Efesios 4:5 - Tüpä Ñe'ëngagwer

⁵ Oime ñepëi yande Yar, ñepëi yande yeroyasa, oime avei ñepëi poroapirämosa;

Tũpa Ñehengagüer

⁵ Oime ñepei yande Yar, ñepei yande yeroyasa, oime avei ñepei poroãpiramosa.

Efesios 4:5 Iomraidhean Croise

San Mateo 28:19

Peso ava upe opakatu ɨvɨ rupi, pembo'e avei che rekokwer rupi ete yuvɨrekoi va'erä; peñapirämo avei che Ru rer pɨpe, Che rer pɨpe, Espíritu Maräne'ɨ̇ rer pɨpe aveino,

Los Hechos 10:36

Araka'e Tüpä oñe'ë avei Israel suindar upe, omombe'u ñe'ësa tuprɨ yeamotare'ɨ̇sa resendar Jesucristo rembiaporä sui, a'e opakatu ava ko ɨvɨ pɨpendar yuvɨrekoi va'erä Yar rese.

Los Hechos 2:36

“Toikwapa opakatu tekwa Israel rekwa rupindar yuvɨreko, supiete evokoi Jesús kurusu rese peyatɨka va'ekwer, a'e Tüpä omoingo opakatu yande Yargwä iyavei yande pɨsɨrö agwä.”

Romanos 3:30

supiete oime ñepëiño ite Tüpä: a'e Tüpä akoi oseko mo'ɨ̇vi va'e vɨroyasar, ndoporandui chira imbocircuncidaprɨ rese ani chiaveira ndoipɨsɨi va'e rese!

1 Corintios 1:13

¿Cristo pi'ä kokotɨ-kotɨ tëi ipɨ'añemoñeta oiko? ¿Pablo pi'ä yatɨkasa kurusu rese pe angaipa repɨrä? ¿Anise tie peapirämosa Pablo rer pɨpe?

1 Corintios 12:13

Egwë ya'e avei opakatu, yepe yande pa'üve oime judío, nda'ei va'e judío, mbigwai nda'ei va'e avei mbigwai, yande rumo opakatu ñapirämombrɨ yaiko ñepëi va'e nungar yande reko agwä Espíritu ñepëi va'e pɨpe; a'e ñepëi Espíritu avei opa yaipɨsɨ.

1 Corintios 12:5

Seta avei oime mba'e yayapo va'erä yande Yar upe, a'e yande Yar rumo ñepëiño ite sekoi.

1 Corintios 8:6

yande rumo yaikwa ñepëiño ite Tüpä oime, a'e ni'ä yande Ru opakatu mba'e aposar. Evokoiyase yande chupe narä ite yaiko, oime avei yande Yar ñepëi va'e, a'e Jesucristo ichui oime opakatu mba'e, ichui avei yaikove.

2 Corintios 11:4

Esepia peñemosaño ava oñe'ë va'e peü ambuae Jesús rese ndoyoyai va'e ore remimombe'u rese; ichui peipɨsɨ pe kere'ɨ̇sa pɨpe ambuae Espíritu peipɨsɨ va'ekwer sui, iyavei ambuae ñe'ësa pɨsɨrösa resendar peipɨsɨ avei ndoyoyai va'e ore oromombe'u va'e rese peü.

Gálatas 5:6

Esepia akoi yaikose Cristo Jesús rese, yepe yayembocircuncidase, anise ndayayembocircuncidaise, a'e ndayande pɨtɨ̇vɨï ete yande reko katuprɨ agwä Tüpä rovake. Ko gweraño rumo yande pɨtɨ̇vɨï Jesús rese yande yeroyasa, a'e ni'ä yande mboyeaɨsu uka.

Efesios 4:13

opakatu yaiko tuprɨ rane itera oyese Jesús rese yeroyasa pɨpe iyavei yaikwa tuprɨra Tüpä Ra'ɨrɨ rekokwer, a'ese yaiko tuprɨra yande Cristo rese inungar ava ipɨ'añemoñeta tuprɨ katu va'e, a'ese yasupitɨra Cristo rekokwer.

