Efesios 3:19 - Tüpä Ñe'ëngagwer

¹⁹ Che aporandu poroaɨsusa peikwa tuprɨ katu agwä rese yepe ndayaikatui ikwapa tuprɨ agwä yaiko viña, ipɨpe sui Tüpä tasekoi pe rese.

Tũpa Ñehengagüer

¹⁹ Che ayeroquɨ ahe poroaɨsusa peicua tuprɨ catu ãgua rese (yepe ndayaicatui icuapa tuprɨ ãgua yaico viña). Ipɨpe sui Tũpa tasecoi pe rese.

Efesios 3:19 Iomraidhean Croise

San Mateo 5:6

Sorɨvete katura ava oyapo va'e mba'e teko katuprɨsa avɨye va'e rese esepia chupe ite imondosara.

San Juan 1:16

Iporovasasa sui opakatu ite ipɨsɨsa ñepëi mba'e ndopai va'e tekokwer upe ambuae sui yepi,

San Juan 17:3

Iyavei ko tekovesa apɨre'ɨ̇ pɨpe yɨpɨndar nde kwa rane itera yuvɨreko, ñepëi Tüpä supiete va'e nderekosa pɨpe, iyavei akoi erembou va'e Jesucristo ko ɨvɨ pɨpe.”

Romanos 8:35

¿Uma pi'ä oikatura yande mboyepepɨ Cristo yande raɨsusa sui? ¿Ke yande paraɨsusa, mba'e yavai va'e yandeu, yande momarä-marä tëisa, tɨepore'ɨ̇, anise yande turukwarä ndipoise, mba'e tëise yandeu, yande yuka potase tie yuvɨreko?

Romanos 8:39

ani chiaveira mba'e ɨva pendar, ani chiaveira ɨvɨkwar ipɨkuku va'e, ani chiaveira ambuae mba'e Tüpä rembiapokwer. ¡Ndipoi chietera yande mboyepepɨ va'e Tüpä poroaɨsusa sui omboyekwa va'e yande Yar Cristo Jesús rekokwer rupi yandeu!

2 Corintios 5:14

Cristo poroaɨsusa sekoi yande rese, esepia supiete a'e omano opakatu ava repɨrä, ipɨpe sui yaikwa opakatu ava okañɨ tëi va'erä yuvɨreko viña.

Gálatas 2:20

sese nda'e iri che ite aikove, esepia Cristo rumo che rese sekoi. Sese ite ayeroya che retekwer pɨpe che rekove agwä, a'e ni'ä oyemondo omano agwä che raɨsupave.

Efesios 1:23

Supiete yande seroyar yaiko va'e Cristo rese, ichui yaipɨsɨ seko pirätäsa, esepia Cristo vɨreko ite opakatu gweko pirätäsa oyese.

Efesios 3:18

Iyavei opakatu ambuae Jesús reroyasareta oikwa va'erä Cristo poroaɨsusa tuvicha va'e rendukwa tuprɨ katu agwä yuvɨreko.

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Efesios 5:25

Iyavei kuimba'e osaɨsura gwembireko, inungar Cristo osaɨsu opakatu vɨroyasar, omondo gwekokwer chupe narä.

Filipenses 1:7

Avɨye ite aipo rupi che pɨ'añemoñeta areko opakatu pe rese, esepia che opoaɨsu ite, opakatu ni'ä oyoya yaipɨsɨ Tüpä porovasasa yepe ko che rokendasave aï, anise kokotɨ rupi aiko mborerekwar rovai ko ñe'ësa pɨsɨrösa resendar repɨ agwä iyavei amboyekwa va'erä ñe'ësa supi tuprɨ va'e yuvɨreko chupe.

Filipenses 4:7

Evokoiyase Tüpä omondora gweko tuprɨsa peü, pe Jesucristo rese peiko va'e, ko teko tuprɨsa ni'ä avɨye katu ava pɨ'a ñemoñetasa sui, ipɨpe sui osäröra pe pɨ'a, pe pɨ'a ñemoñetasa avei peü.

Colosenses 1:10

Ipɨpe sui tapegwata tuprɨ yande Yar rupi seroyasar tuprɨ pe rekosa pɨpe, tapemboavɨye tuprɨ opakatu semimbotar, mba'e pe rembiapo tuprɨ pereko katura sovake, ipɨpe sui avei tapeikwa tuprɨ katu Tüpä rekokwer peiko.

1 San Pedro 1:8

Pe ni'ä pesaɨsu yande Yar Jesucristo, yepe ndapesepiai viña; kurïtëi rumo sepia e'ɨ̇ pɨpe peyeroya sese, pereko ite pe vɨ'aretesa tuvicha va'e, avɨye katu va'e avei, ndapeikatui rumo imombe'u agwä,

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.