Efesios 3:18 - Tüpä Ñe'ëngagwer

¹⁸ Iyavei opakatu ambuae Jesús reroyasareta oikwa va'erä Cristo poroaɨsusa tuvicha va'e rendukwa tuprɨ katu agwä yuvɨreko.

Tũpa Ñehengagüer

¹⁸ ‘toicatu opacatu ambuae Jesús reroyasareta reseve Cristo poroaɨsusa tuvichá vahe ité renducua tuprɨ catu ãgua yuvɨreco’ viya pẽu.

Efesios 3:18 Iomraidhean Croise

San Juan 15:13

Ko poroaɨsusa gwasu vɨreko va'e oyese a'e inungar akoi omondo va'e gwekokwer omborɨpar repɨrä.

Romanos 10:3

Esepia ndoikwa potai yuvɨreko marä e'i Tüpä ava reko mo'ɨ̇vi, iyavei oyesui tëi oyeeko mo'ɨ̇vi pota yuvɨreko viña; ipɨpe sui nomboyeroyai ete Tüpä remimbotar gweko mbokatuprɨ agwä yuvɨreko.

2 Corintios 13:13

Peipɨsɨ yande Yar Jesucristo porovasasa, Tüpä poroaɨsusa iyavei Espíritu Maräne'ɨ̇ tasekoi opakatu pe rese.

Gálatas 2:20

sese nda'e iri che ite aikove, esepia Cristo rumo che rese sekoi. Sese ite ayeroya che retekwer pɨpe che rekove agwä, a'e ni'ä oyemondo omano agwä che raɨsupave.

Gálatas 3:13

Moisés porokwaita mboavɨye e'ɨ̇sa pɨpe yakañɨ tëira viña, Cristo rumo yande renose yande kañɨ tëi rägwer sui, a'e ae opa oipɨsɨ ñemoɨrösa yande repɨrä, esepia Ikwachiaprɨ pɨpe aipo e'i: “Opakatu ava imboyasekoprɨ ɨvɨra rese, oipɨsɨ ñemoɨrösa yuvɨreko.”

Efesios 1:10

oyepotase a'e arɨ imboavɨye agwä. Tüpä opakatu mba'e ɨva pendar ko ɨvɨ pɨpendar avei, opara omoinge ñepëi reseve Gwa'ɨrɨ Cristo povrɨve.

Efesios 1:15

Ayandu peyeroya tuprɨsa yande Yar Jesús rese iyavei pesaɨsu ava opakatu Tüpä upendar,

Efesios 3:19

Che aporandu poroaɨsusa peikwa tuprɨ katu agwä rese yepe ndayaikatui ikwapa tuprɨ agwä yaiko viña, ipɨpe sui Tüpä tasekoi pe rese.

Colosenses 1:4

Esepia oroyandu avei ñe'ësa avɨye va'e pe rekokwer resendar Cristo Jesús rese peikose, iyavei perekose poraɨsusa opakatu Tüpä reroyasar rese,

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Apocalipsis 3:21

Akoi ava oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e ambogwapɨ ukara che ɨpɨve imoi che porokwaisave, inungar che mba'e tëi reko reroyɨ pare, agwapɨ che Ru ɨpɨve vïte.