Efesios 4:18 - Tüpä Ñe'ëngagwer

¹⁸ ndoikatui mba'e rendukwa tuprɨ agwä yuvɨreko. Iyavei ndovɨrekoi tekovesa Tüpä suindar oyese, esepia ndoikwai Tüpä ñe'ë opɨ'añemoñeta e'ɨ̇sa pɨpe yuvɨreko.

Tũpa Ñehengagüer

¹⁸ ndoicatui mbahe renducua tuprɨ ãgua iyavei ndovɨrecoi tecovesa Tũpa suindar oyese yuvɨreco. Esepia, ndoicuai Tũpa ñehe opɨhañemoñetaẽhɨsa pɨpe yuvɨreco.

Efesios 4:18 Iomraidhean Croise

San Mateo 13:15

Esepia ava pɨ'a ñemoñetasa ko tekwa pɨpendar naporäi ete, ndayapɨsai ete sendu potae'ɨ̇save ndoyemboesapɨsoi avei sepia potae'ɨ̇save, ndosepia potai mba'e yuvɨreko ndosendu potai avei ñe'ësa avɨye va'e, ndosendukwa potai mba'e ndoyevɨ potai avei yuvɨreko cheu, che nambogwerai va'erä avei.’ ”

San Marcos 3:5

Evokoiyase Jesús oma'e ava oyese oyere tuprɨ va'e rese vorɨe'ɨ̇save, iyavei ndovɨ'ai ava ndosendukwa katuise yuvɨreko, sese aipo e'i imba'easɨ va'e upe: –Eicho'o nde yɨva. Evokoiyase oicho'o oyɨva, okwera tuprɨ ite.

San Juan 12:40

“Tüpä nomboesapɨso iri ete ava nombopɨ'añemoñeta tuprɨ iri avei, ndosepia iri va'erä ite mba'e yuvɨreko ndosendukwa iri va'erä aveino; ndoyevɨ iri va'erä ite cheu, iyavei che nambogwera iri va'erä ite yuvɨreko.”

Los Hechos 17:30

Pe ramoi ndoikwa tuprɨise yuvɨreko araka'e, Tüpä oñemosaño mba'e sembiapo rese chupe, kurïtëi rumo oyokwai opakatu ava ko ɨvɨ pɨpendar tomboasɨ oangaipa, toyevɨ yuvɨreko cheu oya.

Los Hechos 3:17

“Che mu eta, che aikwa akoi peipɨtɨ̇vɨï va'e pe rerekwar Jesús yuka uka agwä pe ikwa tuprɨ e'ɨ̇ pɨpe kwese.

Romanos 1:28

Esepia ndoikwa potai ete Tüpä yuvɨreko, a'e evokoiyase opoi ete ichui toyapoño ayase mba'e ndipotasai va'e gweko raisa pɨpe yuvɨreko oya chupe.

Romanos 11:25

Che rɨvrɨ eta, che aipota peikwa va'erä Tüpä sui mba'e ndikwasai va'e, oyemboɨvateai e'ɨ̇ agwä yuvɨreko: esepia Israel ɨgwar movɨrö kokotɨ tëi ipɨ'a ñemoñeta va'e yuvɨreko, ko rese egwë e'i opakatu yuvɨroikepa rane itera ava nda'ei va'e Israel pendar yuvɨreko.

Romanos 11:7

¿Marä e'i pi'ä evokoiyase? Ko Israel ɨgwar yuvɨrekoi va'e ndoyosɨi ete mba'e oipota va'e yuvɨreko, Tüpä rembiporavo rumo oipɨsɨ ite yuvɨreko. Ambuae ava rumo ipɨ'a ñemoñeta kokotɨ tëiete yuvɨreko,

Romanos 2:19

Peyeroya ite perogwata va'erä ava ndasesapɨsoi va'e, peiko pota avei tesapesa nungar pɨ̇tümimbisa rupi ava yuvɨrogwata va'e upe;

1 Corintios 1:21

Supiete ko ɨvɨ pɨpendar ndoiporui ete omba'ekwasa oikwa va'erä Tüpä yuvɨreko a'e rumo omboyekwa ite omba'ekwasa, Tüpä evokoiyase oipɨsɨröra ñe'ësa avɨye va'e rupi oyese yeroyasar kuri, yepe ko ñe'ësa avɨye va'e ndoyavɨi egwë e'i tëi va'e viña.

