Efesios 4:12 - Tüpä Ñe'ëngagwer

¹² Egwë e'i ava vɨroyasar mbo'e oyeupe mboravɨkɨ apo agwä, ambuae vɨroyasar movɨräkwä tuprɨ katu agwä avei Cristo rese

Tũpa Ñehengagüer

¹² Ẽgüe ehi ava vɨroyasar mbohe oyeupe mboravɨquɨ apo ambuae vɨroyasar movɨracua tuprɨ catu ãgua.

Efesios 4:12 Iomraidhean Croise

San Lucas 22:32

che rumo ayerure nde rese, ipane e'ɨ̇ agwä nde pɨ'a ñemoñetasa. Iyavei nde, ereyevɨse cheu, eipɨtɨ̇vɨï katu nde rɨvrɨ eta imovɨräkwä agwä yuvɨreko oyese.

Los Hechos 1:17

Judas sekoi va'e yande pa'üve ko mboravɨkɨsa rese yande pɨtɨ̇vɨï agwä avei viña.”

Los Hechos 1:25

eremondo va'erä ikwaitarä Jesús ñe'ë mombe'usar seko agwä Judas rekuñarä, a'e oangaipa pɨpe oyemokañɨ uka tëi va'e oiko, e'i Tüpä upe yuvɨreko.

Los Hechos 11:23

Oyepotase a'eve, Bernabé osepia Tüpä sovasase, a'ese oyembovɨ'arete katu. Ichui omboarakwa opakatu yuvɨrekoi va'erä pɨ'a ñemoñetasa avɨye va'e yande Yar rese.

Los Hechos 20:24

Ndacherekate'ɨ̇i rumo cheyese, che mano agwä, che amboavɨye rane itera yande Yar Jesús porokwaita ñe'ësa avɨye va'e mombe'u Tüpä poroaɨsusa resendar vichiko.”

Los Hechos 20:28

Sese peñearö tuprɨ, pesärö avei opakatu Jesús reroyasar, Espíritu Maräne'ɨ̇ porokwaita rupi inungar ovesa rärösar, egwë peye tuprɨra särö a'e Tüpä remimboepɨ yuvɨrekoi, esepia Jesús oipɨyere vuvɨ opakatu ava angaipa repɨrä.

Los Hechos 9:31

Evokoiyase opakatu Jesús reroyasar, yuvɨrekoi va'e Judea rupindar, Galilea rupindar iyavei Samaria rupindar, chupe oime mba'e tuprɨ. Iyavei oyemovɨräkwä tuprɨ katu yuvɨreko yande Yar mboeteisa pɨpe, Espíritu Maräne'ɨ̇ oipɨtɨ̇vɨï iyemboeta katu agwä.

Romanos 12:5

egwë ya'e avei yande, yepe yande retara viña, Cristo rese yayemboyase rumo, ñepëi va'e nungar yaiko, evokoiyase yande ñepëi-pëi opakatu upendar yaiko.

Romanos 12:7

akoi ombouse mba'ekwasa ambuae ava pɨtɨ̇vɨï agwä yandeu, yaipɨtɨ̇vɨï tuprɨ aveira. Akoi oipɨsɨ va'e porombo'esa arakwasa resendar, sese toporombo'e tuprɨ oiko;

Romanos 14:19

Sese, iya yaseka opakatu mba'e avɨye va'e yande rerogwata agwä yepɨtɨ̇vɨïsa ikatuprɨ va'e rupi.

Romanos 15:14

Che rɨvrɨ eta, ayeroya ite pe reko avɨyesa rese, esepia opakatu mba'e peikwapa tuprɨ ite, peikatu avei pe ñepëi-pëi peyeupe pe yemboarakwa agwä;

Romanos 15:2

Opakatu yande yambovɨ'ara ava yande kotɨndar, yayapo aveira mba'e avɨye va'e seko avɨye agwä yuvɨreko.

Romanos 15:29

Che amo'ä voi ete asose eipeve, tuvicha omboura Cristo oporovasasa yandeu.

1 Corintios 12:27

Supiete pe inungar Cristo rete peiko, egwë peye ite ñepëi-pëi chupendar peiko.

1 Corintios 12:7

Tüpä rumo omboyekwa yande Espíritu rerekosa ñepëi-pëi yandeu opakatu yande reko tuprɨ agwä.

1 Corintios 14:12

Pe ni'ä peipota pereko va'erä mba'ekwasa Tüpä Espíritu suindar yepi, sese peporandu katu mba'ekwasa Espíritu suindar rese opakatu Jesús reroyasar pɨtɨ̇vɨï agwä Tüpä rese yuvɨrekoi tuprɨ katu va'erä.

1 Corintios 14:14

Esepia akoi che ayerurese ñe'ësa ndikwasai va'e pɨpe, supiete ayerure che espíritu pɨpe tëi, ipɨpe sui rumo ndasendukwai ete che yeruresa.

1 Corintios 14:26

Che rɨvrɨ eta, peñemonu'äpase, oimera pe pa'ü pendar osapukai pota va'e sapukaisa Tüpä upendar, ambuae evokoiyase oipota ite ava mbo'e yuvɨreko, anise ambuae omombe'u pota ava upe mba'e oyeupe omboyekwa uka va'e Tüpä, ambuae oipota ite oñe'ë ñe'ësa ndikwasai va'e pɨpe, anise ambuae osendukwa uka pota avei ambuae ava upe ñe'ësa ndikwasai va'e. Opakatu rumo ko mba'e yayapora ambuae Jesús reroyasareta seroya katu agwä yuvɨreko.

