Colosenses 1:23 - Tüpä Ñe'ëngagwer

²³ Egwë peye agwä rumo peyemovɨräkwä ñoitera Cristo rese pe yeroyasa pɨpe yepi, ndapeyepepɨi chiaveira mba'e oime va'erä rese pe yeroyasa sui pesendu va'e ko ñe'ësa ñepɨsɨrösa resendar pɨpe. A'e imombe'usa opakatu ɨvɨ rupi, che ni'ä Pablo, ikwaiprɨ aiko ko ñe'ësa mombe'u agwä.

Tũpa Ñehengagüer

²³ Ẽgüe peye ãgua rumo peyemovɨracuaño itera Cristo rese pe yeroyasa pɨpe yepi. Ndapeyepepɨi chiaveira mbahe oime vaherã rese pe yeroyasa sui pesendu vahe co ñehesa ñepɨsɨrosa resendar pɨpe. Ahe imombehusa opacatu ɨvɨ rupi. Che niha Pablo, icuaiprɨ, aico co ñehesa mombehu ãgua.

Colosenses 1:23 Iomraidhean Croise

San Marcos 16:15

Ipare aipo e'i gwemimbo'e upe: “Peso opakatu ɨvɨ rupi iyavei pemombe'u ko ñe'ësa pɨsɨrösa resendar peiko.

San Lucas 22:32

che rumo ayerure nde rese, ipane e'ɨ̇ agwä nde pɨ'a ñemoñetasa. Iyavei nde, ereyevɨse cheu, eipɨtɨ̇vɨï katu nde rɨvrɨ eta imovɨräkwä agwä yuvɨreko oyese.

San Lucas 6:48

a'e inungar tuprɨ akoi ava oyapo va'e gwëtära yɨpɨndar rumo oyo'o pɨkuku rane ite, ipare omondo ita arɨve imopü'a agwä. Oyepota ɨrɨgwasu ou, oinupa pirätä tëi oɨ, nomboyerokwai ete rumo, esepia ni'ä vɨreko ite ovɨräkwäsa avɨye va'e.

San Juan 15:6

Akoi ndasekoi va'e che rese, a'e imombosara okarve ipare rumo ipirura inungar akoi ɨvɨra räkä imonu'äsa va'e sapɨ pɨrä tatave yepi.

Los Hechos 1:17

Judas sekoi va'e yande pa'üve ko mboravɨkɨsa rese yande pɨtɨ̇vɨï agwä avei viña.”

Los Hechos 1:25

eremondo va'erä ikwaitarä Jesús ñe'ë mombe'usar seko agwä Judas rekuñarä, a'e oangaipa pɨpe oyemokañɨ uka tëi va'e oiko, e'i Tüpä upe yuvɨreko.

Los Hechos 1:8

peipɨsɨra rumo Tüpä pirätäsa oikese Espíritu Maräne'ɨ̇ pe pɨ'a pɨpe, a'ese pemombe'u tuprɨra che rekokwer Jerusalén pendar upe, Judea pendar, Samaria pendar opakatu ko ɨvɨ pɨpendar upe aveino.

Los Hechos 11:23

Oyepotase a'eve, Bernabé osepia Tüpä sovasase, a'ese oyembovɨ'arete katu. Ichui omboarakwa opakatu yuvɨrekoi va'erä pɨ'a ñemoñetasa avɨye va'e yande Yar rese.

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

Los Hechos 2:5

A'e arɨ pɨpe seta iteanga judío yuvɨrekoi Jerusalén ve omboavɨye va'e okwaita Tüpä mboeteisa, a'e oñemonu'ä va'e opakatu ɨvɨ rupindar yuvɨreko.

Los Hechos 20:24

Ndacherekate'ɨ̇i rumo cheyese, che mano agwä, che amboavɨye rane itera yande Yar Jesús porokwaita ñe'ësa avɨye va'e mombe'u Tüpä poroaɨsusa resendar vichiko.”

