Colosenses 4:12 - Tüpä Ñe'ëngagwer

¹² Epafras avei omondo oma'endu'asa peü, a'e pe rekwa pendar ite, Cristo Jesús rembigwai; a'e oyerure va'e pe rese yepi toyemovɨräkwä tuprɨ iyavei toyuvɨrekoi Tüpä remimbotar rupi yuvɨreko oyapave.

Tũpa Ñehengagüer

¹² Epafras avei omondo omahenduhasa pẽu. Ahe pe recua pendar ité, Jesucristo rembiguai. Ahe oyeroquɨ vahe pe rese yepi ‘toyemovɨracua tuprɨ iyavei toyuvɨrecoi Tũpa remimbotar rupi yuvɨreco’ oyapave.

Colosenses 4:12 Iomraidhean Croise

San Mateo 5:48

Peikora mba'e tuprɨ pɨpe, inungar pe Ru ɨva pendar seko katuprɨ va'e.”

San Lucas 1:1

Seta ite ava oikwachia va'e tekokwer Tüpä rembiapo arakakwasa serasoprɨ yande pa'ü rupi araka'e,

San Lucas 22:44

Mba'e-mba'e tëi porarasa pɨpe oyerure katu, a'ese sakuvo inungar tuvɨ osë ichui otɨkɨ ɨvɨve.

San Juan 12:26

Akoi che mboyeroya pota va'e, togwata che rupi yuvɨreko; che asosave a'eve avei yuvɨrekoira che mboyeroyasar. Akoi che mboyerosar oime va'e, che Ru avei omboeteira sereko.

Romanos 15:14

Che rɨvrɨ eta, ayeroya ite pe reko avɨyesa rese, esepia opakatu mba'e peikwapa tuprɨ ite, peikatu avei pe ñepëi-pëi peyeupe pe yemboarakwa agwä;

Romanos 15:30

Che rɨvrɨ eta, yande Yar Jesucristo rer pɨpe iyavei yeaɨsusa Espíritu ombou va'e pɨpe avei, aporandu peü opakatu che rese peyerure pirätä va'erä Tüpä upe che pɨtɨ̇vɨï agwä ko mboravɨkɨ rese.

1 Corintios 14:20

Che rɨvrɨ eta, pepɨ'añemoñeta eme chi'ïvä'emi pɨ'añemoñeta nungar pɨpe. Iyakatu rumo peikora kwakwa va'e pɨ'añemoñeta nungar pɨpe, peyemochi'ïvä'e katuñora rumo peiko mba'e naporäi va'e apoe'ɨ̇ agwä.

1 Corintios 2:6

Supiete, ore rumo oromombe'u ko ñe'ësa vɨreko va'e upe ñoite yeroyasa opɨ'a pɨpe oroñe'ë avei mba'e ikwaprɨ va'e rese. Nda'ei rumo ava mba'ekwasa ko ɨvɨ pɨpendar tëi nda'ei avei mborerekwar mba'ekwasa ko ɨvɨ pɨpendar a'e imborerekwasa rumo okañɨ tëi va'erä ite yuvɨreko.

2 Corintios 13:11

Imomba agwä, che rɨvrɨ eta, aipota pevɨ'aretera peiko. Peseka avei pereko tuprɨ katu agwä peyeupe, peyemongere'ɨ̇ katu, oyoya gwasu peiko tuprɨ avei peyese mba'e tuprɨ pɨpe. Evokoiyase Tüpä oporoaɨsusa pɨpe, gweko tuprɨsa pɨpe avei sekoira pe rese.

Gálatas 1:10

Che ndasekai ava tëi cherekoa'ä agwä, che rumo aseka Tüpä ite cherekoa'ä agwä. Ndasekai che ava rese aiko tuprɨ va'erä. ¡Akoi che tëi asekase aiko tuprɨ va'erä ava rese, evokoiyase nda'ei chietera Cristo rembigwai aiko viña!

Gálatas 4:19

Che ra'ɨreta, che paraɨsu iri ete vichiko, inungar kuña imembɨrasɨ va'e, Cristo sekoi va'erä pe rese.

Colosenses 1:22

kurïtëi rumo Tüpä iñeröi peü pe reroyevɨ oyeupe Cristo mano pɨpe. A'e ni'ä egwë e'i Vu rovai ipe'aprɨ pe rereko oyeupe narä, pe reko maräne'ɨ̇ agwä mba'e avɨe'ɨ̇sa pɨpe ava rovake.

