Efesios 4:9 - Tüpä Ñe'ëngagwer

⁹ ¿Marä oyavo aipo e'i “oso ɨvave”? Esepia ni'ä yɨpɨndar ogweyɨ ko ɨvɨ pɨpe.

Tũpa Ñehengagüer

⁹ ¿Mara oya aipo ehi: “Oso ɨvave”? Yɨpɨndar ogüeyɨ co ɨvɨ pɨpe.

Efesios 4:9 Iomraidhean Croise

San Mateo 12:40

Esepia inungar Jonás mbosapɨ arɨ iyavei mbosapɨ pɨ̇tü pira gwasu avɨterve sekoi, egwë e'i aveira ava ɨvate katu va'e Ra'ɨrɨ mbosapɨ arɨ iyavei mbosapɨ pɨ̇tü tuira ɨvɨvrɨve.

San Juan 20:17

Jesús aipo e'i chupe: –Ani che mombɨta eve, esepia ndaso vitei ete che Ru pɨri. Eso iyavei emombe'u che reroyasar upe osora Vu pɨri erera yuvɨreko chupe, a'e che Ru pe Ru aveino, che Tüpä pe Tüpä aveino.

San Juan 3:13

“Esepia ndipoi ete ambuae ava ɨvave oyeupi va'e; che gweraño, ava ɨvate katu va'e Ra'ɨrɨ ɨva sui agweyɨ va'e peü.

San Juan 6:33

Esepia ko mboyape ombou va'e Tüpä a'e ogweyɨ va'e ɨva sui ou iyavei omondora tekovesa ɨvɨ pɨpendar upe narä.

San Juan 6:38

Esepia che ndagweyɨi ɨva sui ayapo va'erä mba'e che remimbotar, ayu rumo ayapo va'erä mba'e che Ru remimbotar rupi, a'e ni'ä che mbousar.

San Juan 6:41

Evokoiyase judío eta iñe'ë-ñe'ë tëi Jesús rese yuvɨreko, esepia aipo e'i ete: “Che mboyape aiko agweyɨ va'e ɨva sui.”

San Juan 6:51

Che a'e aiko mboyape oikove va'e ogweyɨ va'e ɨva sui; akoi o'u va'e ko mboyape, a'e oikovera tekovesa apɨre'ɨ̇ pɨpe. Ko mboyape amondo va'erä a'e che rete ite. A'e amondora ava rekokwer ɨvɨ pɨpendar rese.”

San Juan 6:58

Añe'ë mboyape ɨva sui ogweyɨ va'e rese. Ko mboyape nda'ei tembi'u ɨva sui ou va'e pe ramoi eta yuvɨro'u va'e nungar, esepia a'e yuvɨro'u tëi opaño ite rumo omano yuvɨreko. Akoi o'u va'e che retekwer, oikovera apɨre'ɨ̇sa pɨpe ite.

San Juan 6:62

¿Marä peyera pi'ä che repiase peye che, ava ɨvate katu va'e Ra'ɨrɨ ayeupise che reko agwerve vicho viña?

San Juan 8:14

Jesús rumo omboyevɨ chupe: –Che ñe'ë rumo supi va'e ite, yepe cheyese ae añe'ë viña. Esepia che aikwa kesui ayu iyavei ke'asora; evokoiyase, pe rumo ndapeikwai ete.

Hebreos 2:7

Erereko ɨvɨ kotɨ katu mbigwai ɨva pendar sui, ipare rumo eremondo nde porañetesa imboeteisave chupe;

Hebreos 2:9

Yaikwa ni'ä Jesús, a'e Tüpä gwembigwai sui ndaseta aravɨter ɨvɨ kotɨ katu vɨreko, oporoaɨsusa pɨpe oipota imano agwä opakatu ava repɨrä. Kurïtëi rumo Tüpä iyemombaraɨsu pare, omondo oporañetesa imboeteisave chupe.