1 Corintios 2:8

Ko ɨvɨ pɨpendar ava mborerekwareta rumo ndosendukwai ete ko ñe'ësa yuvɨreko, osendukwase rumo yuvɨreko viña, ndoyatɨka ukai chira yande Yar seko ɨvate, porañete va'e kurusu rese yuvɨreko viña.

2 Corintios 3:14

Egwë e'i a'e ndosendukwa ukai ete ndoyavɨi sovapɨsa vɨte va'e kurïtëi, egwë e'i vɨte oyerokɨse Moisés porokwaita ikwachiaprɨ yɨpɨndar va'e pɨpe yuvɨreko, ñomiprɨ va'e nungar tëi chupe a'e sendukwa e'ɨ̇ pɨpe, esepia Cristo gweraño ite oikatu sovapɨsa nungar rerokwa ichui sendukwa uka agwä.

2 Corintios 4:4

Esepia a'e ndovɨroyai ete yuvɨreko, karugwar rerekwar ko ɨvɨ pɨpendar opa oyarakwa mokañɨ, ndosepiai va'erä tesapesa porañete va'e Cristo resendar yuvɨreko, esepia a'e Tüpä rekokwer mboyekwasar sekoi.

Gálatas 4:8

Yɨpɨndar mba'e ra'anga tüpä anga'u rembigwai tëi peiko Tüpä kwae'ɨ̇ pɨpe.

Efesios 2:1

Pe rumo yɨpɨndar peiko omano va'e nungar ite mba'e-mba'e tëi aposa pɨpe peyemboangaipasa pɨpe avei.

Efesios 2:12

peyemoma'endu'a yɨpɨndar Cristo ndapereko vɨteise peyese, a'ese ipe'aprɨ peiko Israel tekwa gwasu sui, iyavei ndaperekoi ete Tüpä remimombe'ugwer peyese. Pe ɨvɨ pɨpe ndaperekoi ete peporoarösa iyavei ndaperekoi ete Tüpä.

Colosenses 1:21

Yɨpɨndar pe pɨ'añemoñeta raisa pɨpe sui tëi amombrɨ Tüpä sui peiko yamotare'ɨ̇sa pɨpe, mba'e pe rembiapoai rese,

1 Tesalonicenses 4:5

peikoi rene ava Tüpä ndoikwai va'e reko pɨpe pe remimbotar tëi apo agwä.

Hebreos 5:2

A'e pa'i ni'ä oiporara avei teko asɨsa ambuae ava nungar, sese gwekoasɨ e'ɨ̇sa pɨpe oipɨtɨ̇vɨï ava ndayarakwai va'e mba'e oyavɨ va'e avei;

Hebreos 9:7

Imoñuvɨrïosa oɨ pɨpe rumo pa'i ɨvate katu va'eño oike ñepëi reseve ñepëi-pëi aravɨter pɨpe; iyavei gweike yakatu vɨroike mba'e mɨmba ruvɨ vɨropove'ë agwä Tüpä upe oangaipa rese, ava ikwa e'ɨ̇ pɨpe angaipa oyapo va'e repɨrä avei.

Santiago 4:4

¡Pe mbɨa, peyavɨ va'e pe rekokwer! ¿Ndapeikwai vo akoi ava Tüpä kwapare'ɨ̇ mborɨpar tëi yuvɨrekoi va'e, a'e Tüpä amotare'ɨ̇mbar yuvɨrekoi? Egwë e'i ete akoi oipota va'e ko ɨvɨ pɨpendar mba'e-mba'e tëi pɨpe gweko agwä, a'e oyeapo Tüpä amotare'ɨ̇mbar.

1 San Pedro 1:14

Ta'ɨrɨ iporeroya va'e pe rekosa pɨpe ndapeikoi chira mba'e pe remimbotarai pɨpe, akoi pereko va'ekwer peyese Tüpä rekokwer kwae'ɨ̇ vɨteseve.

1 San Juan 2:11

Akoi ndoyambotai va'e omboetasa, a'e pɨ̇tümimbisa pɨpe tëi sekoi, ndoikwai avei kerupi gwekokwer vɨrekora, esepia pɨ̇tümimbi va'e nomboesapɨsoi sereko.