Efesios 4:29 - Tüpä Ñe'ëngagwer

²⁹ Ndapeñe'ë rai chira, iyakatu rumo peñe'ë tuprɨra ñe'ësa avɨye va'e pɨpe ambuae peñe'ë rendusar mongere'ɨ̇ katu agwä yuvɨreko.

Tũpa Ñehengagüer

²⁹ Ndapeñehe rai chira, iyacatu rumo peñehe tuprɨra ñehesa avɨye vahe pɨpe ambuae pe ñehe rendusar monguerẽhɨ catu ãgua yuvɨreco yande Yar rese.

Efesios 4:29 Iomraidhean Croise

San Mateo 5:16

Pe egwë peye aveira, pemboyekwa ava eta upe pe rekokwer avɨye va'e, ipɨpe sui osepiara mba'e peyapo ikatuprɨ va'e, opakatu tomboetei yuvɨreko yande Ru Tüpä upe ɨva pendar sekoi va'e.”

San Lucas 4:22

Opakatu ava oñe'ë tuprɨño ite Jesús rese iyavei ndoyembovɨ'ai tëi iñe'ë tuprɨai renduse. Oporandu-randu yuvɨreko oyeupe: –¿Nda'ei vo akoi ko José ra'ɨrɨ tëi?

San Juan 1:37

Ñuvɨrïo yuvɨrekoi va'e Juan rupindar a'e osenduse aipo ko ñe'ësa, ichui yuvɨraso voi ete Jesús rupi.

Romanos 14:19

Sese, iya yaseka opakatu mba'e avɨye va'e yande rerogwata agwä yepɨtɨ̇vɨïsa ikatuprɨ va'e rupi.

Romanos 15:2

Opakatu yande yambovɨ'ara ava yande kotɨndar, yayapo aveira mba'e avɨye va'e seko avɨye agwä yuvɨreko.

1 Corintios 14:19

Jesús reroyasar ñemonu'äsave rumo aipota amombe'u va'erä poyandepo rupindar ñe'ësa sendukwa tuprɨ agwä, ambuae ava mbo'e tuprɨ agwä rese, ko ñe'ësa ndikwasai va'e ambuae diez mil ñe'ë rägwer yuvɨrekoi va'e sui.

Efesios 4:12

Egwë e'i ava vɨroyasar mbo'e oyeupe mboravɨkɨ apo agwä, ambuae vɨroyasar movɨräkwä tuprɨ katu agwä avei Cristo rese

Efesios 4:16

Esepia Cristo yande mboya tuprɨ oyese, yande moenda tuprɨ avei yande rereko, egwë e'i a'e yande mboyemboya oyese ñepëi va'e nungar; ñepëi-pëi yaporavɨkɨ tuprɨse, a'ese opakatu yayeroya katu itera, yayemovɨräkwä katu aveira yande yeaɨsusa pɨpe.

Colosenses 4:6

Pe reko avɨye tuprɨsa pɨpe peñe'ëra yepi, iyavei peikwa tuprɨra ñe'ësa mboyevɨ agwä ñepëi-pëi ava upe.

1 Tesalonicenses 5:11

Sese peyemongere'ɨ̇ katu, iyavei peyemovɨräkwä katu vɨte peyeupe inungar ko peyapo peiko.

1 San Pedro 2:12

Pereko tuprɨ pe rekokwer avɨye va'e ava Tüpä ndoikwa vɨtei va'e rovake. Yepe ava remieroɨrö peiko inungar-ra mba'e tëi aposar viña, osepiase rumo pe rembiapo katuprɨ, omboeteira Tüpä yuvɨreko a'e arɨ pɨpe akoi yande Yar oporanduse opakatu ava rekokwer rese kuri.

1 San Pedro 3:1

Egwë peye aveira pe kuña omenda va'e, pemboyeroyara pe mer, esepia amove ndovɨroya vɨtei Tüpä ñe'ëngagwer yuvɨreko, pemboyekwase rumo pe reko tuprɨsa imboeteisa avei chupe, avɨyeteramo a'e avei vɨroyara, yepe ndapeñe'ëi chira chupe viña,

2 San Pedro 2:18

Esepia oñe'ë tuprɨai anga'u tëi ava mongere'ɨ̇ agwä ava pɨ'añemoñeta raisa rupi seroyevɨ agwä, ipɨpe sui ombopa tëi a'e ava seko katuprɨ pota va'e yuvɨreko evokoi nungar mba'e tëi pɨpe iyevɨ iri agwä.