Colosenses 2:2 - Tüpä Ñe'ëngagwer

² Toyemongere'ɨ̇ katu, toyemboyoya gwasu oyeaɨsusa pɨpe yuvɨreko viya, iyavei sendukwa tuprɨsa pɨpe toyuvɨrekoi mba'e tuprɨ pɨpe viya opakatu peü, esepia Tüpä sui ndikwasai va'e mba'e peikwa tuprɨra ko mba'e imboyekwapɨ ramo, a'e ni'ä Cristo sekoi;

Tũpa Ñehengagüer

² ‘toyemonguerẽhɨ catu, toyemboyoya guasu oyeaɨsusa pɨpe yuvɨreco’ viya. Iyavei ‘senducua tuprɨsa pɨpe toyuvɨrecoi mbahe tuprɨ pɨpe’ viya opacatu pẽu. Esepia, ichui avei peicua tuprɨra co mbahe imboyecuapɨ ramo, ahe niha Cristo.

Colosenses 2:2 Iomraidhean Croise

San Mateo 11:25

A'e arɨ pɨpe, Jesús aipo e'i: “Che Ru, avɨye ndeu che Yar ɨva pendar, iyavei ɨvɨ pɨpendar ereiko, esepia nde eremboyekwa ite ko ñe'ësa ava seko mbegwemi va'e upe ereñomi ava imba'ekwa katu va'e sui.

San Mateo 11:27

“Che Ru opakatu mba'e ombou cheu. Iyavei ndipoi ete ava Chekwa tuprɨ va'e yuvɨreko, che Ru gweraño ite rumo Chekwa; ndipoi avei che Ru oikwa tuprɨ va'e yuvɨreko no, che gweraño ite aikwa iyavei akoi ambuae ava upe aikwa uka potase oikwa itera yuvɨreko.

San Mateo 13:11

Jesús omboyevɨ gwemimbo'e eta upe: “Peü rumo Tüpä oikwa uka ite mba'e ndikwasai va'e omborerekwasa resendar; ambuae ava upe rumo ndoikwa ukai ete.

San Lucas 1:1

Seta ite ava oikwachia va'e tekokwer Tüpä rembiapo arakakwasa serasoprɨ yande pa'ü rupi araka'e,

San Juan 10:30

Che Ru iyavei che oroiko ñepëiño ite.

San Juan 10:38

Akoi ayapose mba'e, yepe ndache reroyai chira peye viña, peroya katu mba'e ayapo va'e, peikwa va'erä ñepëi reseve opakatu mba'e esepia che Ru sekoi ete che rese yepi che avei aiko che Ru rese.

San Juan 16:15

Opakatu mba'e vɨreko va'e che Ru a'e avei cheundar; sese akoi aipo a'e Espíritu oipɨsɨra che areko va'e mba'e, a'e evokoiyase oikwa ukara peü

San Juan 17:3

Iyavei ko tekovesa apɨre'ɨ̇ pɨpe yɨpɨndar nde kwa rane itera yuvɨreko, ñepëi Tüpä supiete va'e nderekosa pɨpe, iyavei akoi erembou va'e Jesucristo ko ɨvɨ pɨpe.”

San Juan 5:17

Jesús rumo aipo e'i chupe: –Che Ru ni'ä oporavɨkɨño va'e ite, che egwë a'e tuprɨ avei aporavɨkɨ.

San Juan 5:23

egwë e'ira opakatu Che mboetei agwä inungar omboetei che Ru yuvɨreko. Akoi ndache mboetei va'e, egwë e'i avei che Ru mboetei e'ɨ̇, a'e ni'ä che mbousar.”

San Juan 6:69

Ore rumo oroyeroya ite nde rese, iyavei oroikwa ite nde ndaseko maräi va'e Tüpä suindar ereikose.

Los Hechos 4:32

Seta iteanga Jesús reroyasar yuvɨreko, opakatu oyoya tuprɨ ipɨ'añemoñeta yuvɨreko, ndipoi ete ko gweraño ko che mba'e e'i va'e, opakatu seroyasar mba'e rumo opakatu mba'e.

