Efesios 4:1 - Tüpä Ñe'ëngagwer

¹ Sese Cristo rekokwer mombe'usa sui che rokendasa pɨpe, peiko tuprɨra pe kwaita rupi Tüpä pe renoisa pɨpe a'e peü.

Tũpa Ñehengagüer

¹ Sese Cristo recocuer mombehusa sui che roquendasa pɨpe, “Peico tuprɨra pe cuaita rupi Tũpa pe renoisa pɨpe” ahe pẽu.

Efesios 4:1 Iomraidhean Croise

Los Hechos 9:31

Evokoiyase opakatu Jesús reroyasar, yuvɨrekoi va'e Judea rupindar, Galilea rupindar iyavei Samaria rupindar, chupe oime mba'e tuprɨ. Iyavei oyemovɨräkwä tuprɨ katu yuvɨreko yande Yar mboeteisa pɨpe, Espíritu Maräne'ɨ̇ oipɨtɨ̇vɨï iyemboeta katu agwä.

Romanos 11:29

Supiete, Tüpä ndovɨroyevɨ iri ete mba'e gwemimondo iyavei ndovɨrova-rova tëi va'e opɨ'añemoñetasa gwembiporavo sui.

Romanos 12:1

Sese che rɨvrɨ eta, che Tüpä poroparaɨsuerekosa pɨpe aipota pe yemondo ite pe rekoveseve chupe narä, inungar mba'e Tüpä upe seropove'ëprɨ ite, a'e avɨye itera chupe. A'e ni'ä pe kwaita pe pɨ'a pɨpe sui ete peyapo va'erä chupe.

1 Corintios 4:16

Sese, che aipota ite che rekokwer moña agwä peye.

2 Corintios 10:1

Che Pablo, añe'ë Cristo poroaɨsusa sekoasɨ e'ɨ̇sa pɨpe avei peü, amove ava pe pa'ü pendar seko mbegwemi tëi yande pa'üve oikose, amombrɨ gwekose rumo oñe'ë pirätä iteanga aipo e'i yuvɨreko cheu viña.

2 Corintios 5:20

Ore evokoiyase Cristo porokwaita rupi oroñe'ë va'e oroiko, inungar Tüpä ite oñe'ëra peü viña. Sese peyevɨ Tüpä upe a'e pe rekokwer moigätura oyeupe narä oro'e Cristo rer pɨpe peü.

2 Corintios 6:1

Ore oroporavɨkɨ va'e Tüpä ñe'ëngagwer rese, sese kurïtëi oromombe'u peü pepoi e'ɨ̇ agwä Tüpä porovasasa omboyekwa va'e sui peü.

Gálatas 4:12

Che rɨvrɨ eta, aipota che rekokwer moña peye: esepia che aiko inungar pe kurïtëi. Ndapeyapoi ete ni'ä mba'e naporäi va'e cheu.

Efesios 2:10

Tüpä ni'ä yande rekokwer mo'ɨ̇vi; a'e yande apo Cristo Jesús rese yande reko agwä, mba'e ikatuprɨ va'e apo agwä avei.

Efesios 3:1

Sese che Pablo, sokendaprɨ aiko ko'ave Cristo Jesús rekokwer mombe'usa sui tëi, nda'ei va'e judío peiko va'e rekokwer avɨye agwä rese egwë a'e.

Efesios 4:17

Ko rese aipo a'e peü, iyavei opokwai yande Yar rer pɨpe: ndapeiko iri chira inungar ava ndoikwai va'e Tüpä yuvɨreko, a'e yuvɨrekoi va'e opɨ'añemoñeta raisa pɨpe tëi

Efesios 4:4

Yaiko ñepëi nungar Cristo rese iyavei yareko ñepëi Espíritu, egwë e'i avei Tüpä yande poravo ñepëi gwarösa rereko agwä.

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Filipenses 1:27

Ko katu toyoya tuprɨ: pe rekokwer ko ñe'ësa avɨye va'e Jesucristo rese. Evokoiyase asose pe repia, anise amombrɨ aikose pe sui, asendu pota pe resendar ñe'ësa avɨye va'e, pe yemovɨräkwäsa resendar, pe pɨ'a ñemoñetasa yoyasa resendar iyavei pe poravɨkɨ pirätäsa resendar pe poreroyasave ko ñe'ësa poropɨsɨrösa rese,

Filipenses 3:14

esepia Tüpä che renoi ɨvave che so agwä aipɨsɨ va'erä iporerekosa ɨva pendar Cristo Jesús rese che rekose.