Los Hechos 26:16

Epü'a kurïtëi, esepia ko rese ayemboyekwa ndeu, tasekoi che rembigwai che yapave tomombe'u avei ko mba'e osepia va'e iyavei tomombe'u avei ko mba'e amboyekwa va'erä chupe kuri viya ndeu.

Los Hechos 4:12

Ndipoi ambuae ava sui poropɨsɨrösa, Jesús gweraño ite oikatu oporopɨsɨrö. Esepia Tüpä nomboui ambuae ava tëi ko ɨvɨ pɨpe yande pɨsɨrö agwä.

Romanos 10:18

Che rumo aporandu: ¿Avɨyeteramo ndosendui ñe'ësa avɨye va'e yuvɨreko? ¡Supiete osendu yuvɨreko! Esepia Ikwachiaprɨ pɨpe aipo e'i: “A'e iñe'ë yuvɨreko opa ite ikwasa opakatu ɨvɨ rupi, iyavei opakatu ɨvɨ rupi osendu iñe'ë yuvɨreko.”

Romanos 15:16

Jesucristo rese che poravɨkɨ agwä ava nda'ei va'e judío rekokwer avɨye agwä. Evokoiyase judío pa'i nungar che kwaisa pɨpe amombe'u ko ñe'ësa Tüpä ombou va'e pɨsɨrösa resendar yuvɨreko chupe imopore'ɨ̇ agwä Tüpä rovai inungar mba'e seropove'ëprɨ avɨye va'e Tüpä upe Espíritu Maräne'ɨ̇ pɨpe yepi.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

Romanos 5:5

Iyavei a'e yande remiarö ndayambo'a chira mba'e tëi pɨpe sereko, esepia Tüpä ombou ite oporoaɨsusa yandeu Espíritu Maräne'ɨ̇ yandeu ombou va'e pɨpe.

1 Corintios 15:58

Sese che rɨvrɨ eta, peiko tuprɨño ite Cristo rese iyavei peyemovɨräkwä opakatu mba'e tëi upe, peporavɨkɨ katuño yande Yar upendar mba'e rese peiko; esepia peikwa ni'ä yande Yar rese peikose pe poravɨkɨsa nda'ei egwë e'i tëi va'e.

1 Corintios 3:5

Evokoiyase, ¿Mba'e vo Apolo sekoi?, ¿Mba'e vo Pablo sekoi? A'e yuvɨrekoi Tüpä rembigwai, ipɨpe sui ni'ä pereko poreroyasa peyese. Yande Yar ni'ä ombou ñepëi-pëi mboravɨkɨ yandeu chupe yayapo va'erä:

2 Corintios 10:1

Che Pablo, añe'ë Cristo poroaɨsusa sekoasɨ e'ɨ̇sa pɨpe avei peü, amove ava pe pa'ü pendar seko mbegwemi tëi yande pa'üve oikose, amombrɨ gwekose rumo oñe'ë pirätä iteanga aipo e'i yuvɨreko cheu viña.

2 Corintios 11:23

¿A'e pi'ä yuvɨrekoi Cristo pɨtɨ̇vɨïsar? Che rumo ɨvate katu aiko ichui yuvɨreko, yepe añe'ëse avɨye che ndayarakwai va'e aiko viña. Che aporavɨkɨ katu yuvɨreko ichui, seta rupi avei che rokenda ichui yuvɨreko, iyavei inupambrɨ katu aiko ichui yuvɨreko, seta rupi avei seni-seni che yuka uka che mombaraɨsusa pɨpe yuvɨreko.

2 Corintios 3:6

a'e ni'ä orembo'e ore poravɨkɨ agwä tekovesa ipɨasu va'e rese, nda'ei Moisés porokwaita rupi a'e rumo Espíritu suindar pɨpe ite. Esepia a'e porokwaita imboavɨye e'ɨ̇sa pɨpe yamano tëira viña, Tüpä Espíritu rumo ombou tekovesa yandeu.

2 Corintios 4:1

Sese ndorekere'ɨ̇ iri ndoro'ei ete, esepia Tüpä ore poravo, ore paraɨsuerekosa pɨpe ore poravɨkɨ agwä ko ñe'ësa rese.