Romanos 15:13

Tüpä ite ni'ä ombou va'e oyesuindar rärö agwä, a'ese peikora vɨ'aretesa pɨpe sese peyerosa pɨpe, iyavei tombou poroarösa Espíritu Maräne'ɨ̇ pirätäsa pɨpe peü.

Romanos 16:25

Yamboetei Tüpä sereko, a'e ni'ä oikatu pe movɨräkwä ko ñe'ësa ñepɨsɨrösa resendar amombe'u va'e rupi iyavei ko porombo'esa Jesucristo rekokwer resendar rupi avei. A'e oyoya tuprɨ ite Tüpä omboyekwa ramo va'e cheu ko ɨvɨ apoe'ɨ̇ suive mba'e ndikwasai va'e rese,

Romanos 2:4

Nde ereroɨrö Tüpä rembiapo mba'e ndopai va'e iñemosasa resendar avei, nande pɨ'añemoñetai rumo mba'e sembiapo avɨye va'e rese, ipɨpe sui tosekuñarö gwekokwer oyapave egwë e'i ndeu.

1 Corintios 14:31

Evokoiyase egwë peyera, peñe'ë ñepëi-pëi opakatu ambuae osendu va'e mbo'e agwä, iyavei imongere'ɨ̇ katu agwä.

1 Corintios 2:12

Yande evokoiyase nda'ei ko ɨvɨ pɨpendar tëi espíritu yaipɨsɨ, egwë e'i rumo Espíritu Tüpä suindar ite yaipɨsɨ, yaikwa va'erä avei Tüpä porerekosa oporoaɨsusa pɨpe ombou va'e yandeu.

Gálatas 3:28

Iyavei ndipoi ete yemboya'osa Jesucristo rese yaikose, yepera judío viña, nda'ei va'e judío, anise mbigwai, nda'ei va'e mbigwai, kuimba'e anise kuña; esepia opakatu ñepëi va'e nungar ite peiko Cristo rese.

Efesios 1:7

Tüpä yande raɨsu eteprɨsa pɨpe yande pɨsɨrö Gwa'ɨrɨ ruvɨ pɨyeresa pɨpe yande angaipa rese ñeröi agwä,

Efesios 3:16

Che aporandu yande Ru Tüpä upe ombou va'erä gweko porañetesa peü peipɨsɨ agwä pe pɨ'a pɨpe, Tüpä Espíritu pirätäsa sui.

Efesios 3:3

Ko ñe'ësa yɨpɨndar ndikwasai va'e resendar Tüpä omboyekwa uka va'e cheu, a'e ni'ä aikwachia chi'ï peü.

Efesios 6:22

Sese amondo eipeve peü ore rekokwer mombe'u agwä ipɨpe toyemongere'ɨ̇ katu yuvɨreko viya.

Filipenses 2:1

Iyavei Cristo pe mongere'ɨ̇, pe mbovɨ'a oporoaɨsusa pɨpe oiko, Espíritu avei sekoi pe rese. Peyeaɨsu tuprɨ iyavei pe yeaɨsusa pɨpe peñepɨtɨ̇vɨï,

Filipenses 3:8

Iyavei evokoi nungar mba'e opakatu aseya kokotɨ che yesui, che Yar Cristo Jesús rekokwer kwasa pɨpe. Cristo rekokwer sui opa ite mba'e amokañɨ, ipɨpe sui opakatu mba'e ɨtɨ nungar tëi cheu aiko va'erä supi

Colosenses 1:26

a'e ñe'ësa araka'e suive ndikwasai va'e ite, kurïtëi rumo Tüpä omboyekwa vɨroyasar upe.

Colosenses 1:27

Chupe ite Tüpä omboyekwa pota ko ñe'ësa porañete va'e omboyekwa ramo va'e opakatu ava yuvɨrekoi va'e ɨvɨ pɨpendar upe. Ko ñe'ësa ndikwasai va'e, a'e Cristo pe rese sekoi va'e, ko yande remiarö yareko va'erä teko orɨ porañete va'e kuri.