Filipenses 2:11

ichui toikwa opakatu Jesucristo yande Yar sekoise yande Ru Tüpä mboetei agwä.

Filipenses 3:8

Iyavei evokoi nungar mba'e opakatu aseya kokotɨ che yesui, che Yar Cristo Jesús rekokwer kwasa pɨpe. Cristo rekokwer sui opa ite mba'e amokañɨ, ipɨpe sui opakatu mba'e ɨtɨ nungar tëi cheu aiko va'erä supi

Tito 1:1

Che Pablo, Tüpä rembigwai aiko iyavei Jesucristo ñe'ë mombe'usar semimbou aiko, Tüpä rese yeroyasa mondo agwä sembiporavo eta upe iyavei sese pɨ'a ñemoñetasa supi tuprɨ va'e kwa uka tuprɨ agwä,

Tito 1:4

Nde Tito, nde ni'ä che ra'ɨrɨ ite ereiko sese yande poreroyasa pɨpe esepia oyoya yaroya va'e yaiko. Yande Ru Tüpä yande Pɨsɨrösar Jesucristo tombou oporovasasa nde reko tuprɨ agwä ndeu.

Hebreos 13:7

Peyemoma'endu'a pe rerogwatasar rese, peü Tüpä ñe'ëngagwer mombe'usar rese avei, pepɨ'añemoñeta tuprɨ sekokwer rese seko aprɨ rese avei; Tüpä reroya agwer rupi tuprɨ avei peiko.

Hebreos 6:6

oyepepɨse rumo ichui, ndayaikatu iri seko reroyevɨ iri agwä Tüpä upe, esepia yatɨkaprɨ nungar iri ete vɨreko Tüpä Ra'ɨrɨ iyavei ambuae ava omoñe'ë-ñe'ë tëi iri sese.

Santiago 2:18

Ñepëi ava pe pa'ü pendar aipo e'ira: “Nde erereko ndeporeroyasa, che rumo ayapo mba'e avɨye va'e. Emboyekwa ru nde yeroyasa mba'e nde rembiapo e'ɨ̇ pɨpe; evokoiyase che amboyekwara che yeroyasa oime va'e che rembiapo pɨpe ndeu.”

1 San Pedro 3:21

A'e ɨ osä'angapo ɨ poroapirämosa, a'e omboyekwa yande ipɨsɨröprɨ yande rekosa. Poroapirämosa rumo ɨ pɨpe nda'ei yande rete moatɨrö agwä, ko rumo yaporandura Tüpä upe, yande pɨ'a ñemoñetasa moatɨrö agwä, ipɨpe sui evokoiyase yañepɨsɨröra yande Yar Jesucristo kwerayevɨsa pɨpe,

2 San Pedro 1:1

Che, Simón Pedro, Jesucristo ñe'ë mombe'usar iyavei sembigwai aiko, ko aikwachia che ñe'ë peü narä, peipɨsɨ va'e yande Yar rese pe yeroyasa avɨye va'e inungar ore, esepia yande Yar Tüpä, yande Pɨsɨrösar Jesucristo seko ɨ̇vi va'e yuvɨrekoi.

San Judas 1:20

Pe rumo che rɨvrɨ eta, peyemovɨräkwä pe poreroyasa maräne'ɨ̇ va'e rese. Peyerure Espíritu Maräne'ɨ̇ pe rärösa pɨpe.

San Judas 1:3

Che rɨvrɨ eta che rembiaɨsu, yɨpɨndar che pɨ'a ñemoñeta ite yande pɨsɨrösa resendar kwachia agwä peü viña; ipare rumo che pɨ'a ñemoñeta iri iyaño revo che aikwachia pe yemovɨräkwä tuprɨ katu agwä yembo'esa yaroya va'e rese. A'e yembo'esa yaroya va'e ñepëi reseve imondoprɨ opakatu yandeu.