Efesios 5:23 - Tüpä Ñe'ëngagwer

²³ Esepia imer gwembireko kwai agwä sekoi, egwë e'i avei ni'ä Cristo vɨroyasar kwai agwä oiko, vɨroyasar pɨsɨrösar avei sekoi, inungar gwetekwer sereko.

Tũpa Ñehengagüer

²³ Esepia, imer güembireco cuai ãgua secoi, ẽgüe ehi avei niha Cristo vɨroyasar cuai ãgua oico. Vɨroyasar Pɨ̃sɨrosar avei secoi, inungar güetecuer ité sereco.

Efesios 5:23 Iomraidhean Croise

Los Hechos 20:28

Sese peñearö tuprɨ, pesärö avei opakatu Jesús reroyasar, Espíritu Maräne'ɨ̇ porokwaita rupi inungar ovesa rärösar, egwë peye tuprɨra särö a'e Tüpä remimboepɨ yuvɨrekoi, esepia Jesús oipɨyere vuvɨ opakatu ava angaipa repɨrä.

1 Corintios 6:13

Aipo e'i avei yuvɨreko: “Tembi'u yande avɨter upe narä, iyavei yande avɨter evokoiyase yande rembi'u upe narä.” Evokoi spiete, Tüpä opara omokañɨ ñuvɨrïo mba'e evokoi nungar. Yande retekwer rumo ndikwaitai yagwasa tëi va'erä, a'e rumo yande Yar upe narä. Esepia yande retekwer nda'ei yemboagwasasa angaipa upe narä tëi, a'e yande Yar upe narä ite, iyavei yande Yar sekoi yande rete upe narä.

Efesios 4:15

Yande rumo evokoiyase yañe'ëra mba'e supiete va'e rese poroaɨsusa pɨpe, iyavei yaroya katu-katu irira Cristo opakatu yande rekokwer pɨpe, a'e ni'ä yande rerekwar sekoi.

Efesios 5:24

Evokoiyase inungar seroyasar omboyeroya Cristo yuvɨreko, kuña avei ni'ä egwë e'ira opakatu omer mboyeroya yuvɨreko.

Colosenses 1:18

Esepia ni'ä Cristo sekoi opakatu vɨroyasar rerekwar, a'e yande setekwer ite yaiko. A'e rane avei yɨpɨndar sekoi okwerayevɨ va'e, evokoiyase a'e ɨvate katu va'e opakatu sui sekoi.

1 Tesalonicenses 1:10

omombe'u avei pesärö va'e Tüpä Ra'ɨrɨ Jesús iyevɨ agwä ɨva sui yuvɨreko oreu, a'e akoi Tüpä ombogwerayevɨ va'e Jesús omano va'e pa'ü sui, a'e ni'ä yande pɨsɨröra ñemoɨrösa ipirätä va'e sui.

Apocalipsis 19:7

Tayayembovɨ'a katu yaiko, iyavei tayamondo yande vɨ'aretesa, yande sapukaisa yande Ru Tüpä upe, esepia ni'ä, kurïtëi oyepota arɨ mendasa Ovesami a'e Cristo sekoi va'e upendar. Sembireko evokoiyase opa oyemoigätu oiko:

Apocalipsis 5:9

Iyavei osapukai ipɨasu va'e sapukaisa yuvɨreko: “Ndeu iyakatu ite kwachiar pɨsɨ agwä, imboyaprɨ mondoro agwä aveino, esepia ni'ä nde yukaprɨ seropove'ëprɨ ereiko; evokoiyase nde ruvɨ pɨpe eremboepɨpa Tüpä upe narä opakatu ava ambuae-ae tëi va'e, iñe'ë ambuae-ae tëi va'e avei, ñepëi-pëi tekwa yakatu rupindar, ɨvɨ rupindar avei yuvɨreko.