Efesios 4:16 - Tüpä Ñe'ëngagwer

¹⁶ Esepia Cristo yande mboya tuprɨ oyese, yande moenda tuprɨ avei yande rereko, egwë e'i a'e yande mboyemboya oyese ñepëi va'e nungar; ñepëi-pëi yaporavɨkɨ tuprɨse, a'ese opakatu yayeroya katu itera, yayemovɨräkwä katu aveira yande yeaɨsusa pɨpe.

Tũpa Ñehengagüer

¹⁶ Esepia, ahe yande mboya tuprɨ oyese, yande moenda tuprɨ avei yande rereco, ẽgüe ehi ahe yande mboyemboya oyese ñepei vahe nungar. Ñepei-pei yaporavɨquɨ tuprɨse, ahese opacatu yayeroya catu itera, yayemovɨracua catu aveira yande yeaɨsusa pɨpe.

Efesios 4:16 Iomraidhean Croise

San Juan 15:5

“Che ni'ä uva ɨ nungar ite aiko, pe evokoiyase säkä nungar peiko. Akoi sekoi va'e che rese, che avei aiko sese, a'e i'a vai etera o'ä; che pore'ɨ̇ rumo ndapeikatui chietera mba'e apo agwä yepi.

Romanos 12:4

Inungar yande rete ñepëiño ite, sesendar rumo seta, iyavei nda'oyoyai mba'e sembiapo yuvɨreko,

1 Corintios 10:17

Yepe yandereta iteanga yaiko viña, opakatu ite ni'ä ya'u mboyape ñepëi ava sui, ipɨpe sui avei yaiko ñepëi ava nungar yepi.

1 Corintios 13:13

Ko oime mbosapɨ mba'e ndopai va'erä a'e: Tüpä rese yande yeroyasa, mba'e yande remiarö ɨvave oime va'e iyavei yande yeaɨsusa; ko imombosapɨsa rumo avɨye katu va'e ite ambuae sui yandeu, a'e yeaɨsusa yepi.

1 Corintios 8:1

Kurïtëi ambuae mba'e amombe'ura peü mba'e ra'anga upe mba'e mɨmba yukaprɨ seropove'ëprɨ rese. Supiete akoi aipo esa va'e: opakatu yareko yande mba'ekwasa supi va'e ite; mba'ekwasa pɨpe rumo yayeeko mboɨvateai tëi, poroaɨsusa pɨpe rumo yañepɨtɨ̇vɨï katu Cristo reroya tuprɨ agwä.

Gálatas 5:22

Yayapose rumo Espíritu remimbotar, yande evokoiyase yayeaɨsura, yande rorɨvetera, yaikora mba'e tuprɨ pɨpe, yande reko mbegwera, yaporoaɨsura yande reko avɨyesa pɨpe, yamboyekwara yande kwaita mboavɨyesa,

Gálatas 5:6

Esepia akoi yaikose Cristo Jesús rese, yepe yayembocircuncidase, anise ndayayembocircuncidaise, a'e ndayande pɨtɨ̇vɨï ete yande reko katuprɨ agwä Tüpä rovake. Ko gweraño rumo yande pɨtɨ̇vɨï Jesús rese yande yeroyasa, a'e ni'ä yande mboyeaɨsu uka.

Efesios 1:4

Tüpä yande poravo yɨpɨve ite ɨvɨ apoe'ɨ̇ vɨteseve, Cristo rese yaiko va'erä teko maräne'ɨ̇sa pɨpe sovake. Iporoaɨsusa yareko va'erä,

Efesios 3:17

Cristo tasekoi pe pɨ'a pɨpe peporeroyasa rese, iyavei pe poroaɨsusa pɨpe pe yemovɨräkwä katu agwä peyese.

Efesios 3:7

Iyavei che aiko ko ñe'ësa mombe'u agwä, Tüpä oporoaɨsusa pɨpe na e'i che rereko, a'e omboyekwa ite gweko pirätäsa cheu.

Efesios 4:12

Egwë e'i ava vɨroyasar mbo'e oyeupe mboravɨkɨ apo agwä, ambuae vɨroyasar movɨräkwä tuprɨ katu agwä avei Cristo rese

Efesios 4:15

Yande rumo evokoiyase yañe'ëra mba'e supiete va'e rese poroaɨsusa pɨpe, iyavei yaroya katu-katu irira Cristo opakatu yande rekokwer pɨpe, a'e ni'ä yande rerekwar sekoi.

Filipenses 1:9

Che aporandu vɨte Tüpä upe che yeruresa pɨpe, toikwa tuprɨ oarakwasa pɨpe oyeaɨsu katu-katu iri agwä yuvɨreko a'e peü,

Colosenses 2:19

Esepia a'e ndoyuvɨrekoi yande kwaisar Cristo rese, a'e omovɨräkwä va'e opakatu vɨroyasar yepi, evokoiyase a'e omboyemboya tuprɨ oyese, ñepëi va'e nungar vɨreko oyeupe Tüpä remimbotar rupi.

Colosenses 2:2

Toyemongere'ɨ̇ katu, toyemboyoya gwasu oyeaɨsusa pɨpe yuvɨreko viya, iyavei sendukwa tuprɨsa pɨpe toyuvɨrekoi mba'e tuprɨ pɨpe viya opakatu peü, esepia Tüpä sui ndikwasai va'e mba'e peikwa tuprɨra ko mba'e imboyekwapɨ ramo, a'e ni'ä Cristo sekoi;

1 Tesalonicenses 1:3

Pe ni'ä yande Yar rese pe yeroya tuprɨsa pɨpe peporavɨkɨño yepi, iyavei pe poroaɨsusa pɨpe peyapo mba'e Tüpä upe, iyavei peñemosaño mba'e tëi upe Jesucristo rärösa pereko va'e rese. Sese ore ma'endu'a pe rese arɨ yakatu rupi yande Ru Tüpä rovai.

1 Tesalonicenses 2:13

Ko rese, avɨye ndeu oro'e Tüpä upe arɨ yakatu rupi, esepia Tüpä ñe'ëngagwer oromombe'u va'e peü, peipɨsɨ ite ko Tüpä ñe'ë, nda'ei ava tëi ñe'ë. Supiete Tüpä ñe'ë, a'e ni'ä osekuñaröpa ite pe rekokwer peroya pare.

1 Tesalonicenses 3:12

Evokoiyase yande Yar tape movɨräkwä katu, tombou katu avei pe yeaɨsu agwä, iyavei opakatu raɨsu agwä, inungar ore orovɨreko pe raɨsusa.

2 Tesalonicenses 1:3

Che rɨvrɨ eta, avɨye ndeu oro'e itera Tüpä upe pe rekokwer rese yepi, esepia Tüpä rese pe yeroyasa tuvicha-vicha iri avei, pe yeaɨsusa opakatu peyeupe pereko va'e.

1 Timoteo 1:5

Sese ko amondo porokwaita ndeu yande yeaɨsu agwä yande pɨ'añemoñeta katuprɨsa pɨpe, yande reko yapɨsaka tuprɨsave, iyavei yande yeroyasa supiete va'e pɨpe.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Juan 4:16

Egwë ya'e ikwa, seroya tuprɨ agwä ko Tüpä yande raɨsusa. Tüpä ni'ä yeaɨsusa, akoi vɨreko va'e oporoaɨsusa, sekoi Tüpä rese, Tüpä avei sekoi sese.