Efesios 5:15 - Tüpä Ñe'ëngagwer

¹⁵ Sese pema'ekwa tuprɨ pe rekokwer rese. Peikoi rene ndayarakwai va'e nungar; peikora rumo pe yapɨsaka tuprɨsa pɨpe.

Tũpa Ñehengagüer

¹⁵ Sese pemahecua tuprɨ pe recocuer rese. Peicoi rene ndayaracuai vahe nungar; peicora rumo pe yapɨsaca tuprɨsa pɨpe.

Efesios 5:15 Iomraidhean Croise

San Mateo 10:16

“¡Pesendu tuprɨ che ñe'ë! Che opomondo ovesa nungar ava mba'e mɨmba oñaröai va'e nungar pa'üve. Peikora inungar mboi sesaeteai va'e, iyavei inungar apɨkasu sekoi tuprɨ va'e.

San Mateo 25:2

Ipa'üve yuvɨrekove poyandepo tuprɨ ndipɨ'a ñemoñetai va'e iyavei ambuae poyandepo tuprɨ ipɨ'a ñemoñeta tuprɨ va'e yuvɨreko.

San Mateo 27:24

Pilato osepiase mba'e noigätuise, esepia ni'ä ava re'ɨi yaɨvu gwasu katu-katu irise, gweru uka ɨ, ɨpɨpe oyepoi opakatu ava re'ɨi rovake aipo e'i: –Nda'ei che porokwaita rupi yukasara ko mbɨa; pe remimbotar rupi ete yaposara.

San Mateo 27:4

aipo e'i iri tëi chupe: –Che ayemboangaipa vichiko, esepia amondoño tëi mbɨa yuka uka agwä seko katuprɨ va'e. A'e rumo omboyevɨ yuvɨreko chupe: –¿Marä etemo ore orovɨreko? ¡Nde ereikwa mba'e nde rembiapo!

San Mateo 8:4

Jesús aipo e'i iri chupe: –Esendu, eremombe'ui rene ambuae ava upe. Eso eiko eyemboyekwa pa'i upe, ipare eikwave'ë nde porerekosa nde kwera agwer resendar Moisés porokwaita rupi, ipɨpe sui toikwa pa'i eta nde kwerasa yuvɨreko.

San Lucas 24:25

Evokoiyase Jesús aipo e'i chupe: –¡Ndapeikwai ete rumo pe pɨ'a pɨpe seroya tuprɨ agwä opakatu Tüpä ñe'ë mombe'usar remimombe'ugwer!

1 Corintios 14:20

Che rɨvrɨ eta, pepɨ'añemoñeta eme chi'ïvä'emi pɨ'añemoñeta nungar pɨpe. Iyakatu rumo peikora kwakwa va'e pɨ'añemoñeta nungar pɨpe, peyemochi'ïvä'e katuñora rumo peiko mba'e naporäi va'e apoe'ɨ̇ agwä.

Gálatas 3:1

¡Ndapemba'ekwai ete pe Galacia pendar! ¿Pe ndoyavɨi ipaye va'e remimbopa peiko? Oromombe'u tuprɨ ni'ä pe rovai ete akoi Jesucristo kurusu rese yatɨka agwer peü.

Gálatas 3:3

¿Ndapemba'ekwai ete yɨpɨndar, Espíritu pɨpe pemboɨpɨ Cristo rupi pe gwata agwä egwë peye aveira pi'ä pe pirätäsa pɨpe tëi pe gwata tuprɨ agwä kurïtëi?

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Efesios 5:33

Egwë e'i ete ñepëi-pëi pesaɨsu pe rembireko pe yeaɨsu nungar, iyavei kuña tomboetei tuprɨ omer yuvɨreko.

Filipenses 1:27

Ko katu toyoya tuprɨ: pe rekokwer ko ñe'ësa avɨye va'e Jesucristo rese. Evokoiyase asose pe repia, anise amombrɨ aikose pe sui, asendu pota pe resendar ñe'ësa avɨye va'e, pe yemovɨräkwäsa resendar, pe pɨ'a ñemoñetasa yoyasa resendar iyavei pe poravɨkɨ pirätäsa resendar pe poreroyasave ko ñe'ësa poropɨsɨrösa rese,

Colosenses 1:9

Sese avei ore aipo nungar rendu ramoseve ndoroyerurepai ete pe rese, oroporandu pe rese toikwa tuprɨ opakatu Tüpä remimbotar omba'ekwasa Espíritu suindar pɨpe, sendukwa tuprɨsa pɨpe avei yuvɨreko ore yapave peü.

Colosenses 4:5

Peiko tuprɨ pe arakwasa pɨpe ava nda'ei va'e Cristo reroyasar rovake, peyapo tuprɨ mba'e ko tekokwer avɨye vɨteseve.

1 Tesalonicenses 5:15

Peikwa katu pe rereko megwa potasar sui. Ndapemboyevɨi chira mba'e-mba'e tëi ko pe rereko megwa potasar upe, iyakatu rumo peyapo tuprɨ mba'e avɨye va'e peyeupe, opakatu ava upe aveino.

1 Timoteo 6:9

Iyavei akoi ava yuvɨrekoi pota va'e mba'e yar, ndoyemovɨräkwäi rumo tekoa'äsa upe, ipare ovɨapi mba'e tëi pɨpe, seta mba'e pota raisave, ipɨpe oyeekomomarä, ipare oyemokañɨ tëi.

Hebreos 12:25

Sese peikwa katu, ndorovɨroyai peye va'erä akoi peü oñe'ë va'e upe. Esepia Tüpä reroya e'ɨ̇sar noñemi ete iñemoɨrösa sui yuvɨreko ko ɨvɨ pɨpe. Egwë ya'e aveira yande, ndayaroyaise ɨva sui oñe'ëse yandeu.

Santiago 3:13

Akoi oimese pe pa'üve yarakwa va'e oyapɨsaka va'e avei, tomboyekwa katu gweko katuprɨsa, gweko mbegwesa avei omba'ekwa tuprɨsa pɨpe.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

Apocalipsis 19:10

Ipare añenopɨ'ä mbigwai ɨva pendar rovai imboetei agwä, a'e rumo aipo e'iño cheu: “Egwë erei rene, esepia che mbigwai ɨva pendar Tüpä suindar aiko, nde nungar iyavei nde rɨvrɨ eta nungar ogwata va'e Jesús ñe'ëngagwer rupi. Emboetei katu Tüpä eiko.” Esepia ni'ä evokoi Jesús ñe'ëngagwer omogere'ɨ̇ katu ite Tüpä ñe'ë mombe'usar sereko.