Efesios 4:15 - Tüpä Ñe'ëngagwer

¹⁵ Yande rumo evokoiyase yañe'ëra mba'e supiete va'e rese poroaɨsusa pɨpe, iyavei yaroya katu-katu irira Cristo opakatu yande rekokwer pɨpe, a'e ni'ä yande rerekwar sekoi.

Tũpa Ñehengagüer

¹⁵ Yande rumo evocoiyase yañehera mbahe supi eté vahe rese poroaɨsusa pɨpe iyavei yaroya catu-catu irira Cristo opacatu yande recocuer pɨpe. Ahe niha yande rerecuar secoi.

Efesios 4:15 Iomraidhean Croise

San Juan 1:47

Osepiase Jesús oyemboyase Natanael sese, aipo e'i: –Ko mbɨa sekoi Israel ɨgwar ite, ndoporombopai va'e.

Romanos 12:9

Iyavei peyeaɨsu tuprɨra peiko. Ndapesepiai chira rumo mba'e naporäi va'e iya rumo peikora mba'e avɨye va'e pɨpe.

1 Corintios 11:3

Che rumo aikwa uka tuprɨ pota peü, Cristo ni'ä sekoi ñepëi-pëi kuimba'e kwaisar, kuimba'e evokoiyase gwembireko kwaisar sekoi. Egwë e'i avei Tüpä Gwa'ɨrɨ Cristo upe.

2 Corintios 4:2

Ore rumo oroseyapa opakatu mba'e tëi ore chïaisa, ndoromboyekwai va'e avei ore pɨ'a pɨpe sui; ndoroporombopa-mbopa tëi iyavei Tüpä ñe'ëngagwer ndorosekuñaröi ete. Ore rumo oroñe'ë tuprɨ mba'e supi tuprɨ va'e rese gweraño, egwë oro'e opakatu ava upe Tüpä rovai supiete katu te'i yuvɨreko opɨ'a pɨpe ore yapave.

2 Corintios 8:8

Nda'ei pe kwaisa pɨpe aipo a'e peü; che rumo aipota peikwa va'erä ambuae ava rembiapo okere'ɨ̇sa pɨpe oyapo va'e yuvɨreko, sese ni'ä peikwara supiete pi'ä pereko poroaɨsusa.

Efesios 1:22

Opakatu mba'e omondo Gwa'ɨrɨ Cristo povrɨve, Cristo upe avei omondo opakatu ava vɨroyasar rerekwar agwä.

Efesios 1:4

Tüpä yande poravo yɨpɨve ite ɨvɨ apoe'ɨ̇ vɨteseve, Cristo rese yaiko va'erä teko maräne'ɨ̇sa pɨpe sovake. Iporoaɨsusa yareko va'erä,

Efesios 2:21

Ichui Cristo opa yande mboyese'a oyese, inungar oɨ imopü'ambrɨ oyeupi katu-katu iri va'e tüpärogwä, egwë ya'e ipe'aprɨ yaiko yande Yar upe narä sese ite yande reko agwä.

Efesios 4:25

Sese ndaperemirä iri chira, iya rumo peñe'ë ñepëi-pëi mba'e supi tuprɨ va'e rese peyeupe, esepia ni'ä yande opakatu ñepëi ava rete resendar nungar yaiko.

Efesios 5:23

Esepia imer gwembireko kwai agwä sekoi, egwë e'i avei ni'ä Cristo vɨroyasar kwai agwä oiko, vɨroyasar pɨsɨrösar avei sekoi, inungar gwetekwer sereko.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Pedro 2:2

Inungar pitanimi okwakwa agwä oipota kambɨ; egwë peye aveira pe kere'ɨ̇sa pɨpe Tüpä ñe'ëngagwer rese pe yembo'e katu iri agwä, peiko va'erä avei poropɨsɨrösa pɨpe,

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.

1 San Juan 3:18

Che ra'ɨreta, yande poroaɨsusa rumo nda'ei chira yande ñe'ë pɨpe tëi, iyakatu rumo yamboyekwara yande poropɨtɨ̇vɨïsa pɨpe.