Colosenses 1:9

Sese avei ore aipo nungar rendu ramoseve ndoroyerurepai ete pe rese, oroporandu pe rese toikwa tuprɨ opakatu Tüpä remimbotar omba'ekwasa Espíritu suindar pɨpe, sendukwa tuprɨsa pɨpe avei yuvɨreko ore yapave peü.

Colosenses 2:19

Esepia a'e ndoyuvɨrekoi yande kwaisar Cristo rese, a'e omovɨräkwä va'e opakatu vɨroyasar yepi, evokoiyase a'e omboyemboya tuprɨ oyese, ñepëi va'e nungar vɨreko oyeupe Tüpä remimbotar rupi.

Colosenses 3:14

Iyavei peyeaɨsu katura, esepia a'e yande mboyemboya tuprɨ oyese yepi.

Colosenses 4:3

Peyerure avei ore rese, tore pɨtɨ̇vɨï Tüpä oñe'ëngagwer mombe'u vɨte agwä toroñe'ë vɨte avei ko ñe'ësa Cristo resendar Tüpä omboyekwa ramo va'e rese yandeu, sese tëi ni'ä ko che rokendasa.

Colosenses 4:8

Sese ko amondo peü ore rekokwer kwa tuprɨ agwä, pe mongere'ɨ̇ katu agwä avei.

1 Tesalonicenses 1:5

Esepia akoi oromombe'use ñe'ësa pɨsɨrösa resendar, nda'ei ñe'ësa ore yesuindar tëi oromombe'u peü; Espíritu Maräne'ɨ̇ reko pirätäsa pɨpe rumo oroñe'ë, iyavei oroikwa ko ñe'ësa supiete va'e. Peikwa avei ni'ä akoi oroiko tuprɨse pe pa'üve, oroseka avei pe reko tuprɨ agwä.

1 Tesalonicenses 3:2

iyavei yande rɨvrɨ Timoteo a'e oporavɨkɨ va'e Tüpä upe ore rupi, omombe'u va'e ko ñe'ësa pɨsɨrösa resendar Cristo suindar ou va'e. A'e amondo peü pe movɨräkwä katu agwä, pe mongere'ɨ̇ katu agwä avei peyeroya katu va'erä Cristo rese,

1 Tesalonicenses 5:14

Che rɨvrɨ eta ko mborokwaita seyasara peü, pemboarakwara akoi ndoporavɨkɨ potai va'e imbo'e katu agwä, pemongere'ɨ̇ ava nikere'ɨ̇ va'e, peipɨtɨ̇vɨï avei akoi ndoyemovɨräkwä tuprɨi va'e gweko agwä rese, peñemosaño avei opakatu ava upe yepi.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Hebreos 10:22

Sese yayemboya katura Tüpä rese yande pɨ'añemoñeta tuprɨsa pɨpe iyavei yande yeroyasa ipa voi va'e pɨpe, supiete a'e opa yande reko mbokatuprɨ yande pɨ'añemoñeta raisa sui iyavei omoatɨrö yande rete ɨ maräne'ɨ̇ pɨpe.

Hebreos 6:11

Ore rumo oroipotaño ite ñepëi-pëi pemboyekwaño itera arɨ kañɨ rupi ete ko pereko va'e pe kere'ɨ̇sa pe remiarö avɨye va'e rupitɨ agwä.

2 San Pedro 1:10

Sese che rɨvrɨ eta, peyemovɨräkwä katu Tüpä pe renoisa mboyekwa agwä iporavoprɨ pe rekosave, egwë peyese ndapevɨapi chietera mba'e tëi pɨpe.

2 San Pedro 1:3

Tüpä ombou gweko pirätä pɨpe opakatu mba'e ipane va'e yande rekove agwä, sese yande pɨ'añemoñeta katu agwä avei yande sekokwer kwa tuprɨ pɨpe. A'e yande poravo gweko porañetesa pɨpe, gwembiapo porañete va'e pɨpe avei.

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.

1 San Juan 3:19

Egwë ya'ese, yaikwa yande rekokwer supiete va'e pɨpe yaikose, a'ese yaikwa itera Tüpä rese yande ñemovɨräkwäsa;

1 San Juan 5:7

Evokoiyase oime mbosapɨ imboyekwasar: