:3

Gwarepochi potaraisa pɨpe pe mbopara yuvɨreko ko porombo'esa kokotɨ tëi va'e rese; kañɨsa rumo oimeño itera yuvɨreko chupe, yɨpɨsuive ite ni'ä a'e imokañɨpɨ̇ra yuvɨrekoi.

Apocalipsis 2:14

Che rumo aikwa mba'e pe resendar: eipeve amove ava ndoyepepɨ potai ete Balaam porombo'esa sui yuvɨreko. A'e omboarakwa Balac Israel pendar mboangaipa uka agwä, toyuvɨro'uño mba'e ro'o seropove'ëprɨ mba'e ra'anga upendar tëi oya, toyemboagwasaño yuvɨreko oyapave avei.

Apocalipsis 2:21

Che amondo vɨte tëi arɨ chupe, tomboasɨ oangaipa Tüpä upe oyevɨ agwä che yapave viña; a'e kuña rumo ndopoi potai ete oyemboagwasa tëisa sui.

Apocalipsis 21:8

Akoi ava osɨkɨyeai va'e rumo che rekokwer sui, ndache reroyai va'e, ava ndiporoepia potai va'e, oporoyuka va'e, akoi ava oyemboagwasa tëi va'e, ipaye serai va'e, mba'e ra'anga mboeteisar tëi iyavei opakatu ava semirä-mirä tëi va'e, a'e opara yuvɨraso ɨpa nungar azufre okai pirätä va'e pɨpe, a'e ni'ä imoñuvɨrïo manosa.”

Apocalipsis 22:15

Ava re'ɨi ndiporeroyai va'e rumo opɨtapara okarve tëi yuvɨreko, iyavei ava ipaye serai va'e, oyemboagwasa-gwasa tëi va'e, oporoyuka va'e, mba'e ra'anga upe tëi oyerure va'e, iyavei opakatu ava oipotarai va'e oporombopa-mbopa tëi agwä yepi.”

Apocalipsis 9:21

Iyavei noñekuñarö potai ete oporapichisa sui yuvɨreko, opaye aisa sui, kuña, kuimba'e ambuae rese angaipa aposa sui, omonda raisa sui avei.