Colosenses 1:2 - Tüpä Ñe'ëngagwer

² aikwachia ko ore avɨravesa peü, peiko va'e tekwa maräne'ɨ̇sa pɨpe Colosas ve, Cristo rese peiko va'e. Yande Ru Tüpä taperovasa, tombou pe reko tuprɨ agwä peü.

Tũpa Ñehengagüer

² Co aicuachía pẽu, pe Cristo rese peico tuprɨ vahe Colosa ve, Tũpa upendar peico vahe. Yande Ru Tũpa tape rovasa, tombou pe reco tuprɨ ãgua pẽu.

Colosenses 1:2 Iomraidhean Croise

Los Hechos 9:13

Ko osenduse, Ananías aipo e'i: “Che Yar, seta rumo evokoi mbɨa rekokwer omombe'u yuvɨreko cheu mba'e tëi oyapo va'e nde reroyasar reko maräne'ɨ̇ upe Jerusalén ve.

1 Corintios 4:17

Sese che amondo che rembiaɨsu Timoteo peü, che ra'ɨrɨ nungar omboavɨye va'e okwaita yande Yar suindar. A'e pe moma'endu'ara Cristo rupi che gwatasa rese. A'e oyoya che porombo'e agwer rese che sose opakatu Jesús reroyasar ñemonu'äsa rupi yepi.

Gálatas 1:3

Tapeipɨsɨ yande Ru Tüpä, yande Yar Jesucristo porovasasa pe reko tuprɨ agwä.

Gálatas 3:9

Evokoiyase Tüpä osovasara kurïtëindar oyese yeroyasareta, inungar Abraham araka'e.

Efesios 1:1

Che Pablo, Jesucristo ñe'ë mombe'usar aiko Tüpä remimbotar rupi, che aikwachia ko imondo che ñe'ë peü pe Éfeso pendar, peporeroya pɨpe ni'ä peiko Cristo Jesús rese.

Efesios 6:21

Yande rɨvrɨ Tíquico, yande rembiaɨsu, che pɨtɨ̇vɨïsar omboavɨye va'e okwaita yande Yar upe mboravɨkɨsa rese, a'e omombe'ura opakatu che rekokwer mba'e che rembiapo avei peü.

Filipenses 1:1

Che Pablo iyavei Timoteo oroiko Cristo Jesús rembigwai, aikwachia ko che ñe'ë peü, pe Tüpä upendar Cristo Jesús rese peiko va'e tekwa Filipos ve, Cristo Jesús reroyasar rärösar upe, seroyasar rese i'añeko va'e upe avei.

1 San Pedro 1:2

supiete pe yande Ru Tüpä rembiporavo yɨpɨsuive ite peiko semimbotar rupi. Iyavei Espíritu Maräne'ɨ̇ pɨpe perovasa pe rereko oyeupe narä imoatɨröprɨ toyuvɨrekoi Jesucristo ruvɨ pɨpe oangaipagwer sui oyapave. Peipɨsɨ katu Tüpä porovasasa pe reko tuprɨ agwä.

2 San Pedro 1:2

Tapeipɨsɨ katu porovasasa iyavei teko tuprɨsa Tüpä yande Yar Jesús kwa tuprɨ pɨpe.

San Judas 1:2

Peipɨsɨ pe reko tuprɨ agwä pe raɨsusa pɨpe.

Apocalipsis 1:4

Che Juan, aikwachia Jesús reroyasar ñuvɨrïo ova tekwa Asia ɨvɨ rupindar yuvɨrekoi va'e upe. Peipɨsɨ porovasasa, teko tuprɨsa Tüpä suindar ou va'erä sui; ñuvɨrïo ova espíritu suindar aveino, a'e yuvɨno'äi va'e senda porañete va'e rovai,