Efesios 4:14 - Tüpä Ñe'ëngagwer

¹⁴ Evokoiyase nda'e iri chira chi'ïvä'emi nungar yaiko ova-ova tëi va'e inungar ɨvɨtu yande reraso va'e oyeupi ndayayembopa uka iri chira ava kokotɨ tëi oporombo'e va'e upe, iyavei yande rerova pota va'e upe mba'e tëi pɨpe.

Tũpa Ñehengagüer

¹⁴ Evocoiyase ndahe iri chira chĩhivahe tẽi nungar ova-ova tẽi vahe yaico inungar-ra que ɨvɨtu yande reraso vahe oyeupi. Ndayayembopa uca iri chira ava co cotɨ tẽi oporombohe vahe upe, que yande rerova pota vahe upe mbahe tẽi pɨpe.

Efesios 4:14 Iomraidhean Croise

San Mateo 11:7

Opase yuvɨraso ichui, Jesús omboɨpɨ oñe'ë ava upe Juan rekokwer rese, aipo e'i chupe: “¿Mba'evo pesepia ɨvɨ ava pore'ɨ̇sa rupi pesose? ¿Inungar ɨvɨtu ombovava-vava kapi'iata imö'a?

San Mateo 24:11

Seta aveira Tüpä ñe'ë mombe'usar anga'u tëi va'e, iyavei seta ombopa ava yuvɨreko no.

San Mateo 24:24

Esepia yugwerura nda'ei va'e Poropɨsɨrösar nda'ei va'e avei Tüpä ñe'ë mombe'usar; ipare oyapora poromondɨisa gweko pirätäsa mboyekwa agwä yuvɨreko oporombopa agwä, egwë e'i aveira Tüpä rembiporavo upe yuvɨreko.

Los Hechos 23:21

Ndereroyai chira a'e iporandusa yuvɨreko, esepia cuarenta sui seta katu ava oketɨrö va'e yuvɨreko sese, opɨta avei mba'e-mba'e tëi apo agwä yuvɨreko ndoyuvɨrokarui chira ndoyuvɨroɨ'ui chiaveira ndoyukaise Pablo yuvɨreko; kurïtëi rumo oyemoigätu ite, nde porokwaita tëi osärö vɨte yuvɨreko.

1 Corintios 12:2

Pe ni'ä kurïtëi peikwa tuprɨ ite yɨpɨndar Tüpä rese peiko e'ɨ̇ vɨtese, peyembopa uka mba'e ra'anga egwë e'i tëi noñe'ëi va'e upe peiko.

1 Corintios 14:20

Che rɨvrɨ eta, pepɨ'añemoñeta eme chi'ïvä'emi pɨ'añemoñeta nungar pɨpe. Iyakatu rumo peikora kwakwa va'e pɨ'añemoñeta nungar pɨpe, peyemochi'ïvä'e katuñora rumo peiko mba'e naporäi va'e apoe'ɨ̇ agwä.

1 Corintios 3:19

Esepia ava yarakwa vai va'e ko ɨvɨ pɨpe a'e Tüpä upe egwë e'i tëi va'e. Inungar Ikwachiaprɨ pɨpe aipo e'i: “Tüpä opa ite osekopɨ ava imba'ekwa vai va'e mba'ekwasa pɨpe.”

2 Corintios 2:17

Ore rumo nda'ei seta ambuae ava nungar tëi oroiko, esepia oromombe'use Tüpä ñe'ëngagwer, nda'ei mba'e pɨsɨ agwä tëi rese egwë oro'e, ore rumo ore pɨ'añemoñeta tuprɨsa pɨpe oromombe'u ko ñe'ësa Tüpä rovake Cristo rese ore rekosa pɨpe, esepia ni'ä ore semimondo oroiko.

2 Corintios 4:2

Ore rumo oroseyapa opakatu mba'e tëi ore chïaisa, ndoromboyekwai va'e avei ore pɨ'a pɨpe sui; ndoroporombopa-mbopa tëi iyavei Tüpä ñe'ëngagwer ndorosekuñaröi ete. Ore rumo oroñe'ë tuprɨ mba'e supi tuprɨ va'e rese gweraño, egwë oro'e opakatu ava upe Tüpä rovai supiete katu te'i yuvɨreko opɨ'a pɨpe ore yapave.

Gálatas 3:1

¡Ndapemba'ekwai ete pe Galacia pendar! ¿Pe ndoyavɨi ipaye va'e remimbopa peiko? Oromombe'u tuprɨ ni'ä pe rovai ete akoi Jesucristo kurusu rese yatɨka agwer peü.

Efesios 6:11

Peñearö tuprɨ katu Tüpä pirätäsa pɨpe pe yemovɨräkwä agwä Karugwar pe mbopa tëi e'ɨ̇ agwä.

