Efesios 3:5 - Tüpä Ñe'ëngagwer

⁵ ko ñe'ësa ikatuprɨ va'e ndoikwai ete ava yuvɨreko araka'e, kurïtëi rumo Tüpä omboyekwa gwembipe'a yuvɨrekoi va'e upe, a'e sembipe'a Jesús ñe'ë mombe'usar, oñe'ë mombe'usar upe avei omboyekwa oyesuindar Espíritu.

Tũpa Ñehengagüer

⁵ Co ñehesa icatuprɨ vahe ndoicuai eté ava yuvɨreco aracahe. Cũritei rumo Tũpa oEspíritu pɨpe omboyecua güembipeha yuvɨrecoi vahe upe. Ahe sembipeha apóstol, iñehe mombehusar avei yuvɨrecoi.

Efesios 3:5 Iomraidhean Croise

San Mateo 13:17

Supiete seta Tüpä ñe'ë mombe'usar iyavei ava seko katuprɨ va'e araka'endar osepia pota tëi mba'e pesepia va'e, ndosepiai ete rumo; iyavei osendu pota tëi ko pesendu va'e, ndosendui ete rumo yuvɨreko.”

San Mateo 20:7

A'e omboyevɨ yuvɨreko chupe: ‘Esepia ndipoi ete tapeporavɨkɨ e'i va'e oreu.’ Evokoiyase aipo e'i chupe: ‘Peso, pe avei tapeporavɨkɨ che uvatɨve.’ ”

San Mateo 23:34

Evokoiyase che amboura peü Tüpä ñe'ë mombe'usar, ava yarakwa va'e imba'ekwa va'e avei. Pe rumo peyukara iyavei peyatɨka ukara ipa'ü pendar yuvɨreko, iyavei ambuae peinuparä oɨ judío ñemonu'äsa rupi sereko iyavei ambuae pesekara tekwa yakatu rupi.

San Lucas 10:24

supiete aipo amombe'u peü oime seta Tüpä ñe'ë mombe'usar iyavei mborerekwar ɨvate katu va'e araka'endar osepia pota tëi mba'e pesepia va'e, ichui rumo ndosepiai ete yuvɨreko; osendu pota tëi ko mba'e pesendu va'e, a'e rumo ndosendui ete yuvɨreko.”

San Lucas 11:49

“Sese, Tüpä omba'ekwasa pɨpe aipo e'i: ‘Amondora che ñe'ë mombe'usar Jesús ñe'ë mombe'usar avei, a'e ipa'ü pendar rumo yukasara ambuae evokoiyase osekatëira yuvɨreko.’

San Juan 14:26

akoi Poropɨtɨ̇vɨïsar, iyavei Espíritu Maräne'ɨ̇ che Ru omboura che rer pɨpe, a'e pe mbo'era opakatu mba'e avɨye va'e rese pe moma'endu'a aveira opakatu che ñe'ëngagwer amombe'u va'ekwer rese.

San Juan 16:13

Akoi ouse Espíritu supi va'e ite, a'e pembo'era opakatu mba'e supiete va'e rese; esepia noñe'ëi chira a'e oyesui tëi, a'e rumo omombe'ura opakatu mba'e senduprɨ gweraño ite, iyavei oikwa ukara mba'e oime va'erä koiye peü.”

Los Hechos 10:28

Pedro aipo e'i ava upe: –Peikwa ni'ä judío porokwaita aipo e'i va'e peikei rene nda'ei va'e judío rëtäve, anichira pemborɨ evokoi ava peiko. Tüpä rumo omombe'u ava remimbotare'ɨ̇ peiko erei rene ambuae ava upe e'i cheu.

Romanos 16:25

Yamboetei Tüpä sereko, a'e ni'ä oikatu pe movɨräkwä ko ñe'ësa ñepɨsɨrösa resendar amombe'u va'e rupi iyavei ko porombo'esa Jesucristo rekokwer resendar rupi avei. A'e oyoya tuprɨ ite Tüpä omboyekwa ramo va'e cheu ko ɨvɨ apoe'ɨ̇ suive mba'e ndikwasai va'e rese,

1 Corintios 2:10

Tüpä rumo oikwa uka ite mba'e Espíritu pɨpe yandeu, esepia Espíritu oikwa tuprɨ ite opakatu mba'e ndikwasai va'e Tüpä suindar oiko.

Efesios 2:20

Pe inungar tüpäro maräne'ɨ̇ imopü'ambrɨ i'ɨvɨpɨrä arɨ pendar peiko; Jesús ñe'ë mombe'usar iyavei Tüpä ñe'ë mombe'usar evokoiyase inungar i'ɨvɨpɨ yuvɨrekoi tüpäro movɨräkwä agwä Jesucristo rumo inungar ita yɨpɨndar va'e imo'ɨ̇visa yandeu.

Efesios 3:9

Iyavei ombou che kwaitarä amombe'u tuprɨ va'erä opakatu ava upe, ko Tüpä pɨ'a ñemoñetasa yɨpɨndar ndikwasai va'e, esepia a'e opakatu mba'e aposar sekoi yɨpɨ suive ite nomombe'ui omba'ekwasa sereko.

2 San Pedro 3:2

Peyemoma'endu'a araka'endar Tüpä ñe'ë mombe'usar seko katuprɨ va'e ñe'ëngagwer rese; yande Yar Poropɨsɨrösar porokwaita rese avei, akoi Jesús ñe'ë mombe'usar pe mbo'e va'ekwer rese yuvɨreko.

San Judas 1:17

Pe rumo che rɨvrɨ eta, peyemoma'endu'a akoi yande Yar Jesucristo ñe'ë mombe'usar ñe'ëngagwer rese