Colosenses 4:10 - Tüpä Ñe'ëngagwer

¹⁰ Aristarco, che ndugwer che rokendasave, omondo oma'endu'asa peü; iyavei Marcos Bernabé ri'ɨrɨ. Peikwa ite Marcos oso va'erä eipeve; osose pe pɨri, peipɨsɨ tuprɨñora.

Tũpa Ñehengagüer

¹⁰ Aristarco, che ndugüer che roquendasave, omondo omahenduhasa pẽu iyavei Marcos, Bernabé rihɨr. Pe revo peicuaño Marcos so ãgua eipeve; osose pe pɨri, peipɨsɨ tuprɨñora.

Colosenses 4:10 Iomraidhean Croise

Los Hechos 12:12

Omondose opɨ'añemoñeta ko rese, Pedro oso Juan Marcos sɨ María rëtäve, a'eve seta ava oñemonu'ä oyerure yuvɨreko sese.

Los Hechos 12:25

Bernabé iyavei Saulo okwaita mboavɨye pare Jerusalén ve, vɨroyevɨ Juan Marcos seraso yuvɨreko.

Los Hechos 13:13

Pablo iyavei supindar yuvɨraso ɨarusu pɨpe Pafos ve ichui yuvɨraso Perge ve Panfilia ɨvɨ rese; Juan rumo oseya oyevɨ Jerusalén ve oso.

Los Hechos 13:5

Oyepota ɨarusu yemboyasa Salamina ve yuvɨraso, a'eve omboɨpɨ omombe'u Tüpä ñe'ëngagwer oɨ judío ñemonu'äsa rupi yuvɨreko. Juan avei oso supi ipɨtɨ̇vɨï agwä.

Los Hechos 19:29

Oime, opakatu tekwa rupi pɨ'a ñemoñetasa kokotɨ-kotɨ tëi. Sese oipɨsɨ Gayo iyavei Aristarco yuvɨreko, a'e ñuvɨrïo mbɨa Macedonia pendar yuvɨraso va'e Pablo rupi, ichui ombotɨrɨrɨ seraso oɨ ava ñemonu'ä gwasusave.

Los Hechos 20:4

Yuvɨraso supi Sópatro Berea pendar, Pirro ra'ɨrɨ; Aristarco iyavei Segundo Tesalónica pendar, Gayo Derbe pendar, Timoteo, Tíquico Trófimo avei Asia pendar.

Los Hechos 27:2

Oro'a ɨarusu pɨpe, a'e Adramitio sui yuvɨraso pota va'e Asia ve. Mbɨa Tesalónica pendar, Aristarco serer va'e o'a avei ore rupi, a'e sekwa Macedonia ɨvɨ rupi.

Los Hechos 4:36

Egwë e'i ava judío ramoi Leví suindar Chipre pendar José serer va'e, Jesús ñe'ë mombe'usar osero Bernabé e'i yuvɨreko chupe (“porombovɨ'asar Ra'ɨrɨ” oya aipo e'i).

Romanos 16:2

Peipɨsɨ tuprɨ katu yande Yar rer pɨpe, a'e ni'ä yande kwaita Cristo reroyasar yande rekose, iyavei peipɨtɨ̇vɨïño mba'e chupe ipane va'e rese, esepia a'e seta ite oporopɨtɨ̇vɨï che avei ete che pɨtɨ̇vɨï no.

Romanos 16:7

Pemombe'u avei che ma'endu'asa che mu Andrónico iyavei Junias upe, a'e ni'ä che mboetasa yuvɨrekoi che rokendasave; a'e avei Jesús ñe'ë mombe'usar remimboyeroya yuvɨrekoi, a'e rane avei yɨpɨndar Cristo reroyasar yuvɨrekoi che sui.

2 Timoteo 4:11

Lucas gweraño sekoi che pɨri. Eseka Marcos ichui eru nde yeupi, esepia avɨyeteramo che pɨtɨ̇vɨïra mboravɨkɨ rese.

Filemón 1:23

Epafras avɨravesa, che ndugwer sokendaprɨ sekoi va'e yande Yar Jesucristo rekokwer sui,

Filemón 1:24

iyavei Marcos, Aristarco, Demas, Lucas, che pɨtɨ̇vɨï va'e mboravɨkɨ rese yuvɨreko.

1 San Pedro 5:13

Iyavei Babilonia pendar Jesús reroyasar yuvɨrekoi va'e oyoya va'e pe rese iporavoprɨ, a'e ombou oma'endu'asa yuvɨreko peü. Marcos, inungar che ra'ɨrɨ avei ima'endu'a pe rese.