Colosenses 2:8 - Tüpä Ñe'ëngagwer

⁸ Peikwa katu: peyembopa ukai rene araka'endar tëi ava arakwasa pɨpe, esepia a'e egwë e'i tëi va'e, ava suindar tëi yembo'esa, ɨvɨ pɨpendar ava seko ɨvate katu va'e pɨ'a ñemoñetasa tëi, nda'ei Cristo suindar porombo'esa.

Tũpa Ñehengagüer

⁸ Peicua catu, peyembopa ucai rene aracahendar tẽi ava aracuasa pɨpe. Esepia, ahe ẽgüe ehi tẽi vahe, ava suindar tẽi yembohesa, ɨvɨ pɨpendar ava seco ɨvate catu vahe pɨhañemoñetasa tẽi. Ndahei Cristo suindar porombohesa.

Colosenses 2:8 Iomraidhean Croise

San Mateo 10:17

Iyavei peikwa katura peamotare'ɨ̇mbar sui, esepia mborerekwar rovai pe rerasora, ipare pe nuparä judío ñemo'üsave yuvɨreko

San Mateo 16:6

Evokoiyase Jesús aipo e'i: –Peikwa katu fariseo sui saduceo mboyape mboapeposa sui aveino.

San Mateo 7:15

“Peñearö ava semirañeteai va'e sui oñe'ë tuprɨ tëi va'e Tüpä rese. A'e yugwerura peü ndoyavɨi chira ovesa ndaseko maräi va'e yuvɨreko, ipɨ'a pɨpe rumo sekokwer avɨye ma'embiar oñaröai va'e.

Los Hechos 17:18

Evokoiyase oime amove mbɨa oyembo'e va'e epicúreo arakwasa rese iyavei mbɨa oyembo'e va'e estoicos arakwasa rese omboɨpɨ oyemomborandu sese yuvɨreko. Ñepëi ipa'ü pendar aipo e'i: –¿Mba'e rese pi'ä ko mbɨa oñe'ë iñe'ë paparai va'e oiko? Ambuae avei aipo e'i yuvɨreko: –Ndoyavɨi ko mbɨa oñe'ë va'e ambuae ava tüpä rese tëi. Aipo e'i yuvɨreko esepia Pablo omombe'u ite ñe'ësa avɨye va'e Jesús rekokwer resendar ikwerayevɨsa resendar avei.

Los Hechos 17:32

Osenduse kwerayevɨsa resendar, a'ese oime ava oyoyai katu va'e yuvɨreko seroɨrösave, ambuae rumo aipo e'i yuvɨreko: –Ko pɨpe rese voi torosendu iri aipo ñe'ësa.

Romanos 16:17

Che rɨvrɨ eta, peikwa katu pe pa'ü pendar oporomboya'o pota serai va'e sui oime ava egwë e'i va'e oitɨ uka va'e ava mba'e tëi pɨpe, esepia a'e nda'ei ete ko ñe'ësa pe yembo'esa rupi yuvɨrekoi. Sese evokoi nungar ava sui peyepepɨño itera,

1 Corintios 10:12

Sese, akoi ava oyeeko movɨräkwä tuprɨ pota va'e, toñearö katu ovɨapi e'ɨ̇ va'erä mba'e tëi pɨpe.

1 Corintios 8:9

Peü ni'ä avɨyeño ite pe'u va'erä viña; peikwa katura rumo, avɨyeteramo Jesús reroyasar ndoikatu tuprɨ vɨtei va'e pemboangaipa ukara.

2 Corintios 10:5

a'e ipɨpe ore opa orosekopɨ yepoepɨ-epɨsa iyavei opakatu semirä-mirä tëi va'e gweko ɨvate aisa pɨpe ndoikwa uka potai va'e Tüpä rekokwer ava upe. Iyavei opakatu ava pɨ'añemoñeta raisa orosekopɨ Cristo reroya tuprɨ agwä yuvɨreko,

Gálatas 1:14

Egwë a'e che ayemboɨvateai katu che mboetasa eta sui judío yembo'esa pɨpe, ayapo ite opakatu che rekokwer pɨpe yɨpɨndar che ramoi eta yembo'e agwer rupi ete vichiko.

Gálatas 4:3

Egwë ya'e avei yande yaiko: yande chi'ïvä'emise porokwaita povrɨve tëi yaiko ko ɨvɨ pɨpe.

Gálatas 4:9

Kurïtëi rumo peikwa ite Tüpä, egwë e'i kurïtëi Tüpä ite oikwa pe rekokwer, sese ni'ä aipo a'e che yeupe, “¿marä e'i pi'ä oyevɨ iri mborokwaita tëi pɨpe mbigwai tëi gweko iri agwä yuvɨreko?”

