Colosenses 3:10 - Tüpä Ñe'ëngagwer

¹⁰ iyavei peipɨsɨ tekokwer pɨasu avɨye va'e: ipɨpe peyembo'e arɨ yakatu yande Aposar Tüpä rekokwer rese peiko, ikwa tuprɨ katu agwä.

Tũpa Ñehengagüer

¹⁰ Iyavei peipɨsɨ tecocuer pɨasu, avɨye vahe. Ipɨpe peyembohe arɨ yacatu yande Aposar Tũpa recocuer rese peico, icua tuprɨ catu ãgua.

Colosenses 3:10 Iomraidhean Croise

San Juan 17:3

Iyavei ko tekovesa apɨre'ɨ̇ pɨpe yɨpɨndar nde kwa rane itera yuvɨreko, ñepëi Tüpä supiete va'e nderekosa pɨpe, iyavei akoi erembou va'e Jesucristo ko ɨvɨ pɨpe.”

Romanos 12:2

Peiko iri eme ko ɨvɨ pɨpendar pɨ'añemoñetasa tëi rupi; iyakatu rumo, pesekuñarö pe pɨ'añemoñetasa ipɨpe sui opakatu pe rekokwer oñekuñaröra, egwë peyese peikwara Tüpä remimbotar a'e mba'e avɨye va'e, semimbotar supi tuprɨ va'e ite.

Romanos 13:12

Supiete osupitɨ senimi arɨ yandeu, sese iyakatu yapoi pɨ̇tümimbi va'e nungar mba'e-mba'e tëi aposa sui mba'e ikatuprɨ va'e pɨpe yande reko agwä; evokoiyase tayaiko sundao oyoepɨsa omonde va'e nungar pɨpe.

Romanos 13:14

Iya rumo, perekora yande Yar Jesucristo rekokwer peyese, anichira pe pɨ'añemoñeta mba'e-mba'e tëi apo agwä pe remimbotarai pɨpe tëi.

Romanos 6:4

Yande ñeapirämo pɨpe ñotɨ̇mbrɨ yaiko Cristo rupive, yande mbogwerayevɨ iri agwä iyavei yande rekokwer mbopɨasu agwä, inungar akoi Cristo okwerayevɨ Vu reko pirätäsa pɨpe.

Romanos 8:29

Esepia yɨpɨve Tüpä yande kwapa oiko, yande poravo Gwa'ɨrɨ nungar ite yande reko agwä a'e tasekoi tenonde opakatu upe ambuae vɨvrɨ eta sui oya.

2 Corintios 3:18

Sese opakatu yande nda'ei Moisés oyeovapɨ va'e nungar yaiko Tüpä porañetesa sendɨyai va'e repia e'ɨ̇ agwä, yande rumo inungar yepiasa yamboyekwa ite yande Yar porañetesa sendɨyai va'e ava upe yaiko, yaiko katuño ite yande Yar Cristo nungar arɨ yakatu rupi yepi, esepia egwë ya'ese yareko katu-katu iri seko porañetesa yandeyese, yande Yar rumo akoi Espíritu sekoi va'e egwë e'i yandeu.

2 Corintios 4:16

Sese orekere'ɨ̇ño ite mba'e apo oroiko peü. Yepe ore rete okañɨ pota tëi viña, ore rekokwer rumo Tüpä ombopɨasuño ite arɨ yakatu rupi.

2 Corintios 4:6

Esepia Tüpä teite ombou tesapesa pɨ̇tümimbi va'e resape agwä, a'e avei osesape uka yande pɨ'a pɨpe, ichui yaikatura ambuae ava resape, iyavei yamboyekwara Tüpä porañetesa osesape va'erä Jesucristo rekokwer rese yaiko.

2 Corintios 5:17

Akoi ava Cristo rese sekoi va'e, a'e sekokwer ipɨasu va'e ite. Ndipo iri ete sekokwerai yɨpɨndar va'e sese; evokoiyase opakatu oyembopɨasu iri ete sekokwer.

Gálatas 3:27

opakatu pe ñapirämombrɨ peiko va'e Cristo rupi pe gwata agwä, Cristo rekokwer avei pereko.

Gálatas 6:15

Yepe yayembocircuncidase revo, anise ndayayembocircuncidaise viña; ko rumo avɨye katu va'e yaroyase Cristo Jesús opa yande rekokwer oñekuñarö.

Efesios 2:10

Tüpä ni'ä yande rekokwer mo'ɨ̇vi; a'e yande apo Cristo Jesús rese yande reko agwä, mba'e ikatuprɨ va'e apo agwä avei.

Efesios 2:15

Omomba opakatu Moisés porokwaita, a'e oipota ñepëi ava nungar teko pɨasu pɨpe yande reko agwä, judío iyavei nda'ei va'e judío. Egwë e'i imokañɨpa yande yeamotare'ɨ̇sa yandesui yande reko tuprɨ agwä.

Colosenses 3:12

Esepia Tüpä pe raɨsu eteprɨ iyavei pe poravo toyuvɨrekoi cheu narä oyapave. Evokoiyase peyapora ko nungar mba'e, peporoaɨsura, peavara peyeupe, peñemominira, pe reko mbegwera iyavei peñemosañora.

Colosenses 3:14

Iyavei peyeaɨsu katura, esepia a'e yande mboyemboya tuprɨ oyese yepi.

Filemón 1:6

Iyavei aporandu Tüpä upe nde rese ereyeroyase yande Yar rese, inungar ore orovɨroya a'e ndererasora mba'e avɨye va'e apo agwä ore rupi yande Yar Cristo raɨsupave yepi.

Hebreos 6:6

oyepepɨse rumo ichui, ndayaikatu iri seko reroyevɨ iri agwä Tüpä upe, esepia yatɨkaprɨ nungar iri ete vɨreko Tüpä Ra'ɨrɨ iyavei ambuae ava omoñe'ë-ñe'ë tëi iri sese.

1 San Juan 2:3

Akoi yamboyeroyase Tüpä porokwaita, a'ese yaikwa tuprɨ katura sekokwer avɨyesa.

1 San Juan 2:5

Akoi yamboavɨyese iñe'ëngagwer, a'ese supiete yasaɨsu Tüpä, ipɨpe sui yaikwa yande reko tuprɨ Jesucristo rese.

Apocalipsis 21:5

A'ese evokoi ogwapɨ va'e tenda porañete va'e arɨve öi, a'e aipo e'i: “Che ayapo mba'e opakatu ipɨasu va'e.” Iyavei aipo e'i: “Eikwachia, esepia ko ñe'ësa supi tuprɨ va'e ite, evokoiyase iya ite peyeroya sese.”