Efesios 4:31 - Tüpä Ñe'ëngagwer

³¹ Pepoi pɨ'a vɨräkwäsa sui, mba'e potaraisa sui, ñemoɨrösa sui, pe räse aisa sui, peñe'ë raisa sui, opakatu ambuae mba'e-mba'e tëi sui avei.

Tũpa Ñehengagüer

³¹ Peyepepɨ co nungar mbahe sui: pɨha vɨ̃racuasa, mbahe mboasɨ pĩratasa, ñemoɨrosa, pe rãse aisa, opacatu pe ñehe rai, opacatu ambuae mbahe-mbahe tẽi sui avei.

Efesios 4:31 Iomraidhean Croise

Los Hechos 21:30

Opakatu ava tekwa pɨpendar oñemoɨrö gwasu, iyavei ava yuvɨnoña gwasu yugweru Pablo pɨsɨ agwä. Ipare ombotɨrɨrɨ senose tüpäro pɨpe sui yuvɨreko, omboya voi gwakɨkwei tüpäro rokenda yuvɨreko.

Romanos 3:14

ipɨpe oñe'ërai opɨ'avɨräkwä pɨpe yuvɨreko.

1 Corintios 14:20

Che rɨvrɨ eta, pepɨ'añemoñeta eme chi'ïvä'emi pɨ'añemoñeta nungar pɨpe. Iyakatu rumo peikora kwakwa va'e pɨ'añemoñeta nungar pɨpe, peyemochi'ïvä'e katuñora rumo peiko mba'e naporäi va'e apoe'ɨ̇ agwä.

1 Corintios 5:8

Sese iya yamboeteira yande pieta Pascua yaiko inungar mboyape ndayapepoi va'e iyavei mba'e supi tuprɨ va'e rese, nda'ei chiaveira yamboetei mboyape mboapeposa kwakwa va'e nungar pɨpe tëi ani chiaveira porombopasa tekokwer naporäi va'e pɨpe.

2 Corintios 12:20

Che asɨkɨye asose eipeve pe repia, avɨyeteramo nda'ei chira che pɨ'a rupi pe rekokwer, iyavei pe avɨyeteramo egwë peye aveira che repiase. Che asɨkɨye ite, oime revo pe pa'üve yepoepɨ-epɨsa, pe pɨ'añemoñeta raisa ava mba'e pota raisa pɨpe, pe ñemoɨrösa peyeupe. Iyavei avɨyeteramo oimerä pe pa'üve ava oyeupeño tëi mba'e oipota va'e, ima'echiröiai va'e iyavei oñe'ë-ñe'ë tëi va'e ambuae ava rese, seko ɨvateai va'e iyavei ndiporeroyai va'e.

Gálatas 5:20

mba'e ra'anga upe yerure tëisa, yembopayesa, ñeroɨrösa, ñe'ëpoepɨ-epɨsa iyavei ambuae ava mba'e pota raisa; ñemoɨrö seraisa, yemboya'o-ya'osa, pɨ'añemoñeta yoyae'ɨ̇sa.

Efesios 4:22

Sese, pesekuñaröra perekokwerai yɨpɨndar pereko va'e iyavei pepoira yɨpɨndar perekokwerai sui, esepia opa pe pɨ'a ñemoñeta rerova pe mba'e potaraisa.

Efesios 4:25

Sese ndaperemirä iri chira, iya rumo peñe'ë ñepëi-pëi mba'e supi tuprɨ va'e rese peyeupe, esepia ni'ä yande opakatu ñepëi ava rete resendar nungar yaiko.

Efesios 4:26

Peyemboangaipai rene peñemoɨröse, iyavei ndiyai peñemoɨrö arɨ momba tuprɨ peiko.

Colosenses 3:19

Pe aveino imer pesaɨsu pe rembireko, perekoi rene pɨ'a vɨräkwäsa pɨpe.

Colosenses 3:8

Kurïtëi rumo peseya opakatu ko mba'e-mba'e tëi: pe ñemoɨrösa, pe poroyukai aisa, pe reko raisa, peñe'ë marä-marä tëisa iyavei peñe'ë sa ndayamombe'ui va'e.

1 Timoteo 3:11

Iyavei sembireko yuvɨrekoira oporomboeteisa pɨpe, nima'echiröi chira, osärö tuprɨra gwekokwer yuvɨreko, imboyeroyaprɨ aveira opakatu mba'e rese yuvɨreko.