2 Corintios 12:19

Che rɨvrɨ eta, che rembiaɨsu, pe revo pepɨ'añemoñeta ore oroikwachia ko peü, ore yoepɨ agwä tëi. Egwë ndoro'ei ete rumo, ore rumo Cristo rese ore reko pɨpe oroñe'ë Tüpä rovake. Opakatu ite ni'ä mba'e oroyapo pe rekokwer movɨräkwä katu agwä.

2 Corintios 13:11

Imomba agwä, che rɨvrɨ eta, aipota pevɨ'aretera peiko. Peseka avei pereko tuprɨ katu agwä peyeupe, peyemongere'ɨ̇ katu, oyoya gwasu peiko tuprɨ avei peyese mba'e tuprɨ pɨpe. Evokoiyase Tüpä oporoaɨsusa pɨpe, gweko tuprɨsa pɨpe avei sekoira pe rese.

2 Corintios 13:9

Sese orovɨ'año ite norepirätäise, ore rumo oroipota pe momirätä agwä; iyavei ore oroyerure katuño itera pe rekokwer katuprɨ agwä rese.

2 Corintios 3:8

¡kurïtëi rumo iporañete katu ite ñe'ësa Tüpä remimbotar ipɨasu va'e resendar Espíritu ombou va'e yandeu!

2 Corintios 4:1

Sese ndorekere'ɨ̇ iri ndoro'ei ete, esepia Tüpä ore poravo, ore paraɨsuerekosa pɨpe ore poravɨkɨ agwä ko ñe'ësa rese.

2 Corintios 5:18

Ko opakatu mba'e oime va'e Tüpä rembiapo, a'e Cristo rembiapo sui yande rekokwer moigätu oyeupe narä, ipare oreu avei ombou ko ñe'ësa mombe'u agwä ambuae ava upe sekokwer moigätu agwä avei.

2 Corintios 6:3

Ore ni'ä ndoromboyekwai ore rekoai ava pa'üve, esepia ndoroipotai ava Tüpä upe ore poravɨkɨsa rese iñe'ërai agwä yuvɨreko.

2 Corintios 7:1

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

Efesios 1:23

Supiete yande seroyar yaiko va'e Cristo rese, ichui yaipɨsɨ seko pirätäsa, esepia Cristo vɨreko ite opakatu gweko pirätäsa oyese.

Efesios 4:16

Esepia Cristo yande mboya tuprɨ oyese, yande moenda tuprɨ avei yande rereko, egwë e'i a'e yande mboyemboya oyese ñepëi va'e nungar; ñepëi-pëi yaporavɨkɨ tuprɨse, a'ese opakatu yayeroya katu itera, yayemovɨräkwä katu aveira yande yeaɨsusa pɨpe.

Efesios 4:29

Ndapeñe'ë rai chira, iyakatu rumo peñe'ë tuprɨra ñe'ësa avɨye va'e pɨpe ambuae peñe'ë rendusar mongere'ɨ̇ katu agwä yuvɨreko.

Efesios 4:4

Yaiko ñepëi nungar Cristo rese iyavei yareko ñepëi Espíritu, egwë e'i avei Tüpä yande poravo ñepëi gwarösa rereko agwä.

Colosenses 1:24

Kurïtëi avɨ'a pe rese che yemomborarasa pɨpe, egwë a'e iporara che rete rese ko'ave vichiko, egwë e'i avei Cristo oyemomborara vɨte vɨroyasar rese, esepia yande seroyasar setekwer nungar yaiko.

Colosenses 1:28

Ore ni'ä Cristo rekokwer oromombe'u opakatu ava upe, orombo'e avei ava yarakwa tuprɨ agwä ore arakwasa pɨpe toyuvɨrekoi tuprɨ ite Cristo rese Tüpä rovai ore esa pɨpe.

Colosenses 4:17

Pemombe'u ko Arquipo upe: “Emboavɨye tuprɨ yande Yar nde kwaisa peyera.”

1 Timoteo 1:12

Avɨye ndeu a'e yande Yar Jesucristo upe, a'e ni'ä ombou pirätäsa ko che ñe'ë agwä, esepia a'e oyeroya che rese sese che mondo oñe'ëngagwer mombe'u agwä,

2 Timoteo 4:11

Lucas gweraño sekoi che pɨri. Eseka Marcos ichui eru nde yeupi, esepia avɨyeteramo che pɨtɨ̇vɨïra mboravɨkɨ rese.

2 Timoteo 4:5

Nde rumo ererekoveñora nde arakwa tuprɨsa, eñemosaño mba'e naporäi va'e upe, nde'añeko katu ñe'ësa pɨsɨrösa resendar mombe'u agwä, emboavɨye tuprɨ avei opakatu nde poravɨkɨsa.

Hebreos 13:17

Pemboyeroya pe kwaisar peyapo semimbotar, esepia a'e ndopɨtu'ui ete pe rekokwer rärö yuvɨreko, esepia Tüpä oikwara mba'e sembiapo rese chupe kuri. Sese pemboyeroya katu tayavai eme iporavɨkɨsa chupe, esepia ndapenosei chietera mba'e avɨye va'e egwë e'ise ichui.

Hebreos 6:1

Sese ndiyai yayembo'e yembo'esa yɨpɨndar va'e Cristo resendar a'e avei-vei va'e rese. Iya rumo yagwata katu tenonde inungar ava oikwa katu va'e mba'e. Ipɨpe sui tayaikwa seroyasa pɨpe ambuae mba'e Tüpä suindar ko mba'e rese yembo'e iri rägwer sui, a'e yɨpɨndar va'e ko yande ñekuñarösa, yande rekoai sui yande poisa, manosa apɨre'ɨ̇ va'esave yande reraso e'ɨ̇ agwä, iyavei Tüpä rese yande yeroyasa,