Gálatas 5:15

Peikwa katu, esepia peyeupeae tëi peyapose mba'e-mba'e, a'ese peñemokañɨpa tëietera peae peiko.

Efesios 2:2

Ko ɨvɨ pɨpendar pɨ'a ñemoñetasa rupi tëi peiko iyavei ɨvate rupindar karugwar rerekwar porokwaita tëi avei peroya, a'e Tüpä reroyasare'ɨ̇ ombo'e va'e oiko.

Efesios 4:20

Pe rumo ndapeyembo'ei ete evokoi nungar mba'e rese Cristo rese peikose,

Efesios 5:6

Ndapeyembopa ukai chira evokoi nungar ñe'ësa tekokwer egwë e'i tëi va'e upe, esepia evokoi nungar mba'e apo pɨpe sui ou Tüpä ñemoɨrösa ava seroyasare'ɨ̇ upe.

Filipenses 3:2

Peñearö akoi ava sekokwerai va'e sui, evokoi mboravɨkɨ naporäi va'e aposar iyavei ava retekwer momaräsar yuvɨrekoi va'e sui;

Colosenses 2:18

Peyapɨsakai rene ava ñe'ë katuprɨai porombopasa rese iyeruresa mbigwai ɨva pendar rese, iyavei osepia pota va'e mba'e ndayasepia va'e oyese yuvɨreko oyeeko mboɨvateai tëi va'e opɨ'a ñemoñetasa pɨpe yuvɨreko.

Colosenses 2:20

Pe omano va'ekwer peiko Cristo rese, iyavei ndapeiko iri ko ɨvɨ pɨpendar pɨ'a ñemoñetasa povrɨve tëi. ¿Ma'erä evokoiyase peroya vɨte ko ɨvɨ pɨpendar porokwaita egwë e'i tëi va'e

Colosenses 2:22

Opakatu ko nungar porokwaita okañɨ tëi va'erä, esepia a'e ava remimbotar tëi yembo'esa iporokwaita tëi avei.

Colosenses 2:23

Ko mba'e avɨye anga'u arakwasa supiete va'e, esepia seroyasar a'e e'iño oyeruresa upe, oyeekomomini tëi iyavei omombaraɨsu gwetekwer yuvɨreko viña, a'e arakwasa rumo egwë e'i tëi va'e, esepia ndayande pɨtɨ̇vɨï ete yande yepepɨ agwä yande remimbotarai sui.

1 Timoteo 6:20

Timoteo, esärö tuprɨ ko porombo'esa supi tuprɨ va'e. Ereyapɨsakai rene ava tëi pɨ'a ñemoñetasa egwë e'i tëi va'e rese, porombo'esa kokotɨ tëi va'e rese avei; esepia amove ava aipo e'i ko porombo'esa rese, ko ite yande mboarakwara e'i tuprɨ tëi va'e yuvɨreko chupe.

2 Timoteo 3:13

ava sekokwer naporäi va'e rumo, iporombopa serai va'e avei ombouvicha katura gwekokwerai, oporombopa-mbopa tëira yuvɨreko, iporombopasa pɨpe rumo ambuae omboyevɨra chupe.

Hebreos 13:9

Peyembopa ukai rene yembo'esa kokotɨ tëi va'e upe. Avɨye katu yayemomirätä Tüpä poroaɨsusa rese mborokwaita tembi'u resendar sui; esepia ko nungar mba'e ndovɨreko ukai mba'e avɨye va'e o'usar upe.

Hebreos 3:12

Che rɨvrɨ eta, peñearö katu tipo eme ñepëi ipɨ'añemoñeta naporäi va'e Tüpä reroya e'ɨ̇sa pɨpe oyepepɨ va'erä ichui.

1 San Pedro 1:18

Esepia Tüpä pe pɨsɨrö araka'endar pe ramoi suindar arakwasa egwë e'i tëi va'e sui, peikwa tuprɨ ite ni'ä ko poropɨsɨrösa reprɨ nimboepɨsai ete mba'e okañɨ tëi va'erä pɨpe inungar oro, anise gwarepochi,

2 San Pedro 3:17

Che rɨvrɨ, che rembiaɨsu, peikwa ite ni'ä evokoi mba'e, sese peñearö tuprɨra pe yembopa uka e'ɨ̇ agwä ava ndiporeroyai va'e upe Tüpä rese pe rekokwer yemovɨräkwäsa sui pe yepepɨ e'ɨ̇ agwä.

2 San Juan 1:8

Peñearö katu pe poravɨkɨ reprɨ mokañɨ tëi e'ɨ̇ agwä, tapeipɨsɨ katu Tüpä porerekosa peyeupe narä.