Efesios 2:22 - Tüpä Ñe'ëngagwer

²² Egwë peye aveira ni'ä Cristo rese peikose opakatu tuprɨ peyemboyoyase ñepëi reve inungar tüpäro, ipɨpe Tüpä Espíritu sekoira.

Tũpa Ñehengagüer

²² Sese niha, Cristo rese peicose, pe ambuae vɨroyasar rese avei sẽtarã nungar peico. Ipɨpe Tũpa, oEspíritu pɨpe, secoira.

Efesios 2:22 Iomraidhean Croise

1 Corintios 3:16

¿Ndapeikwai vo Tüpä rëtä peikose, iyavei Tüpä Espíritu sekoise pe rese?

1 Corintios 3:9

Ore oroporavɨkɨ va'e Tüpä upe, pe evokoiyase ɨvɨ nungar peiko Tüpä poravɨkɨ agwä iyavei pe inungar Tüpä omopü'a ramomi va'e oɨ.

1 Corintios 6:19

¿Ndapeikwai vo pe retekwer Espíritu Maräne'ɨ̇ upendar ite sekoise a'e Tüpä ombou va'e peü, iyavei Espíritu Maräne'ɨ̇ sekoi ete pe rese? Pe evokoiyase nda'ei ete pe retekwer yar peiko,

2 Corintios 6:16

Nda'oyoyai chietera ni'ä mba'e ra'anga tëi Tüpä rëtä rese. Esepia yande ni'ä Tüpä oikove va'e rëtä nungar yaiko, a'e ni'ä aipo e'i Ikwachiaprɨ pɨpe araka'e: “Che aikovera seseve iyavei agwatara ipa'ü rupi yuvɨreko; che avei aikora Tüpä yuvɨreko chupe a'e evokoiyase cheu narä yuvɨrekoira.”

Efesios 3:17

Cristo tasekoi pe pɨ'a pɨpe peporeroyasa rese, iyavei pe poroaɨsusa pɨpe pe yemovɨräkwä katu agwä peyese.

1 San Juan 3:24

Akoi vɨroya va'e Tüpä porokwaita, a'ese Tüpä sekoira opakatu rese. Ipɨpe sui yaikwara sekoise yande rese: ombou avei Espíritu yandeu.

1 San Juan 4:13

Tüpä ombou Espíritu yandeu, ipɨpe sui yaikwa sese yande reko, iyavei yaikwa a'e sekoise yande rese.

1 San Juan 4:16

Egwë ya'e ikwa, seroya tuprɨ agwä ko Tüpä yande raɨsusa. Tüpä ni'ä yeaɨsusa, akoi vɨreko va'e oporoaɨsusa, sekoi Tüpä rese, Tüpä avei sekoi sese.