Colosenses 1:28

Ore ni'ä Cristo rekokwer oromombe'u opakatu ava upe, orombo'e avei ava yarakwa tuprɨ agwä ore arakwasa pɨpe toyuvɨrekoi tuprɨ ite Cristo rese Tüpä rovai ore esa pɨpe.

Colosenses 1:29

Ko rese ni'ä che aporavɨkɨ eteprɨ opakatu Cristo pirätäsa pɨpe.

Colosenses 1:7

Ko ñe'ësa rese yande rembiaɨsu Epafras pe mbo'e, a'e mbɨa yande Yar Jesucristo rese oporavɨkɨ va'e ore rupi, okwaita vɨroya tuprɨ va'e pe pa'üve.

Colosenses 1:9

Sese avei ore aipo nungar rendu ramoseve ndoroyerurepai ete pe rese, oroporandu pe rese toikwa tuprɨ opakatu Tüpä remimbotar omba'ekwasa Espíritu suindar pɨpe, sendukwa tuprɨsa pɨpe avei yuvɨreko ore yapave peü.

Colosenses 4:9

Ko Onésimo avei osora supi, a'e avei yande rembiaɨsu, yande rɨvrɨ seko tuprɨ va'e pe rekwa pendar. A'e ñuvɨrïo mbɨa omombe'ura peü opakatu mba'e oime va'e ko'ave.

1 Tesalonicenses 5:23

Tüpä tombou teko tuprɨsa peü iyavei tape pe'apa tuprɨ oyeupe narä, iyavei tosärö tuprɨ opakatu pe pirätäsa, pe'ä, pe rete avei pe reko maräne'ɨ̇ agwä ko yande Yar Jesucristo yevɨ irise kuri.

Filemón 1:23

Epafras avɨravesa, che ndugwer sokendaprɨ sekoi va'e yande Yar Jesucristo rekokwer sui,

Hebreos 5:14

Ko tembi'u säta va'e rumo a'e ava okwakwa va'e upe narä, esepia a'e oyembo'e tuprɨ katu iñe'ëngagwer rese gweko tuprɨ agwä yepi, ipɨpe sui oikwa ite mba'e avɨye va'e poravo mba'e naporäi va'e sui.

Hebreos 5:7

Ko ɨvɨ pɨpe Cristo oikove vɨtese, oyerure pirätä oyase'osa pɨpe Vu Tüpä upe, esepia a'e oikatu ipɨsɨrö agwä manosa sui; egwë e'i iporeroya tuprɨsa pɨpe, Tüpä osendu ite iyeruresa.

Santiago 1:1

Che Santiago, Tüpä, yande Yar Jesucristo rembigwai aiko, amondo che ma'endu'asa opayandepo yovaive ñuvɨrïo yuvɨrekoi va'e Israel ɨgwar opakatu ɨvɨ rupi oñemosaï va'e upe.

Santiago 1:4

Peikoño ite pe reko ñemosasa pɨpe pe reko mo'ɨ̇vi tuprɨ katu agwä, evokoiyase nipane iri chira opakatu mba'e peü.

Santiago 5:16

Sese pemombe'u pe angaipa peyeupe, peyerure avei peyese pe yembogwera uka agwä. Ava avɨye va'e oyerurese okere'ɨ̇save opakatu gwekokwer pɨpe, a'e iyeruresa ipirätä ite.

2 San Pedro 1:1

Che, Simón Pedro, Jesucristo ñe'ë mombe'usar iyavei sembigwai aiko, ko aikwachia che ñe'ë peü narä, peipɨsɨ va'e yande Yar rese pe yeroyasa avɨye va'e inungar ore, esepia yande Yar Tüpä, yande Pɨsɨrösar Jesucristo seko ɨ̇vi va'e yuvɨrekoi.

San Judas 1:24

Yande Ru Tüpä ñepëi, Pɨsɨrösar yandeundar, vɨreko pirätäsa pe rärö agwä angaipa pɨpe pe vɨapi e'ɨ̇ agwä, iyavei pemboyekwara perekokwer porañetesa perovapɨpo avei pevɨ'aretesa pɨpe opakatu rovake. A'e imboeteiprɨ tasekoi, egwë te'i timboyeroyasa seko pirätäsa iyavei imborerekwasa, yande Yar Jesucristo sui, yɨpɨsui, kurïtëi apɨre'ɨ̇ va'erä. Amén.