Efesios 5:11 - Tüpä Ñe'ëngagwer

¹¹ Peyepepɨ opakatu pɨ̇tümimbisa nungar ava rembiapoai egwë e'i tëi va'e sui; iya peikwa uka voira ko nungar mba'e.

Tũpa Ñehengagüer

¹¹ Peyepepɨ ité opacatu pɨ̃tumimbisa nungar ava rembiapo ai, ẽgüe ehi tẽi vahe sui. Iya peicua uca voira co nungar mbahe.

Efesios 5:11 Iomraidhean Croise

San Mateo 18:15

“Akoi nde rɨvrɨ oyapose mba'e tëi ndeu, eñe'ë sese nde ae ipare eikwa uka mba'e sembiapokwer chupe. Vɨroyase a'e nde ñe'ë, a'ese nde ereyapo ite mba'e avɨye va'e nde rɨvrɨ upe.

San Lucas 3:19

Ipare rumo Juan oñe'ëgäta mborerekwar Herodes upe, esepia ni'ä sekoi Herodías rese, a'e kuña tɨvrɨ rembireko, iyavei seta ambuae mba'e naporäi va'e sembiapo;

Los Hechos 26:18

Oromondora chupe yuvɨreko ipɨ'a ñemoñeta tuprɨ agwä iyavei ndogwata iri va'erä pɨ̇tümimbisa va'e nungar rupi; a'e ogwata va'erä tesapesa rupi yuvɨreko; ipɨpe sui toyuvɨreko iri eme Karugwar povrɨve, togwata katu Tüpä rupi; egwë te'i che reroya yuvɨreko a'ese oipɨsɨra ñeröisa oangaipa rese iyavei oipɨsɨra Tüpä porerekosa opakatu che rembipe'a.’ ”

Romanos 13:12

Supiete osupitɨ senimi arɨ yandeu, sese iyakatu yapoi pɨ̇tümimbi va'e nungar mba'e-mba'e tëi aposa sui mba'e ikatuprɨ va'e pɨpe yande reko agwä; evokoiyase tayaiko sundao oyoepɨsa omonde va'e nungar pɨpe.

Romanos 16:17

Che rɨvrɨ eta, peikwa katu pe pa'ü pendar oporomboya'o pota serai va'e sui oime ava egwë e'i va'e oitɨ uka va'e ava mba'e tëi pɨpe, esepia a'e nda'ei ete ko ñe'ësa pe yembo'esa rupi yuvɨrekoi. Sese evokoi nungar ava sui peyepepɨño itera,

Romanos 6:21

evokoiyase ¿mba'e avɨye va'e vo penose ichui? Kurïtëi rumo pëchi tëi ichui, a'e ni'ä ndape pɨtɨ̇vɨï ete pe rekokwer rese, iyavei pe reraso pota manosave.

Gálatas 6:8

Akoi ava oyapo va'e mba'e gwemimbotarai pɨpe, a'e oipɨsɨra kañɨsa apɨre'ɨ̇ va'e. Akoi oyapo va'e mba'e Espíritu remimbotar rupi, a'e oipɨsɨra tekovesa apɨre'ɨ̇ va'e yuvɨreko.

Efesios 4:22

Sese, pesekuñaröra perekokwerai yɨpɨndar pereko va'e iyavei pepoira yɨpɨndar perekokwerai sui, esepia opa pe pɨ'a ñemoñeta rerova pe mba'e potaraisa.

Efesios 5:12

Esepia a'e sembiapo yemochisa ñomiprɨ tëi vɨreko yuvɨreko;

Efesios 5:7

Sese ndapeyemboyai chira evokoi nungar ava rese.

Colosenses 1:12

avɨye ndeu peyera pe vɨ'aretesa pɨpe yande Ru Tüpä upe, esepia a'e omoigätu pe rekokwer peipɨsɨ agwä iporerekosa oime va'erä opakatu sembiporavo upe akoi yuvɨrekoi va'e Tüpä poroesapesa pɨpe.

1 Tesalonicenses 5:7

Akoi yuvɨroke va'e, yuvɨroke pɨ̇tü pɨpe, iyavei osavaɨpo va'e, osavaɨpo avei pɨ̇tü pɨpe yuvɨreko;

2 Tesalonicenses 3:14

Akoi oimese ndovɨroyai va'e ore remimombe'u ko kwachiar pɨpe, peikwa tuprɨ evokoi nungar, peyemboyai rene sese, ipɨpe sui tochï a'e oiko.

2 Tesalonicenses 3:6

Che rɨvrɨ eta, pekwaisa yande Yar Jesucristo rer pɨpe, akoi ndoporavɨkɨ potai va'e yande rɨvrɨ pe pa'üve peyepepɨño ichui, akoi ndovɨroya potai va'e avei ore porombo'esa oromombe'u va'e peü.

1 Timoteo 5:20

Akoi oimese rumo angaipa aposar ipa'üve, a'ese eremboarakwara opakatu ava rovake, evokoiyase ambuae osɨkɨyera angaipa apoe'ɨ̇ agwä yuvɨreko.

1 Timoteo 5:22

Nde pɨ'a ñemoñeta tuprɨ ranera eresenoi va'erä mbɨa mborokwaita rese i'añeko agwä, avɨyeteramo nde rese päve mba'e oimerä. Eñearö tuprɨ nde reko maräne'ɨ̇sa pɨpe.

1 Timoteo 6:5

iyavei iporoakasa ndopai va'e ava yarakwarai va'e pa'üve, ndoikwai rumo mba'e supi tuprɨ va'e yuvɨreko, ipɨ'añemoñeta Tüpä rese oma'endu'asa pɨpe mba'e rereko atɨ agwä yuvɨreko viña.

2 Timoteo 3:5

A'e inungar-ra Tüpä rese ite yuvɨrekoi va'e viña. Tüpä pirätäsa rumo nomboyekwai chietera gwembiapo pɨpe yuvɨreko oyese. Sese nde, eyepepɨño evokoi nungar ava sui.

2 Timoteo 4:2

emombe'u Tüpä ñe'ëngagwer arɨ rupi, esekuñarö avei ava rekokwer. Eporomboarakwa, eporomongere'ɨ̇ tuprɨ avei opakatu nde rekoasɨ e'ɨ̇sa pɨpe.

Tito 2:15

Evokoi rese erembo'era, eremongere'ɨ̇ra eremboarakwa aveira opakatu nde porokwaita pɨpe. Sese tipo eme nde reroɨrösar.

Apocalipsis 18:4

Ipare asendu ambuae ñe'ësa ɨva sui ou va'e, a'e aipo e'i: “Peyepepɨ evokoi tekwa gwasu sui, esepia peiko va'e cheundar, pemoyoya e'ɨ̇ agwä yangaipa gwer rese yuvɨreko iyavei ñepëi yepe taperupitɨ eme imba'erasɨsa;