Efesios 4:30 - Tüpä Ñe'ëngagwer

³⁰ Peyapoi rene mba'e naporäi va'e Tüpä Espíritu Maräne'ɨ̇ mbovɨ'a e'ɨ̇ agwä, esepia ipɨpe sui ni'ä peiko Tüpä upe narä ite, ichui avei peipɨsɨra poropɨsɨrösa ipa va'e.

Tũpa Ñehengagüer

³⁰ Peyapoi rene mbahe Espíritu Santo mbovɨhaẽhɨ ãgua. Ahe niha Tũpa ombou yandeu ‘toicua ava co cheundar oipɨsɨra arɨ ipa vahe pɨpe poropɨ̃sɨrosa ñepei reseve vahe yuvɨreco’ oya.

Efesios 4:30 Iomraidhean Croise

San Marcos 3:5

Evokoiyase Jesús oma'e ava oyese oyere tuprɨ va'e rese vorɨe'ɨ̇save, iyavei ndovɨ'ai ava ndosendukwa katuise yuvɨreko, sese aipo e'i imba'easɨ va'e upe: –Eicho'o nde yɨva. Evokoiyase oicho'o oyɨva, okwera tuprɨ ite.

San Lucas 21:28

Akoi omboɨpɨse evokoi nungar mba'e, peyemongere'ɨ̇ katura iyavei perovaɨva ɨvate kotɨ, esepia a'ese opara pëse mba'e naporäi va'e povrɨ sui.”

San Juan 3:33

Akoi ava vɨroya va'e rumo iñe'ë, oikwa ite Tüpä omombe'use mba'e supi tuprɨ va'e;

Los Hechos 7:51

“Pe rumo–ndapeyapɨsaka potai va'e ite peiko e'i Esteban chupe–oime tëi pe nambi, pe pɨ'a avei, ipɨpe rumo ndapeikwai ete ñe'ësa avɨye va'e. Espíritu Maräne'ɨ̇ amotare'ɨ̇mbar ite peiko yepi. Peramoi nungar tuprɨ avei peiko.

Romanos 8:11

Iyavei akoi Espíritu ombogwerayevɨ va'e Jesús a'e sekoi pe rese, a'e avei akoi ombogwerayevɨ va'e Cristo, omondora tekovesa pɨasu pe retekwer upe narä ipɨpe sui Espíritu Tüpä suindar sekoi pe rese.

Romanos 8:23

Nda'ei rumo a'e gweraño iparaɨsu yuvɨreko, yande avei egwë ya'e, yande yareko ite Espíritu a'e yɨpɨndar va'e yaipɨsɨ va'erä ichui kuri. Yayemombaraɨsu yasärö vɨte yande kere'ɨ̇sa pɨpe Tüpä ra'ɨrɨ ite yande rereko agwä, ipɨpe sui yande retekwer opara sekuñarösa kuri.

1 Corintios 1:30

Tüpä ite ni'ä opa pe mboyemboya Cristo Jesús rese, iyavei Cristo vɨreko uka yande mba'ekwa agwä, yande reko tuprɨ agwä, yande rekokwer rovasa agwä iyavei ndayaiko iri va'erä mba'e-mba'e tëi pɨpe.

1 Corintios 15:54

Iyavei akoi yande rete okañɨ tëi va'erä ndaseko iri chietera rumo kañɨsa pɨpe, iyavei yande rete okañɨ tëi va'erä a'e sekoira ñekuñarösa apɨre'ɨ̇sa pɨpe ite kuri, a'ese imboavɨyesa rane itera Ikwachiaprɨ pɨpe aipo e'i va'e: “Manosa imokañɨsa itera mba'e avɨye tuprɨ va'e pɨpe.

1 Tesalonicenses 5:19

Iyavei ndapemombɨtu'ui chira mba'e Espíritu Maräne'ɨ̇ oyapo pota va'e pe rese.

Hebreos 10:29

Ndapeikwai vo ¿akoi Tüpä Ra'ɨrɨ marä-marä tëi rerekosar suvɨ reroɨrösar avei a'e oipɨsɨra ñemoɨrösa tuvicha katu va'e yuvɨreko, Tüpä Espíritu raɨsusar reroɨrösar avei? Evokoi tuvɨ pɨpe ni'ä imboavɨyesa ñe'ësa yepi, ipɨpe avei ni'ä a'e ava Tüpä rembipe'a yuvɨrekoi.

Hebreos 3:10

Sese añemoɨrö a'e ava upe, iyavei aipo a'e: ‘Kokotɨ tëi yuvɨrogwata opɨ'añemoñetasa rese yepi, ndoikwa potai ete che rekokwer yuvɨreko.’

Hebreos 3:17

¿Uma upe vo akoi Tüpä oñemoɨrö cuarenta aravɨter rupi? Akoi oyemboangaipa va'e omanopa va'e yuvɨreko ɨvɨ iporupɨre'ɨ̇sa rupi.