2 Corintios 6:1

Ore oroporavɨkɨ va'e Tüpä ñe'ëngagwer rese, sese kurïtëi oromombe'u peü pepoi e'ɨ̇ agwä Tüpä porovasasa omboyekwa va'e sui peü.

Gálatas 4:11

¡Che ayembosɨkɨye pe rese, che porombo'esa revo egwë e'i tëi va'e ipa'üve yuvɨreko chupe a'e peü!

Gálatas 5:5

Yande rumo yande kere'ɨ̇sa pɨpe yayeroya yande reko katuprɨ agwä rese, egwë ya'e Espíritu yande pɨtɨ̇vɨïsa pɨpe Jesús rese yeroyasa pɨpe avei.

Gálatas 5:7

Peiko tuprɨ ni'ä yɨpɨndar viña. ¿Ava ru ndovɨroya uka iri mba'e supi tuprɨ va'e peü?

Gálatas 6:9

Evokoiyase tayandekwerai eme mba'e tuprɨ aposa pɨpe; esepia akoi ndayandekweraise, yaipɨsɨra mba'e tuprɨ apo reprɨ.

Efesios 1:18

Egwë a'e aporandu Tüpä upe pe pɨ'a resape agwä rese, ipɨpe peikwa katura ko pesärö va'e ɨvave pereike agwä, peikwa aveira ko mba'e imondopɨrä ɨva pendar iporañete va'e Tüpä upendar yuvɨrekoi va'e upe,

Efesios 2:21

Ichui Cristo opa yande mboyese'a oyese, inungar oɨ imopü'ambrɨ oyeupi katu-katu iri va'e tüpärogwä, egwë ya'e ipe'aprɨ yaiko yande Yar upe narä sese ite yande reko agwä.

Efesios 3:17

Cristo tasekoi pe pɨ'a pɨpe peporeroyasa rese, iyavei pe poroaɨsusa pɨpe pe yemovɨräkwä katu agwä peyese.

Efesios 4:16

Esepia Cristo yande mboya tuprɨ oyese, yande moenda tuprɨ avei yande rereko, egwë e'i a'e yande mboyemboya oyese ñepëi va'e nungar; ñepëi-pëi yaporavɨkɨ tuprɨse, a'ese opakatu yayeroya katu itera, yayemovɨräkwä katu aveira yande yeaɨsusa pɨpe.

Colosenses 1:25

Jesús reroyasar pɨtɨ̇vɨï agwä ni'ä Tüpä che kwai, sese amombe'u opakatu iñe'ëngagwer peü, pe reko tuprɨ agwä rese,

Colosenses 2:7

pe yemovɨräkwäsa pɨpe, peyembo'esa rese peyemomirätä katura Cristo rese pe yeroyasa pɨpe, iyavei avɨye ndeu peye itera Tüpä upe arɨ yakatu yepi.

1 Tesalonicenses 3:3

iyavei tipo eme oyembosɨkɨye va'e ko mba'e tëi pe mombaraɨsuse. Peikwa ni'ä yaiporara rane itera ko nungar mba'e yaiko.

1 Tesalonicenses 3:5

Evokoiyase che nañemosa irise, amondo Timoteo pe rekokwer rese porandu agwä, che asɨkɨye tëi avɨyeteramo karugwar omondora mba'e tëi pɨpe, ore poravɨkɨ agwer evokoiyase okañɨ tëira che e'save.

1 Tesalonicenses 5:8

yande rumo yaiko va'e Tüpä poroesapesa pɨpe, evokoiyase yareko tuprɨra yande pɨ'a ñemoñetasa yande reko tuprɨ agwä yepi. Yayoepɨra yande yeroyasa pɨpe, poroaɨsusa pɨpe aveino, iyavei inungar akoi sundao vɨreko oakä ndɨru gwarepochi apoprɨ yuvɨreko oakä repɨ agwä, yande avei tayareko yande remiarö yande ñepɨsɨrö agwä

2 Tesalonicenses 2:16

Yande Yar Jesucristo teiete, yande Ru Tüpä avei, yande raɨsu yande rovasasa pɨpe ombou vɨ'asa apɨre'ɨ̇ va'e yandeu, iyavei yande reko tuprɨ rärö agwä iporoaɨsusa rese,

1 Timoteo 1:12

Avɨye ndeu a'e yande Yar Jesucristo upe, a'e ni'ä ombou pirätäsa ko che ñe'ë agwä, esepia a'e oyeroya che rese sese che mondo oñe'ëngagwer mombe'u agwä,

1 Timoteo 2:7

Sese che supiete Jesús ñe'ë mombe'usar, ikwaiprɨ aiko Tüpä ñe'ëngagwer mombe'u agwä, ava nda'ei va'e judío mbo'e agwä, ko yeroyasa rese iyavei supiete va'e rese; supiete ndopombopai.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Tito 3:7

ipɨpe yande rekoai sui yande renose yande reko ɨ̇vi tuprɨ agwä, oporoaɨsusa pɨpe toipɨsɨ ko tekovesa apɨre'ɨ̇ gwemiarö yuvɨreko oya.

Hebreos 10:38

Akoi seko katuprɨ va'e che rese, a'e oporeroyasa pɨpe yuvɨrekovera; akoi oyepepɨse rumo che sui, che evokoiyase ndavɨ'ai chira sese.”

Hebreos 3:14

Esepia yayemovɨräkwä tuprɨse Cristo rese, yande yeroyasa yɨpɨsuive yareko va'e pɨpe yande mano agwä rupi ete, a'ese yaiko itera sese.

Hebreos 3:6

Cristo rumo Ta'ɨrɨ gweko pɨpe omboavɨye okwaita Tüpä rëtä rese, a'e yande yaiko yayeroyaño sese yasäröño avei yande yembovɨ'asa pɨpe ko mba'e avɨye va'e oime va'erä yandeu kuri.

Hebreos 4:14

Jesús, Tüpä Ra'ɨrɨ, pa'i ɨvate katu va'e sekoi yandeu, oike va'e ɨvave Tüpä pɨri. Sese yayemovɨräkwäño itera yande yeroyasa pɨpe yepi.

Hebreos 6:19

Ko mba'e ñasärö va'e omovɨräkwä tuprɨ yande ä sereko, inungar mba'e ɨarusu mombɨtasa omovɨräkwä tuprɨ ɨarusu ɨvɨtu sui. Egwë e'i yande remiarö oike turukwar gwasu tüpäro asɨasa kupeve oɨ imaräne'ɨ̇ katu va'esave ɨvave

1 San Pedro 1:3

Yamboetei yande Yar Jesucristo Yesupa Tüpä sereko, a'e ni'ä oporoparaɨsu rekosa pɨpe yande rekokwer mbopɨasu yande Yar Jesucristo kwerayevɨsa pɨpe. Ipɨpe sui yaikwaño ite oimerä mba'e avɨye va'e yandeu,

1 San Pedro 1:5

Poreroyasa pereko va'e Tüpä rese, ipɨpe sui a'e pe repɨ opirätäsa pɨpe mba'e tëi sui peiko va'erä poropɨsɨrösa imoigätuprɨ pɨpe, iyavei a'e oikwa ukara peü arɨ ipa va'e pɨpe kuri.

1 San Juan 2:27

Pereko Espíritu Maräne'ɨ̇ Jesucristo ombou va'e peü, sese ndiyai ete ambuae pe mbo'era yuvɨreko, Espíritu ae pe mbo'e opakatu mba'e rese, iporombo'esa supiete ndoporombopai va'e, sese peikoño Cristo rese Espíritu Maräne'ɨ̇ pe mbo'esa rupi.

Apocalipsis 2:10

Ndapesɨkɨyei chira pe paraɨsu agwä sui, esepia karugwar osokenda ukara amove pe pa'ü pendar sekoa'ä agwä; pe paraɨsu rane itera ni'ä opayandepo yovaive arɨ rupi peiko. Akoi peyemovɨräkwä tuprɨse sese, a'ese che amondora porerekosa tekovesa apɨre'ɨ̇ ndopai va'e peü.