Efesios 5:18 - Tüpä Ñe'ëngagwer

¹⁸ Nda'ei chira kagwar tëi peiko, evokoi mba'e ndoporopoɨsui mba'e tëi apo uka agwä, peiko katura rumo Espíritu Maräne'ɨ̇ pe mbo'esa pɨpe.

Tũpa Ñehengagüer

¹⁸ Ndahei chira caguar tẽi peico, evocoi mbahe ndoporopoɨsui mbahe tẽi apo uca ãgua. Peico catura rumo Espíritu Santo pe mbohesa pɨpe.

Efesios 5:18 Iomraidhean Croise

San Mateo 23:25

“¡Peparaɨsu itera pe Moisés porokwaita rese oporombo'e va'e iyavei pe fariseo peiko va'e, pe inungar ava oñe'ë ñotëi va'e tekokwer rese yuvɨreko yepi!, esepia inungar ɨgwa rɨru iyavei tembi'u rɨru ikupe rupi tëi yoseiprɨ, ipɨpe rumo ikɨ'a opɨtaño ite, egwë e'i avei pe rekokwer pe monda raisa pɨpe.

San Mateo 24:49

omboɨpɨ omboetasa marä-marä tëi rereko iyavei oyemboya kagwar tëi rese ipɨri okaru iyavei oɨ'u tëi agwä,

San Lucas 1:15

esepia ni'ä nde ra'ɨrɨ sekokwer tuvichara oiko yande Yar rovai. Ndoɨ'ui chietera uva rɨkwer sai va'e, iyavei Espíritu Maräne'ɨ̇ pɨpe sekoira oyesu e'ɨ̇ renondeve.

San Lucas 11:13

Esepia pe, yepe ava ndasekoporäi va'e peiko viña, pe ra'ɨrɨ upe rumo pemondoño ite mba'e avɨye va'e, ¡ta'etru pe Ru ɨva pendar omondo katura Espíritu Maräne'ɨ̇ akoi ava oyeupe porandusar upe!”

San Lucas 12:45

A'e mbigwai rumo ipɨ'a ñemoñeta, ndoyepota vɨtei chira revo che rerekwar oyapave, ipare omboɨpɨ marä-marä tëi omboetasa mbigwai kuimba'e iyavei kuña rereko iyavei okaru, oɨ'u tëi osavaɨpo-ɨpoño ite oiko,

San Lucas 21:34

“Peikwa katu iyavei pepoirene pepɨ'ayemoñetasa avɨye va'e sui mba'e tëi apo agwä, anichira kagwar tëi peiko iyavei pɨ'a ñemoñetasa ko tekokwer rese. A'e arɨ pɨpe katu tovɨapi eme pe arɨve

San Juan 2:10

aipo e'i: –Opakatu ava yuvɨroɨ'u yɨpɨndar uva rɨkwer avɨye katu va'e, ipare rumo icho'oprɨ yuvɨroɨ'upase, a'ese yuvɨroɨ'u uva rɨkwer ndasepɨi va'e. Nde rumo ereyapokatu uva rɨkwer avɨye katu va'e.

Los Hechos 11:24

Esepia Bernabé rekokwer avɨye eteprɨ va'e, vɨroya ite Espíritu Maräne'ɨ̇ iyavei oyeroya ite oyese. Evokoiyase seta ava oyevɨ yande Yar upe yuvɨreko.

Romanos 13:13

Yande katu yagwata yande reko ɨ̇vi tuprɨsa pɨpe, inungar yagwatase arɨ pɨpe. Ani yaikora kagwar pɨpe tëi iyavei pietasa rupi, ndayaikoi chira poropota raisa pɨpe, iyavei ndayayapoi chira mba'e naporäi va'e, ndayaikoi chiaveira yande pɨ'añemoñeta nda'oyoyai va'e pɨpe iyavei ndayaroɨröi chira ava imba'e rese sereko.

1 Corintios 11:21

Esepia aipo pekaruse, pe rane aipo pepoyava pekaru; ambuae aipo evokoiyase ndasɨepoi tëi yuvɨreko, ambuae rumo pe pa'ü pendar aipo oyembosavaɨpoño yuvɨreko.

1 Corintios 5:11

Che akoi aipo a'e peü ndapemborɨi chira ava che Jesucristo reroyasar aiko e'i anga'u tëi va'e, oyemboagwasase, anise oipotaraise ambuae ava mba'e, oyerure tëi va'e mba'e ra'anga upe, iyavei ima'echiröiai va'e, kagwar tëi va'e, anise imondarai va'e. Evokoi nungar ava pɨri ñepëi yepe ndapekarui chietera.

1 Tesalonicenses 5:7

Akoi yuvɨroke va'e, yuvɨroke pɨ̇tü pɨpe, iyavei osavaɨpo va'e, osavaɨpo avei pɨ̇tü pɨpe yuvɨreko;

Tito 1:6

Ñepëi ava kwakwa otɨ̇arö va'e vɨrasora gwekokwer mba'e avɨye va'e rupi. Ñepëiño ite sekoira imer gwembireko rese, ta'ɨrɨ avei yuvɨrekoira mba'e avɨye va'e rupi anichira yuvɨrekoira mba'e-mba'e tëi pɨpe tiporeroya avei yuvɨreko.