Colosenses 4:3 - Tüpä Ñe'ëngagwer

³ Peyerure avei ore rese, tore pɨtɨ̇vɨï Tüpä oñe'ëngagwer mombe'u vɨte agwä toroñe'ë vɨte avei ko ñe'ësa Cristo resendar Tüpä omboyekwa ramo va'e rese yandeu, sese tëi ni'ä ko che rokendasa.

Tũpa Ñehengagüer

³ Peyeroquɨ avei ore rese. Tore pɨ̃tɨvɨi Tũpa oñehengagüer mombehu vɨte ãgua. Toroñehe vɨte avei co ñehesa Cristo resendar Tũpa omboyecua ramo vahe rese yandeu. Sese tẽi niha co che roquendasa.

Colosenses 4:3 Iomraidhean Croise

San Mateo 13:11

Jesús omboyevɨ gwemimbo'e eta upe: “Peü rumo Tüpä oikwa uka ite mba'e ndikwasai va'e omborerekwasa resendar; ambuae ava upe rumo ndoikwa ukai ete.

Los Hechos 14:27

Oyepotase Antioquía ve yuvɨraso, omonu'äpa opakatu Jesús reroyasar, ipare omombe'upa ite Tüpä oyapo va'e mba'e supi yuvɨreko, yande Yar avei omondo mba'e avɨye va'e ava nda'ei va'e judío upe, a'ese avei oikatura a'e seroya yuvɨreko.

Romanos 16:25

Yamboetei Tüpä sereko, a'e ni'ä oikatu pe movɨräkwä ko ñe'ësa ñepɨsɨrösa resendar amombe'u va'e rupi iyavei ko porombo'esa Jesucristo rekokwer resendar rupi avei. A'e oyoya tuprɨ ite Tüpä omboyekwa ramo va'e cheu ko ɨvɨ apoe'ɨ̇ suive mba'e ndikwasai va'e rese,

1 Corintios 16:9

esepia oime ite yande Yar upe che poravɨkɨsa avɨye va'e ite ko'ave, yepe seta iteanga ava che amotare'ɨ̇mbar yuvɨrekoi viña.

1 Corintios 4:1

Pe rumo iya orekwa ukaño ite peye inungar Cristo pɨtɨ̇vɨïsar, iyavei orekwaita ite ni'ä Tüpä suindar ñe'ësa oyekwa ramo va'e rese oreporombo'e agwä.

2 Corintios 2:12

Ayepotase tekwa Tróade ve Cristo rekokwer mombe'u agwä, oime ite yande Yar upe narä a'eve che poravɨkɨ agwä.

Efesios 3:1

Sese che Pablo, sokendaprɨ aiko ko'ave Cristo Jesús rekokwer mombe'usa sui tëi, nda'ei va'e judío peiko va'e rekokwer avɨye agwä rese egwë a'e.

Efesios 3:3

Ko ñe'ësa yɨpɨndar ndikwasai va'e resendar Tüpä omboyekwa uka va'e cheu, a'e ni'ä aikwachia chi'ï peü.

Efesios 3:4

Ko rese peyerokɨse peikwa tuprɨ katura, ko che arakwasa Cristo rekokwer resendar oyekwa ramo va'e,

Efesios 3:9

Iyavei ombou che kwaitarä amombe'u tuprɨ va'erä opakatu ava upe, ko Tüpä pɨ'a ñemoñetasa yɨpɨndar ndikwasai va'e, esepia a'e opakatu mba'e aposar sekoi yɨpɨ suive ite nomombe'ui omba'ekwasa sereko.

Efesios 4:1

Sese Cristo rekokwer mombe'usa sui che rokendasa pɨpe, peiko tuprɨra pe kwaita rupi Tüpä pe renoisa pɨpe a'e peü.

Filipenses 1:19

esepia che aikwa ko opakatu mba'e-mba'e tëi sui añepɨsɨröra pe yeruresa pɨpe iyavei che pɨtɨ̇vɨïra Jesucristo Espíritu.

Filipenses 1:7

Avɨye ite aipo rupi che pɨ'añemoñeta areko opakatu pe rese, esepia che opoaɨsu ite, opakatu ni'ä oyoya yaipɨsɨ Tüpä porovasasa yepe ko che rokendasave aï, anise kokotɨ rupi aiko mborerekwar rovai ko ñe'ësa pɨsɨrösa resendar repɨ agwä iyavei amboyekwa va'erä ñe'ësa supi tuprɨ va'e yuvɨreko chupe.

Colosenses 1:26

a'e ñe'ësa araka'e suive ndikwasai va'e ite, kurïtëi rumo Tüpä omboyekwa vɨroyasar upe.

Colosenses 4:18

Che Pablo aiko, aikwachia ko che ma'endu'asa peü. Tapema'endu'a vɨte che rokendasave che rese. Avɨye peü yande Aposar tape pɨtɨ̇vɨï oporoaɨsusa pɨpe.

1 Tesalonicenses 5:25

Che rɨvrɨ eta, peyerure avei ore rese.

2 Timoteo 1:16

Yande Yar tomondo paraɨsuerekosa Onesíforo mu upe, esepia Onesíforo seta yupagwer che mbovɨ'a iyavei nochi ete ava rovake che rokendasa sui.

2 Timoteo 2:9

Ko ñe'ësa avɨye va'e mombe'usa sui tëi che mombaraɨsu yuvɨreko, che rokendasave avɨye oporapichi va'e che rereko yuvɨreko; Tüpä ñe'ëngagwer mombɨta rumo ndoikatui ete yuvɨreko.

2 Timoteo 4:2

emombe'u Tüpä ñe'ëngagwer arɨ rupi, esekuñarö avei ava rekokwer. Eporomboarakwa, eporomongere'ɨ̇ tuprɨ avei opakatu nde rekoasɨ e'ɨ̇sa pɨpe.

Filemón 1:22

Iyavei aporandu ndeu eremoigätu va'erä oɨ che pɨtu'u agwä; esepia Tüpä osendura pe yeruresa, asë va'erä che rokendasa sui aso agwä perepia.