Colosenses 4:18 - Tüpä Ñe'ëngagwer

¹⁸ Che Pablo aiko, aikwachia ko che ma'endu'asa peü. Tapema'endu'a vɨte che rokendasave che rese. Avɨye peü yande Aposar tape pɨtɨ̇vɨï oporoaɨsusa pɨpe.

Tũpa Ñehengagüer

¹⁸ Che Pablo aico. Che ité aicuachía co che mahenduhasa pẽu. Tapemahenduha vɨte che roquendasave che rese. Avɨye pẽu. Yande Aposar tape pɨ̃tɨvɨi. Aipo rupive.

Colosenses 4:18 Iomraidhean Croise

Romanos 16:20

egwë e'i pɨ'aivira Tüpä Karugwar rekopɨpa gweko katuprɨsa pɨpe, pe avei evokoiyase pesekoreroyɨra. A'ese yande Yar Jesús perovasara perereko.

Romanos 16:22

Che Tercio, aikwachia va'e ko ñe'ësa peü, che avei che ma'endu'asa amondo yande Yar reroyasa pɨpe peü.

Romanos 16:23

Omondo avei oma'endu'asa Gayo peü. A'e sëtäve ite ni'ä ake yepi, ipɨri avei ambuae Jesús reroyasar oñemonu'ä yuvɨreko yepi. Iyavei Erasto omondo oma'endu'asa opakatu peü, a'e tekwa mba'e gwarepochi apokatusar, yande rɨvrɨ Cuarto avei omondo oma'endu'asa peü.

1 Corintios 16:21

Che Pablo, che po pɨpe ite aikwachia ko che ma'endu'asa imondo peü.

Filipenses 1:7

Avɨye ite aipo rupi che pɨ'añemoñeta areko opakatu pe rese, esepia che opoaɨsu ite, opakatu ni'ä oyoya yaipɨsɨ Tüpä porovasasa yepe ko che rokendasave aï, anise kokotɨ rupi aiko mborerekwar rovai ko ñe'ësa pɨsɨrösa resendar repɨ agwä iyavei amboyekwa va'erä ñe'ësa supi tuprɨ va'e yuvɨreko chupe.

Colosenses 4:3

Peyerure avei ore rese, tore pɨtɨ̇vɨï Tüpä oñe'ëngagwer mombe'u vɨte agwä toroñe'ë vɨte avei ko ñe'ësa Cristo resendar Tüpä omboyekwa ramo va'e rese yandeu, sese tëi ni'ä ko che rokendasa.

2 Tesalonicenses 3:17

Che Pablo, aikwachia ko ma'endu'asa che po pɨpe ite peü. Egwë e'i che rembikwachia ikwaprɨ opakatu che kwachiar pɨpe.

1 Timoteo 6:21

Ipɨpe sui ni'ä amove ava oyavɨ Tüpä reroyasa yuvɨreko. Yande Yar Jesucristo taperovasa opakatu pe rereko.

2 Timoteo 1:8

Evokoiyase eresɨkɨye eme katu yande Yar rekokwer mombe'u; nderechï chiaveira che rokendasa sui tëi. Esepia yande Yar rekokwer mombe'usa sui tëi ni'ä che rokenda yuvɨreko. Iyakatu rumo nde avei ereñemosañora ko mba'e-mba'e tëi Tüpä pirätäsa pɨpe. A'e oura ndeu ñe'ësa pɨsɨrösa resendar mombe'usa sui.

2 Timoteo 4:22

Yande Yar Jesucristo toiko nde rese, iyavei Tüpä taperovasa opakatu pe rereko.

Tito 3:15

Opakatu yuvɨrekoi va'e ko'ave che pɨri omondo oma'endu'asa yuvɨreko ndeu. Iyavei emombe'u che ma'endu'asa yande mborɨpar iporeroya va'e upe. Tüpä taperovasa eipeve opakatu.

Hebreos 13:25

Yande Yar Tüpä taperovasa opakatu oporoaɨsusa pɨpe pe rereko.

Hebreos 13:3

Peyemoma'endu'a avei sokendaprɨ rese inungar-ra pe avei supive sokendaprɨ peiko va'e viña. Iyavei peyemoma'endu'a ava marä-marä tëi serekoprɨ rese, esepia avɨyeteramo egwë e'i aveira yuvɨreko peü.