Colosenses 2:5 - Tüpä Ñe'ëngagwer

⁵ Iyavei yepe amombrɨ aiko pe sui viña, pe rese che ma'endu'asa pɨpe rumo aikoveño pe reseve yepi, aikwa pegwata tuprɨaise pe reko ɨ̇visa pɨpe, ndapeyepepɨise kokotɨ rupi Cristo reroyasa sui. Sese che mbovɨ'areteño peye.

Tũpa Ñehengagüer

⁵ Iyavei yepe amombrɨ aico pe sui viña, pe rese chemahenduha pɨpe rumo aicoveño pe reseve yepi. Aicua peguata tuprɨ aise pe reco ɨ̃visa pɨpe, ndapeyepepɨise co cotɨ rupi Jesucristo reroyasa sui. Sese che mbovɨhareteño ité peye.

Colosenses 2:5 Iomraidhean Croise

Los Hechos 2:42

Opakatu vɨroya tuprɨ ite Jesús ñe'ë mombe'usar porombo'esa, opakatu gwasu avei oyeaɨsu tuprɨ yuvɨreko, oyerure iyavei oñemonu'ä oyeupe mboyape mboya'o-ya'o agwä yuvɨreko yepi.

Los Hechos 20:21

Amombe'u ñe'ësa judío eta upe, ava nda'ei va'e judío upe avei aipo a'e peyevɨ Tüpä upe, iyavei peroya yande Yar Jesús.

1 Corintios 11:34

Akoi ava ndasɨepoise yuvɨreko, tokaru rane gwëtäve, a'ese Tüpä nomondoi chira chupe poronupasa yuvɨrasose ñemonu'äsave. Iyavei che asose eipeve pe repia opara ambuae mba'e amoigätu vicho peü.

1 Corintios 14:40

peyapora rumo opakatu mba'e ñepëi-pëi pe kwaita rupi mba'e tuprɨ pɨpe.

1 Corintios 15:58

Sese che rɨvrɨ eta, peiko tuprɨño ite Cristo rese iyavei peyemovɨräkwä opakatu mba'e tëi upe, peporavɨkɨ katuño yande Yar upendar mba'e rese peiko; esepia peikwa ni'ä yande Yar rese peikose pe poravɨkɨsa nda'ei egwë e'i tëi va'e.

1 Corintios 16:13

Pema'emo'ä peyese, peyemovɨräkwä avei Jesús rese pe yeroyasa pɨpe, peñemosaño katu pe kwaita upe, peikoveño itera Tüpä pirätäsa pɨpe.

Colosenses 2:1

Che aipota peikwa che yemboakɨsa pe rekokwer rese, Laodicea pendar rekokwer rese, seta ambuae ava che kwapare'ɨ̇ rekokwer rese avei.

1 Tesalonicenses 2:17

Che rɨvrɨ eta, akoi oroyepepɨse pe sui movɨrö arɨ rupi, yepe ndaperepiasa iri ete viña, ore rumo ore pɨ'a ñemoñetaño ite pe rese iyavei oroso va'erä pe repia.

1 Tesalonicenses 3:8

Kurïtëi ore mopoäse katu iri ete oroyanduse pe yemovɨräkwäsa yande Yar rese.

Hebreos 3:14

Esepia yayemovɨräkwä tuprɨse Cristo rese, yande yeroyasa yɨpɨsuive yareko va'e pɨpe yande mano agwä rupi ete, a'ese yaiko itera sese.

Hebreos 6:19

Ko mba'e ñasärö va'e omovɨräkwä tuprɨ yande ä sereko, inungar mba'e ɨarusu mombɨtasa omovɨräkwä tuprɨ ɨarusu ɨvɨtu sui. Egwë e'i yande remiarö oike turukwar gwasu tüpäro asɨasa kupeve oɨ imaräne'ɨ̇ katu va'esave ɨvave

1 San Pedro 5:9

Sese peyemovɨräkwära Tüpä rese pe yeroyasa pɨpe, esepia peikwa ni'ä opakatu rupi avei yande rɨvrɨ eta Tüpä rese yuvɨrekoi va'e iparaɨsu ko nungar mba'e pɨpe yuvɨreko.