Colosenses 1:6 - Tüpä Ñe'ëngagwer

⁶ ko ñe'ësa imombe'usa avei opakatu peü. Ko ñe'ësa seta ava oipɨsɨ tuprɨ avei yuvɨreko ko ɨvɨ pɨpe, inungar akoi pesenduse yɨpɨndar Tüpä porovasasa resendar ñe'ësa, ipɨpe sui peikwa tuprɨ katu a'e porovasasa supiete va'e.

Tũpa Ñehengagüer

⁶ Co ñehesa imombehusa avei opacatu ɨvɨ rupi, setá ava oipɨsɨ tuprɨ avei yuvɨreco. Inungar acoi pesenduse yɨpɨndar Tũpa porovasasa resendar ñehesa, ipɨpe sui peicua tuprɨ catu ahe porovasasa supi eté vahe.

Colosenses 1:6 Iomraidhean Croise

San Mateo 24:14

Iyavei ko ñe'ësa ikatuprɨ va'e Tüpä mborerekwasa resendar imombe'usapa ranera opakatu ɨvɨ rupi, ikwa uka agwä; a'ese ramo ite oimerä kañɨsa.”

San Mateo 28:19

Peso ava upe opakatu ɨvɨ rupi, pembo'e avei che rekokwer rupi ete yuvɨrekoi va'erä; peñapirämo avei che Ru rer pɨpe, Che rer pɨpe, Espíritu Maräne'ɨ̇ rer pɨpe aveino,

San Marcos 16:15

Ipare aipo e'i gwemimbo'e upe: “Peso opakatu ɨvɨ rupi iyavei pemombe'u ko ñe'ësa pɨsɨrösa resendar peiko.

San Marcos 4:8

Ambuae mba'e rä'ɨi oitɨ ɨvɨ avɨye va'esave, a'e opa okwakwa mitɨ̇, i'a tuprɨai yuvɨreko; amove i'a treinta tuprɨ o'ɨ rese, amove sesenta o'a vɨreko, iyavei ambuae cien tuprɨ ite.”

San Juan 15:16

Pe ndache poravoi ete peye, che rumo opoporavo vichiko amombe'u avei peü pemombe'u va'erä ñe'ësa avɨye va'e, a'e ñe'ësa tokañɨ tëi eme katu. Egwë e'ise che Ru omondora opakatu mba'e peporanduse che rer pɨpe peü.

San Juan 17:19

Sekokwer sui amondo che rekokwer ndeu narä, toyemondo katu yuvɨreko chupe ko ñe'ësa supi tuprɨ va'e reroya pɨpe viya.”

San Juan 4:23

Oyepota rumo arɨ ipapaprɨ, iyavei a'e ite ko kurïtëi, akoi oyerure supiete va'e Tüpä upe imboeteisave yuvɨreko opɨ'a katuprɨsa pɨpe, Tüpä rembiapo katuprɨsa Espíritu rupi. Supiete Tüpä oipota yaposa ko rupi imboetei agwä.

Los Hechos 11:18

Osenduse rumo ñe'ësa Jesús reroyasar Jerusalén pendar yuvɨreko, noñe'ëi tuprɨ iyavei omboetei Tüpä, aipo e'i yuvɨreko: –¡Evokoiyase ko Tüpä omondo avei nda'ei va'e judío upe sekokwer rekuñarö agwä, iyavei tekovesa apɨre'ɨ̇ vɨreko va'erä yuvɨreko!

Los Hechos 12:24

Tüpä ñe'ëngagwer rumo imombe'usa ite opakatu ɨvɨ rupi.

Los Hechos 16:14

Ñepëi kuña imboetasa Lidia serer va'e; tekwa Tiatira pendar iyavei omondo turukwar piräumbɨ sepɨrusuai va'e gwarepochi repɨrä. Ko kuña Tüpä mboeteisar iyavei oyapɨsaka ite ñe'ësa rese, yande Yar omo'ɨ̇vi ipɨ'añemoñetasa iyapɨsaka tuprɨ agwä Pablo remimombe'u rese.

Los Hechos 26:18

Oromondora chupe yuvɨreko ipɨ'a ñemoñeta tuprɨ agwä iyavei ndogwata iri va'erä pɨ̇tümimbisa va'e nungar rupi; a'e ogwata va'erä tesapesa rupi yuvɨreko; ipɨpe sui toyuvɨreko iri eme Karugwar povrɨve, togwata katu Tüpä rupi; egwë te'i che reroya yuvɨreko a'ese oipɨsɨra ñeröisa oangaipa rese iyavei oipɨsɨra Tüpä porerekosa opakatu che rembipe'a.’ ”

Romanos 1:13

Che rɨvrɨ eta, che aipota peikwa va'erä seta rupi aso pota tëi pe pɨri yepi, kurïtëi rumo ndaikatuiño vɨte ite. Che rumo aipota oime va'erä che poravɨkɨsa sui espiritu rese oyemovɨräkwä katu va'e pe pa'ü sui yuvɨreko, inungar ayapo opakatu ambuae tekwa rupi.

