Efesios 5:10 - Tüpä Ñe'ëngagwer

¹⁰ Sese peyembo'e katu mba'e yande Yar pɨ'a rupindar apo agwä rese.

Tũpa Ñehengagüer

¹⁰ Sese peyembohe catu mbahe Tũpa pɨha rupindar apo ãgua rese.

Efesios 5:10 Iomraidhean Croise

Romanos 14:18

Egwë ya'ese Cristo mboeteisave, avɨye aira Tüpä upe opakatu ava rembiepiave aveino.

Filipenses 1:10

ipɨpe sui peikwara mba'e avɨye katu va'e poravo agwä yepi. Egwë peye aveira pe rekokwer moatɨrö agwä peiko, evokoiyase ndipoi chira angaipa pe rese akoi Jesucristo ouse kuri,

Filipenses 4:18

Che opa aipɨsɨ pe porerekosa Epafrodito upe pembou va'e, evokoiyase oimeño ite iyavei sumbɨre vɨte cheu. A'e pembou va'e cheu avɨye ite, inungar itaɨsɨ sɨäkwä va'e, iyavei inungar mba'e seropove'ëprɨ avɨye va'e Tüpä upe.

Colosenses 1:10

Ipɨpe sui tapegwata tuprɨ yande Yar rupi seroyasar tuprɨ pe rekosa pɨpe, tapemboavɨye tuprɨ opakatu semimbotar, mba'e pe rembiapo tuprɨ pereko katura sovake, ipɨpe sui avei tapeikwa tuprɨ katu Tüpä rekokwer peiko.

1 Tesalonicenses 5:21

Pesa'äpa rane opakatu mba'e, ichui peipɨsɨra mba'e avɨye va'e peyeupe.

1 Timoteo 2:3

Ko avɨye ite, a'e ni'ä Tüpä oipota yande Pɨsɨrösar,

1 Timoteo 5:4

Akoi oimese imembrɨ anise semiarirö, toyembo'e rane okwaita mboavɨye agwä omu iyavei oyesupa poraɨsusa sereko, esepia a'e ni'ä Tüpä remimbotar.

Hebreos 12:28

Tüpä mborerekwasa ombou va'e yandeu a'e novɨi chietera. Avɨye ndeu ya'era evokoiyase sese chupe, ipɨpe sui yayerure katu yande pɨ'a pɨpe imboeteisave semimbotar rupi.

1 San Pedro 2:20

Akoi pe mombaraɨsuse yuvɨreko mba'e tëi aposa sui, ¿mba'e evokoiyase oipɨsɨra ichui akoi oñemosa va'e chupe? Pe mombaraɨsuse mba'e avɨye va'e aposa pɨpe yuvɨreko, peñemosañose chupe, a'e avɨye katu itera Tüpä upe.

1 San Pedro 2:5

Egwë e'ira pe rereko oyeupe inungar ita ndopai va'e, ipɨpe sui Tüpä omopu'ära otüpärogwä pe rese, iyavei pa'i ndaseko maräi va'e nungar peikora semimbotar rupi, pe evokoiyase Jesucristo rembiapo pɨpe sui peyapora Espíritu upendar mba'e avɨye va'e, a'e inungar mba'e seropove'ëprɨ avɨye va'e Tüpä upe.