Efesios 2:11 - Tüpä Ñe'ëngagwer

¹¹ Supiete, pe nda'ei va'e judío peiko, “nimbocircuncidaiprɨ” e'i judío eta yuvɨreko peü (ombocircuncida va'e kuimba'e setekwer rese yuvɨreko, egwë e'i gwerer mondo “imbocircuncidaprɨ” yaiko e'i ete yuvɨreko),

Tũpa Ñehengagüer

¹¹ Evocoiyase peyemomahenduha yɨpɨndar pe recocuer rese. Ndahei rumo judío suindar peico: “Co ndoicuai vahe Tũpa, ndoyembocircuncidai vahe tẽi yuvɨrecoi” ehi judío yuvɨreco pẽu, (ahe judío oyembocircuncida vahe güete rese oyeupe, “Yande Tũpa rembiporavo imbocircuncidaprɨ yaico” ehi yuvɨreco).

Efesios 2:11 Iomraidhean Croise

San Mateo 20:7

A'e omboyevɨ yuvɨreko chupe: ‘Esepia ndipoi ete tapeporavɨkɨ e'i va'e oreu.’ Evokoiyase aipo e'i chupe: ‘Peso, pe avei tapeporavɨkɨ che uvatɨve.’ ”

Romanos 11:17

Judío eta inungar olivo räkä yasɨaprɨ tëi, pe evokoiyase nda'ei va'e judío ɨvɨra ka'a pɨpendar räkä nungar peiko va'e, peso yasɨaprɨ rendagwerve. Ipɨpe sui peipɨsɨ vɨrawäsa pe rekove agwä.

Romanos 2:26

Akoi ava ndoyembocircuncidai va'e, a'e rumo vɨroyase porokwaita, a'e seroyaprɨ inungar imbocircuncidaprɨ yuvɨrekoi.

Romanos 2:27

Akoi ndoyembocircuncidai va'e, oyapose rumo mborokwaita yuvɨreko, a'e evokoiyase omombe'ura pe kañɨ agwä yuvɨreko, esepia yepe pereko porokwaita viña, pe rumo ndapemboavɨyei ete.

1 Corintios 12:2

Pe ni'ä kurïtëi peikwa tuprɨ ite yɨpɨndar Tüpä rese peiko e'ɨ̇ vɨtese, peyembopa uka mba'e ra'anga egwë e'i tëi noñe'ëi va'e upe peiko.

1 Corintios 6:11

Oime avei ni'ä akoi pe pa'ü pendar yɨpɨndar egwë e'i va'e yuvɨreko; kurïtëi rumo opa pe angaipa imokañɨsa pe sui iyavei pe ipe'aprɨ peiko Tüpä upe narä ite, a'e yande Yar Jesucristo rer pɨpe yande Ru Tüpä Espíritu pirätäsa pɨpe aveino.

Gálatas 2:15

Yande ni'ä judío yande'asa suive yaiko, nda'ei avei ava angaipa viyar nungar tëi yaiko.

Gálatas 6:12

Evokoi ava pe mbocircuncida uka pota va'e gwemimbotar rupi tëi, a'e yuvɨropɨta tuprɨ va'erä egwë e'i ava rese yuvɨreko, esepia ndoipotai oamotare'ɨ̇ ko ñe'ësa Cristo atɨka agwer mombe'u pɨpe yuvɨreko.

Efesios 2:2

Ko ɨvɨ pɨpendar pɨ'a ñemoñetasa rupi tëi peiko iyavei ɨvate rupindar karugwar rerekwar porokwaita tëi avei peroya, a'e Tüpä reroyasare'ɨ̇ ombo'e va'e oiko.

Efesios 5:8

Peikwa ni'ä yɨpɨndar peiko pɨ̇tümimbisa nungar mba'e-mba'e tëi pɨpe, kurïtëi rumo peiko tesapesa nungar pɨpe yande Yar rese. Sese peiko tuprɨño ite Tüpä suindar poroesapesa pɨpe,

Filipenses 3:3

yande rumo imbocircuncidaprɨ nungar supiete va'e Tüpä mboyeroyasar yaiko, esepia yayerure Espíritu pɨpe Tüpä upe; yayembovɨ'a avei Jesucristo reroyasar yande rekosa rese. Nda'ei yande retekwer rese tëi yayeroya.

Colosenses 1:21

Yɨpɨndar pe pɨ'añemoñeta raisa pɨpe sui tëi amombrɨ Tüpä sui peiko yamotare'ɨ̇sa pɨpe, mba'e pe rembiapoai rese,

Colosenses 2:11

Ichui avei imbocircuncidaprɨ peiko, nda'ei rumo pe rete rese yaposa ava tëi rembiapo, ko rumo Tüpä oyapo va'e pe rekokwer rese, peiko va'erä Cristo rese, ipɨpe sui omokañɨpa pe angaipa pe sui.

Colosenses 2:13

Pe ni'ä akoi yɨpɨndar omano va'e nungar tëi peiko peye mboangaipasa pɨpe; kurïtëi rumo Tüpä pe rekokwer mbogwerayevɨ Cristo reseve, iyavei iñeröi opakatu yande angaipa rese yandeu.

Colosenses 3:11

Nda'ei mba'e avɨye va'e peikose griego, anise judío, iyavei imbocircuncidaprɨ anise nimbocircuncidaiprɨi, iyavei yaikose ambuae tekwa pendar, iyavei ava ndovɨrekoi va'e arakwasa oyese, ava rembigwai tëi sekoi va'e, anise nda'ei va'e mbigwai, esepia Cristo ɨvate katu va'e opakatu sui iyavei oyoya gwasu opakatu yande pɨ'a pɨpe yareko.