Efesios 2:17 - Tüpä Ñe'ëngagwer

¹⁷ Cristo ou omombe'u ko tekokwer pɨasu peü pe amombrɨ Tüpä sui peiko va'e, omombe'u avei namombrɨi yuvɨrekoi va'e upe.

Tũpa Ñehengagüer

¹⁷ Ahe ou omombehu co tecocuer pɨasu pẽu pe amombrɨ Tũpa sui peico vahe, omombehu avei ore namombrɨi vahe judío oroico vahe upe ‘tiñero yuvɨreco oyeupe’ oya.

Efesios 2:17 Iomraidhean Croise

San Mateo 10:13

Ava oɨ pɨpendar oipotase yuvɨreko, oipɨsɨra mba'e avɨye va'e. Akoi ndapepɨsɨ potaise; pe evokoiyase ndapemokañɨ chietera mba'e avɨye va'e.

San Lucas 15:8

“Akoi, ¿kuña vɨrekose gwarepochi opayandepo yovaive tuprɨ omokañɨse ñepëi ipa'ü sui, nomboendɨ chira pi'ä tataendɨ ipare osa'uvara oɨ pɨpe oseka mbegwera oyosɨ rane itera?

San Lucas 2:14

“¡Imboeteiprɨ tasekoi Tüpä ɨvave! ¡Ɨvɨve ava Tüpä rembiaɨsu toyuvɨrekoi tuprɨ oyeaɨsusa pɨpe!”

Los Hechos 10:36

Araka'e Tüpä oñe'ë avei Israel suindar upe, omombe'u ñe'ësa tuprɨ yeamotare'ɨ̇sa resendar Jesucristo rembiaporä sui, a'e opakatu ava ko ɨvɨ pɨpendar yuvɨrekoi va'erä Yar rese.

Los Hechos 2:39

Esepia ko ñe'ësa imombe'uprɨ a'e peü narä pe suindar upe narä, iyavei opakatu amombrɨ Tüpä sui yuvɨrekoi va'e upe narä avei; a'e akoi opakatu yande Yar Tüpä oyeupe narä gweru pota va'e.

Romanos 10:14

Evokoiyase ¿Marä e'ira pi'ä serer renoi viña, esepia ni'ä ndovɨroyai ete yuvɨreko? ¿Marä e'ira pi'ä seroya, esepia ndosendui ete ñe'ësa sesendar yuvɨreko? ¿Marä e'ira pi'ä sendukwa yuvɨreko, esepia ndipoi ete omombe'u va'erä ne'ësa avɨye va'e yuvɨreko chupe?

Romanos 5:1

Sese Tüpä yande reko mo'ɨ̇vi tuprɨ yande rereko avɨye yande yeroyasa pɨpe, ichui yaiko mba'e tuprɨ pɨpe Tüpä rese yande Yar Jesucristo rembiapo sui.

2 Corintios 5:20

Ore evokoiyase Cristo porokwaita rupi oroñe'ë va'e oroiko, inungar Tüpä ite oñe'ëra peü viña. Sese peyevɨ Tüpä upe a'e pe rekokwer moigätura oyeupe narä oro'e Cristo rer pɨpe peü.

Efesios 4:21

supiete pesenduse porombo'esa supi tuprɨ va'e sekokwer rendar iyavei peyembo'e ite Jesús rekokwer rese supi peiko va'erä.