Efesios 4:32 - Tüpä Ñe'ëngagwer

³² Iya rumo peiko tuprɨ ambuae ava upe pe yeaɨsusa pɨpe, peñeröiño itera peyeupe yepi inungar Tüpä iñeröi Cristo rese peü.

Tũpa Ñehengagüer

³² Iya rumo peico tuprɨ ambuae upe pe yeaɨsusa pɨpe. Peñeroño itera peyeupe yepi inungar Tũpa iñero Guahɨr Cristo rese pẽu.

Efesios 4:32 Iomraidhean Croise

San Mateo 6:12

Iyavei ndeñeröi ore angaipa rese oreu inungar ore oreñeröi ore amotare'ɨ̇mbar upe.

San Marcos 11:25

Iyavei akoi peyerurese, yɨpɨndar peñeröi rane pe amotare'ɨ̇mbar upe, a'ese egwë e'i aveira pe Ru ɨva pendar iñeröira pe angaipa rese peü.

San Lucas 1:78

Esepia yande Ru Tüpä, oporoparaɨsuerekosa pɨpe, ombou poroesapesa ɨva pendar yande reko mbopɨasu agwä,

San Lucas 11:4

Nde ñeröi ore angaipa rese oreu, esepia ore avei ni'ä oreñerö ambuae upe opakatu oreu mba'e-mba'e tëi aposar upe. Ore mbo'a ukai rene eve, angaipa pɨpe.’

San Lucas 17:4

Akoi oyemoangaipa va'e nde rese ñuvɨrïo ova yupagwer ñepëi arɨ pɨpe, ñuvɨrïo ova yupagwer oyevɨ irise imombe'u ndeu: ‘Ndayapo iri chira ko nungar mba'e’, a'ese ndeñeröira chupe.”

San Lucas 6:35

Pe rumo pesaɨsu katura ava pe amotare'ɨ̇sar, iyavei peyapoñora mba'e avɨye va'e chupe, pemondoño aveira mba'e, ndapesäröi chira imboyevɨ agwä. Egwë peyese peipɨsɨra porerekosa tuvicha va'e, iyavei a'ese peikora Tüpä seko ɨvate katu va'e ra'ɨrɨ, a'e avɨye eteprɨ va'e ava nima'endu'ai va'e rese ava naporäi va'e upe avei.

San Lucas 6:37

“Ndiyai oyavɨ ite mba'e peye voiño tëi ambuae ava upe, Tüpä avei oyavɨ mba'e nde'i chira peü. Pemokañɨ uka tëi rene ambuae ava, Tüpä avei ndape mokañɨ tëi chira. Peñeröiño katu, Tüpä avei a'ese iñeröira peü.

Los Hechos 28:2

A'e pendar ava ni'äpɨsɨi ore repiase yuvɨreko; okɨ iteanga so'ɨ̇sa avei, a'ese oyatapɨ gwasu yuvɨreko, ichui oñe'ë oreu oroyemboya va'erä ipɨri.

Romanos 12:10

Peyeaɨsu katu ñepëi-pëi oyeɨvrɨ nungar tuprɨ pe rekosa pɨpe, pe ae peyemboetei rägwer sui pemboetei katura ambuae ava.

1 Corintios 13:4

Akoi ava iporoaɨsu va'e, a'e seko mbegwe tuprɨ, sekokwer avɨyeai ete iyavei ndoporoamotare'ɨ̇i ambuae ava mba'e potasave; che avɨye katu va'e aiko nde'i avei, ndoyeekomboɨvateai ete,

2 Corintios 2:10

Kurïtëi che ñerö avei ava upe peñerö va'ekwer upe. Esepia oimese mba'e rese che ñerö agwä, Cristo rovake egwë a'e pe raɨsusave.

2 Corintios 2:7

Ko suive ite rumo peñeröira chupe, peipɨtɨ̇vɨï aveira, esepia avɨyeteramo ovɨ'are'ɨ̇sa pɨpe oyemokañɨ tëira.

2 Corintios 6:6

Oromboyekwa avei ore reko maräne'ɨ̇sa, ore mba'ekwasa supiete va'e, ore reko mbegwe tuprɨsa, yeaɨsusa orovɨreko aveino, egwë oro'e ite ni'ä Espíritu Maräne'ɨ̇ pirätäsa pɨpe, ore poroaɨsusa supiete va'e pɨpe avei.

Efesios 5:1

Pe ni'ä Tüpä ra'ɨrɨ sembiaɨsu peiko, sese peyemongere'ɨ̇ katu sekokwer moña agwä.

Santiago 5:11

Yande rumo yaikwa sovasaprɨ ava oñemosa va'e mba'e rasɨkwer upe yuvɨreko. Pesendu ni'ä akoi mbɨa Job serer va'e ñemosasa, peikwa avei mba'e avɨye va'e yande Yar oyapose chupe, esepia yande Yar ni'ä oporoparaɨsuereko va'e yepi.

2 San Pedro 1:7

ipare peyeaɨsura peyeɨvrɨ nungar pe rekosa pɨpe; peseka katu aveira ava raɨsu tuprɨ agwä.

1 San Juan 1:9

akoi yamombe'use yande angaipagwer Tüpä upe, a'ese a'e omboura oñeröisa yande angaipa rese yandeu, iyavei omoatɨröra opakatu mba'e-mba'e tëi yandesui. Esepia, a'e seko ɨ̇vi va'e.

1 San Juan 2:12

Che ra'ɨreta, ko aikwachia peü narä, esepia Tüpä iñeröi pe angaipa rese peü Jesucristo rekokwer pɨpe.