Colosenses 1:10

Ipɨpe sui tapegwata tuprɨ yande Yar rupi seroyasar tuprɨ pe rekosa pɨpe, tapemboavɨye tuprɨ opakatu semimbotar, mba'e pe rembiapo tuprɨ pereko katura sovake, ipɨpe sui avei tapeikwa tuprɨ katu Tüpä rekokwer peiko.

Colosenses 2:6

Evokoiyase inungar akoi peipɨsɨ Jesucristo pe Yar agwä, egwë peye aveira peiko Cristo rese arɨ yakatu rupi,

Colosenses 4:12

Epafras avei omondo oma'endu'asa peü, a'e pe rekwa pendar ite, Cristo Jesús rembigwai; a'e oyerure va'e pe rese yepi toyemovɨräkwä tuprɨ iyavei toyuvɨrekoi Tüpä remimbotar rupi yuvɨreko oyapave.

1 Tesalonicenses 2:12

iyavei oromondo pe kwaitarä pe reko tuprɨ agwä Tüpä remimbotar rupi. A'e ni'ä oñe'ë peü peiko va'erä sese imborerekwasa porañetesave.

2 Tesalonicenses 1:11

Ko rese oroyerure pe rese yepi, oroporandu yande Ru Tüpä upe tape rereko tuprɨ gwemienoi pe rekosa pɨpe, iyavei tomboavɨye gweko pirätäsa pɨpe opakatu ñepëi-pëi mba'e peyapo pota va'e, iyavei opakatu mba'e pe rembiapo avɨye va'e, sese pe yeroyasa pɨpe.

2 Timoteo 1:9

Tüpä ni'ä yande pɨsɨrö iyavei yande renoi yande reko tuprɨ agwä sese, nda'ei yande rembiapo pɨpe. A'e rumo gwemimbotar rupi yande raɨsu Cristo Jesús rese yande rekose, a'e Tüpä ite yande raɨsu yɨpɨsuive ɨvɨ apo vɨte e'ɨ̇seve.

Tito 2:10

Timonda eme yuvɨreko, iyakatu rumo seroyaprɨ tuprɨ yuvɨrekoira, evokoiyase opakatu osepiase seko tuprɨsa omboeteira yande Pɨsɨrösar Tüpä rekokwer yembo'esa yuvɨreko.

Hebreos 13:21

tombou pe reko mo'ɨ̇visa iyavei pe reko avɨyesa opakatu pe semimbotar apo agwä; iyavei a'e toyapo mba'e opakatu gwemimbotar yande rese Jesucristo rembiapo sui. ¡Egwë te'i imboeteiprɨ apɨre'ɨ̇ tasekoi Cristo yepi! Amén.

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.

1 San Pedro 2:11

Che rɨvrɨ eta, che rembiaɨsu, peiko raimi tëi va'e ko ɨvɨ pɨpe, pepoi opakatu ko ɨvɨ pɨpendar pe pɨ'añemoñeta raisa sui. Esepia pemomarä uka tëi pe rekokwer ipɨpe.

1 San Pedro 3:9

Oyapose ava mba'e tëi peü, anise oñe'ë raise, ndapemboyevɨi chira chupe. Iyakatu rumo mba'e tuprɨsa pɨpe pemboyevɨra chupe, evokoi nungar mba'e apo agwä rese ni'ä Tüpä pe poravo porovasasa pɨsɨ agwä.

1 San Pedro 5:10

Koiye peparaɨsu pare rumo, Tüpä teiete pe reko mo'ɨ̇vi tuprɨra, iyavei pe reko movɨräkwära, pe momirätä aveira pe yepepɨ irie'ɨ̇ agwä ichui. Tüpä ni'ä oporoaɨsusa pɨpe yande poravo oyeupe narä, yande yaso va'erä supi teko orɨ ndopai va'esave yaiko va'erä Jesucristo rese yande rekosa pɨpe.

2 San Pedro 1:3

Tüpä ombou gweko pirätä pɨpe opakatu mba'e ipane va'e yande rekove agwä, sese yande pɨ'añemoñeta katu agwä avei yande sekokwer kwa tuprɨ pɨpe. A'e yande poravo gweko porañetesa pɨpe, gwembiapo porañete va'e pɨpe avei.

2 San Juan 1:5

Iyavei che rɨvrɨ eta, che rembiaɨsu, tayayeaɨsu katu ñepëi-pëi. Ko aikwachia va'e nda'ei porokwaita ipɨasu va'e, a'e ni'ä akoi yɨpɨndar Ikwachiaprɨ peü.