Efesios 5:21 - Tüpä Ñe'ëngagwer

²¹ Peyemboyeroya katu ambuae ava rese Cristo mboeteisa pɨpe.

Tũpa Ñehengagüer

²¹ Peyemboyeroya catu ambuae rese Cristo mboeteisa pɨpe peico.

Efesios 5:21 Iomraidhean Croise

1 Corintios 16:16

Evokoiyase che aipota peyemboyeroyara evokoi nungar ava rese iyavei opakatu ambuae yande Yar upe oporavɨkɨ va'e rese.

2 Corintios 5:11

Ore ni'ä oroikwa yande Yar sui ore sɨkɨye agwä imboyeroyasave, sese orosa'ä ava pɨ'añemoñeta rerova Tüpä rese ipɨ'añemoñeta agwä yuvɨreko. Tüpä ni'ä ore kwa tuprɨ, pe avei tapeikwa ore rekokwer.

2 Corintios 7:1

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

Gálatas 5:13

Pe, che rɨvrɨ eta, senoiprɨ peiko mbigwai tëi nungar perekosa sui perenose agwä. Ndape yapoi chira rumo mba'e pe remimbotar tëi ipɨpe. Iyakatu peñepɨtɨ̇vɨïra pe yeaɨsusa pɨpe.

Efesios 5:22

Kuña tomboyeroya omer, inungar yande Yar omboyeroya yuvɨreko.

Efesios 5:24

Evokoiyase inungar seroyasar omboyeroya Cristo yuvɨreko, kuña avei ni'ä egwë e'ira opakatu omer mboyeroya yuvɨreko.

Filipenses 2:3

Ndapeyapoi chira mba'e peyeupe gweraño tëi, ndapeyapoi chiaveira mba'e pe yemboɨvate aisave, iyakatu rumo pe reko yemominisa pɨpe ambuae avɨye katu perekora peyesui.

1 Timoteo 2:11

Iyavei kuña tosendu porombo'esa okiririsa pɨpe imboyeroyasave;

1 Timoteo 3:4

Iyavei oikwa tuprɨra gwëtä pɨpendar rärö agwä, ombo'e aveira gwa'ɨrɨ iporeroya agwä, iporomboetei agwä avei.

Hebreos 13:17

Pemboyeroya pe kwaisar peyapo semimbotar, esepia a'e ndopɨtu'ui ete pe rekokwer rärö yuvɨreko, esepia Tüpä oikwara mba'e sembiapo rese chupe kuri. Sese pemboyeroya katu tayavai eme iporavɨkɨsa chupe, esepia ndapenosei chietera mba'e avɨye va'e egwë e'ise ichui.

1 San Pedro 2:13

Yande Yar raɨsusa pɨpe pemboyeroya opakatu pe rerekwar ko ɨvɨ pɨpe: mborerekwar ɨvate katu va'e, esepia a'e imborerekwasa ɨvate katu ite,

1 San Pedro 2:17

Pemboeteira opakatu ava. Pesaɨsu avei pe rɨvrɨ eta Jesús reroyasar, pemboetei Tüpä, pemboyeroya avei mborerekwar ɨvate katu va'e.

1 San Pedro 5:5

Iyavei pe mbɨa chi'ïvä'e peiko va'e, pemboyeroyara ava Jesús ñe'ë rärösar. Iyavei opakatu peyemboyeroyara pe reko mbegwesa pɨpe, esepia aipo e'i Ikwachiaprɨ pɨpe: “Tüpä ava oyeeko mboɨvateai va'e amotare'ɨ̇mbar sekoi, ava seko mbegwemi va'e upe rumo ombou oporovasasa.”