Colosenses 3:13 - Tüpä Ñe'ëngagwer

¹³ Egwë peyera peñemosa oyeupe, peñeröi aveira opakatu oyeupe akoi pe pa'ü pendar oñemoɨröse peü. Inungar yande Yar ombou ñeröisa yandeu, pe avei egwë peyera ambuae ava upe.

Tũpa Ñehengagüer

¹³ Ẽgüe peyera peñemosa oyeupe, peñero aveira opacatu oyeupe acoi pe pãhu pendar oñemoɨrose pẽu. Inungar Cristo ñerosa ombou yandeu, pe avei ẽgüe peyera ambuae ava upe.

Colosenses 3:13 Iomraidhean Croise

Efesios 4:32

Iya rumo peiko tuprɨ ambuae ava upe pe yeaɨsusa pɨpe, peñeröiño itera peyeupe yepi inungar Tüpä iñeröi Cristo rese peü.

San Marcos 11:25

Iyavei akoi peyerurese, yɨpɨndar peñeröi rane pe amotare'ɨ̇mbar upe, a'ese egwë e'i aveira pe Ru ɨva pendar iñeröira pe angaipa rese peü.

Santiago 2:13

Supiete akoi ndoiparaɨsuerekoi va'e ava, a'e chupe ndipoi chiaveira poroparaɨsuerekosa mborandusave, oporoparaɨsuereko va'e rumo, a'e sorɨvete katura yuvɨreko arɨ pɨpe mborandusave kuri.

Efesios 4:2

Peyemominira pe reko avɨyesa pɨpe; pe reko mbegwesa pɨpe iyavei peñemosaño pe yeaɨsusa pɨpe peyeupe;

San Mateo 6:12

Iyavei ndeñeröi ore angaipa rese oreu inungar ore oreñeröi ore amotare'ɨ̇mbar upe.

2 Corintios 6:6

Oromboyekwa avei ore reko maräne'ɨ̇sa, ore mba'ekwasa supiete va'e, ore reko mbegwe tuprɨsa, yeaɨsusa orovɨreko aveino, egwë oro'e ite ni'ä Espíritu Maräne'ɨ̇ pirätäsa pɨpe, ore poroaɨsusa supiete va'e pɨpe avei.

Gálatas 6:2

Peñepɨtɨ̇vɨ-tɨvɨï katu mba'e yavairai va'e rese, egwë peyese Cristo porokwaita pemboavɨyera.

2 Corintios 2:10

Kurïtëi che ñerö avei ava upe peñerö va'ekwer upe. Esepia oimese mba'e rese che ñerö agwä, Cristo rovake egwë a'e pe raɨsusave.

San Lucas 23:34

Jesús aipo e'i: “Che Ru, ndeñerö ko opakatu ava upe, esepia ndoikwai mba'e gwembiapo yuvɨreko.” Sundao eta rumo igwayɨño Jesús turukwar rese oyeupe imboya'o-ya'o agwä yuvɨreko.

San Lucas 11:4

Nde ñeröi ore angaipa rese oreu, esepia ore avei ni'ä oreñerö ambuae upe opakatu oreu mba'e-mba'e tëi aposar upe. Ore mbo'a ukai rene eve, angaipa pɨpe.’

San Mateo 5:44

Che rumo aipo a'e peü: Pesaɨsu katu pe amotare'ɨ̇mbar, iyavei peyerure pe momarä potasar rese.

1 San Pedro 2:21

Ko apo agwä rese ni'ä Tüpä pe poravo. Esepia Cristo oyemombaraɨsu pe rekokwer rese, esepia a'e ombou yandeu yaiko va'erä sekokwer rupi.

Romanos 15:7

Peyeaɨsu tuprɨ ñepëi-pëi, inungar Cristo peraɨsu oyeupe narä pe rereko, Tüpä mboetei agwä.

Colosenses 3:12

Esepia Tüpä pe raɨsu eteprɨ iyavei pe poravo toyuvɨrekoi cheu narä oyapave. Evokoiyase peyapora ko nungar mba'e, peporoaɨsura, peavara peyeupe, peñemominira, pe reko mbegwera iyavei peñemosañora.

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.