1 Timoteo 3:6

Tüpä reroyasar rärösar rumo nda'ei chira oipɨsɨ ramo va'e Tüpä opɨ'a pɨpe, esepia avɨyeteramo oyemboɨvateai tiëtera, ipɨpe sui imokañɨprɨ avei sekoira karugwar nungar.

2 Timoteo 1:15

Ereikwa ni'ä ko ava opakatu Asia ɨvɨ rupindar oyepepɨño yuvɨreko che sui; ipa'üve yuvɨrekoi mbɨa ñuvɨrïo, a'e serer Figelo iyavei Hermógenes.

2 Timoteo 3:13

ava sekokwer naporäi va'e rumo, iporombopa serai va'e avei ombouvicha katura gwekokwerai, oporombopa-mbopa tëira yuvɨreko, iporombopasa pɨpe rumo ambuae omboyevɨra chupe.

2 Timoteo 4:3

Esepia koiye ava ndosendu pota iri chira porombo'esa avɨye va'e yuvɨreko; a'ese gwemimbotar tëi osekara ombo'e agwä, gwemimbotar tëi avei omombe'u ukara oyeupe yuvɨreko.

Hebreos 13:9

Peyembopa ukai rene yembo'esa kokotɨ tëi va'e upe. Avɨye katu yayemomirätä Tüpä poroaɨsusa rese mborokwaita tembi'u resendar sui; esepia ko nungar mba'e ndovɨreko ukai mba'e avɨye va'e o'usar upe.

Santiago 1:6

Iyakatu rumo evokoi ava oporandura Tüpä upe sese oyeroya pɨpe, nda'ei chira opɨ'añemoñeta rerova-rova tëisa pɨpe; esepia akoi ava ipɨ'a ñemoñeta kokotɨ-kotɨ va'e, a'e inungar paragwasu pɨpe ɨvɨtu ombo'ɨtu-ɨtu tëi va'e ɨ sereko.

Santiago 3:4

Inungar tuprɨ avei ɨarusu, yepe tuvicha iyavei yepe ɨvɨtu omoañɨi opirätägwer pɨpe viña, serovasa ra'ɨmi pɨpe rumo serogwatasar omo'ɨ̇vi-ɨ̇viño seraso gwemimbotar rupi.

2 San Pedro 2:18

Esepia oñe'ë tuprɨai anga'u tëi ava mongere'ɨ̇ agwä ava pɨ'añemoñeta raisa rupi seroyevɨ agwä, ipɨpe sui ombopa tëi a'e ava seko katuprɨ pota va'e yuvɨreko evokoi nungar mba'e tëi pɨpe iyevɨ iri agwä.

1 San Juan 2:19

A'e oyepepɨ yande pa'ü sui; nda'ei ete rumo yande rɨvrɨ yuvɨrekoi, esepia akoi yande rupindar ite yuvɨrekoise, a'ese opɨtara yande pɨri yuvɨreko viña. Egwë e'i oyekwa nda'eise opakatu yande rupindar yuvɨreko.

1 San Juan 2:26

Sese ko ava pembopa pota va'e resendar aikwachia peü.

1 San Juan 4:1

Che rɨvrɨ eta, anichira peroya opakatu Tüpä espíritu pɨpe añe'ë e'i va'e yuvɨreko, iyakatu rumo pe sekoa'ä ranera, supiete pi'ä espíritu Tüpä suindar ite egwë e'i pɨ'a pɨpe. Esepia setavai oporombo'e anga'u tëi va'e ogwata opakatu ɨvɨ rupi yuvɨreko.

San Judas 1:12

Pe poromochi gwasu pieta avɨye va'e save peyapo mba'e pemboetei va'esave, a'eve okaru oɨ'u ovɨ'asave ndoyuvɨnochi ete yuvɨreko. Evokoi ovesa rärösar oyese tëi i'añeko va'e yuvɨreko. Inungar ɨva kɨ'a ndovɨrekoi va'e ɨ, ɨvɨtu remimombo tëi. Inungar ɨvɨra ndi'ai va'e o'asa rupi, ñuvɨrïo rupi ipiru va'e evokoiyase a'e sapo'oprɨ.

Apocalipsis 19:20

Ko mba'e ɨpɨ vai yɨpɨndar va'e sokendasa, oyoya evokoi Tüpä ñe'ë mombe'usar anga'u tëi va'e rese, a'e akoi oyapo va'e mba'e yavairai va'e yɨpɨndar mba'e ɨpɨ vai rovake. Evokoi mba'e yavairai va'e apo pɨpe ombopa-mbopa tëi ava, akoi seroyasar vɨreko va'e mba'e ɨpɨ vai rer oyese iyavei omboetei va'e sa'anga yuvɨreko. Evokoiyase ko mba'e ɨpɨ vai iyavei Tüpä ñe'ë mombe'usar anga'u tëi, opa imombosa sekove reseve ɨpa azufre okai va'e pɨpe yuvɨreko.