1 Timoteo 3:3

iyavei nda'ei chira kagwar tëi, ndosekai chiaveira ovava agwä iyakatu rumo seko mbegwera opakatu ava upe, ndoipotarai chiaveira gwarepochi.

1 Timoteo 5:13

Iyavei oɨ yakatu rupi tëi ogwatase oiko, a'ese vɨrekora oate'ɨ̇sa; iyavei ima'echiröi tëira, oñangareko tëira opakatu rese, omombe'u-mbe'u tëi aveira mba'e naporäi va'e.

2 Timoteo 2:23

Eremboyeroyai rene ñe'ësa porandu-randu tëisa, egwë e'i tëi va'e; ereikwa ni'ä ichui tëi oime yeamotare'ɨ̇sa yepi.

2 Timoteo 3:3

Ndosaɨsui chira oyesuindar, niñeröi chiaveira oyeupe yuvɨreko, iyavei ima'echiröi aira noñemosaï chira mba'e tëi apo agwä yuvɨreko, gweko asɨ pɨpe avei yuvɨrekoira iyavei opakatu mba'e avɨye va'e oyamotare'ɨ̇ra yuvɨreko.

Tito 1:7

Akoi oyapo tuprɨ va'e tekwa pɨpe mba'e a'e yuvɨrekoi Tüpä mba'e rese i'añeko va'e, sese evokoiyase vɨrasora gwekokwer avɨye va'e rupi. Anichira ndasekoporäi yuvɨreko, anichira ndasorɨi oiko; nda'ei chiaveira kagwar tëi, ndivava serai chiaveira, tigwarepochi potarai eme yuvɨreko.

Tito 2:3

Egwë e'i tuprɨ aveira, kuña otɨ̇arö va'e vɨrekora gweko katuprɨsa, ndosavaɨpoi chiaveira. Omboyekwara gwekokwer avɨye va'e

Santiago 1:19

Iyavei che rɨvrɨ eta, che rembiaɨsu, peyemoma'endu'a ko che ñe'ë rese: peyapɨsaka tuprɨ voira ambuae ava ñe'ë rese, mbegwe rupi rumo peñe'ëra chupe iyavei ndapemba'emboasɨ voi tëi chira.

Santiago 3:14

Oimese rumo pe pɨ'ave pe poroamotare'ɨ̇sa mba'e pota raisa pɨpe, iyavei peyeupe narä tëi mba'e peseka, a'ese ndiyai peyembovɨ'a tuprɨ tëi che yarakwa va'e aiko pe yapave, esepia peremirä tëira supiete va'e mba'e rese.

Santiago 4:11

Che rɨvrɨ eta, anichira peñe'ë marä peyeupe. Akoi oñe'ërai va'e iyavei vɨroɨrö va'e ambuae Jesús reroyasar, a'e oñe'ërai tëi aveira mborokwaita rese seroɨrösave. Egwë peyese, evokoiyase seroya e'ɨ̇sa pɨpe peyemboɨvate katura mborokwaita sui viña.

1 San Pedro 2:1

Sese peseya opakatu mba'e naporäi va'e, opakatu porombopasa, pe reko tuprɨ anga'u tëisa, ambuae ava mba'e pota raisa, opakatu ma'echiröi resendar avei.

1 San Juan 3:12

Ndayaikoi chira Caín nungar, a'e karugwar remimbo'e oyuka vɨvrɨ. ¿Ma'erä pi'ä oyuka? Esepia tɨvrɨ oyapo mba'e avɨye va'e, Caín rumo oyapo mba'e naporäi va'e.

1 San Juan 3:15

Opakatu ava ndoyambotai va'e yande rɨvrɨ, a'e iporapichi serai va'e nungar, pe rumo peikwa ava iporapichi serai va'e ndovɨrekoi tekovesa apɨre'ɨ̇ va'e oyese.

Apocalipsis 12:10

Evokoiyase asendu ñe'ësa ipirätä va'e ɨvave aipo e'i: “Kurïtëi oime poropɨsɨrösa, pirätäsa iyavei yande Tüpä mborerekwasa, Poropɨsɨrösar mborerekwasa aveino; esepia ni'ä, imboyepepɨsa ɨva sui akoi oseka-seka va'e yande rɨvrɨ Tüpä reroyasareta pɨ̇tü, arɨ yakatu rupi oseko momarä va'e sereko yande Yar Tüpä rovai.