Romanos 15:19

egwë a'e poromondɨisa mba'e yavai va'e apo Tüpä pirätäsa pɨpe. A'e ayapo Espíritu Tüpä suindar pirätäsa pɨpe. A'e ichui che amboavɨye ñe'ësa Cristo resendar mombe'u vichiko, tekwa Jerusalén sui tuprɨ agwata opakatu rupi, ayepota ɨvɨ Iliria ve aveino.

Romanos 15:28

Opase che amondo porerekosa yuvɨreko chupe, España ve che sose, a'ese apɨtara vicho pe pɨri.

Romanos 16:26

kurïtëi rumo oyekwa uka oñe'ë mombe'usar rembikwachia pɨpe Tüpä apɨre'ɨ̇ va'e porokwaita rupi. A'e Tüpä ñe'ësa ndikwasai va'e omboyekwa uka opakatu ava upe, opakatu vɨroya va'erä yuvɨreko.

2 Corintios 10:14

Sese, ndoroyapɨrasai orekwaita mombe'usa ikwachia peü, esepia supiete ore ranei ete oroiko pe pa'üve. Ore ranei avei orovɨraso Cristo resendar ñe'ësa imombe'u peü.

2 Corintios 6:1

Ore oroporavɨkɨ va'e Tüpä ñe'ëngagwer rese, sese kurïtëi oromombe'u peü pepoi e'ɨ̇ agwä Tüpä porovasasa omboyekwa va'e sui peü.

Efesios 3:2

Peikwa tuprɨ revo ko che poravɨkɨsa Tüpä ombou va'e cheu oporovasasa mombe'u agwä peü narä.

Efesios 4:21

supiete pesenduse porombo'esa supi tuprɨ va'e sekokwer rendar iyavei peyembo'e ite Jesús rekokwer rese supi peiko va'erä.

Efesios 4:23

Pesekuñarö katu pe pɨ'a ñemoñetaraisa yɨpɨndar pereko va'e,

Efesios 5:9

esepia poroesapesa pɨpe yande rekose, yayapo opakatu mba'e tuprɨ ava upe yande reko ɨ̇vi tuprɨsave, mba'e supi tuprɨ va'e pɨpe.

Filipenses 1:11

perekora pe rekokwer avɨye va'e ite Jesucristo ombou va'e peü Tüpä mboetei agwä.

Filipenses 4:17

Ndachepɨ'añemoñetai mba'e arokwaño tëi va'erä pe sui; che rumo aipota Tüpä omboyevɨra peü ko pe porerekosa pembou va'e cheu.

Colosenses 1:10

Ipɨpe sui tapegwata tuprɨ yande Yar rupi seroyasar tuprɨ pe rekosa pɨpe, tapemboavɨye tuprɨ opakatu semimbotar, mba'e pe rembiapo tuprɨ pereko katura sovake, ipɨpe sui avei tapeikwa tuprɨ katu Tüpä rekokwer peiko.

Colosenses 1:23

Egwë peye agwä rumo peyemovɨräkwä ñoitera Cristo rese pe yeroyasa pɨpe yepi, ndapeyepepɨi chiaveira mba'e oime va'erä rese pe yeroyasa sui pesendu va'e ko ñe'ësa ñepɨsɨrösa resendar pɨpe. A'e imombe'usa opakatu ɨvɨ rupi, che ni'ä Pablo, ikwaiprɨ aiko ko ñe'ësa mombe'u agwä.

1 Tesalonicenses 1:5

Esepia akoi oromombe'use ñe'ësa pɨsɨrösa resendar, nda'ei ñe'ësa ore yesuindar tëi oromombe'u peü; Espíritu Maräne'ɨ̇ reko pirätäsa pɨpe rumo oroñe'ë, iyavei oroikwa ko ñe'ësa supiete va'e. Peikwa avei ni'ä akoi oroiko tuprɨse pe pa'üve, oroseka avei pe reko tuprɨ agwä.

1 Tesalonicenses 2:13

Ko rese, avɨye ndeu oro'e Tüpä upe arɨ yakatu rupi, esepia Tüpä ñe'ëngagwer oromombe'u va'e peü, peipɨsɨ ite ko Tüpä ñe'ë, nda'ei ava tëi ñe'ë. Supiete Tüpä ñe'ë, a'e ni'ä osekuñaröpa ite pe rekokwer peroya pare.

2 Tesalonicenses 2:13

Ore rumo, avɨye ndeu oro'eño ite Tüpä upe pe rekokwer rese yepi, che rɨvrɨ eta, yande Yar rembiaɨsu peiko va'e, esepia Tüpä ni'ä pe poravo yɨpɨsuive pe pɨsɨrö agwä pe reko maräne'ɨ̇ agwä rese Espíritu pɨpe iyavei porombo'esa supiete va'e reroya agwä.

1 San Pedro 5:12

Yande rɨvrɨ Silvano omboavɨye tuprɨ va'e ite okwaita yepi, a'e che pɨtɨ̇vɨïsa pɨpe ko ayapo imondo che rembikwachia ndipukuimi va'e pe mboarakwa katu agwä, ipɨpe toikwa tuprɨ katu yuvɨreko ko porovasasa oipɨsɨ va'e supiete omboyekwa va'e Tüpä poroaɨsusa che esave. ¡Peyemovɨräkwä tuprɨ evokoi poroaɨsusa rese!